Q:郭Sir,好欣賞你帶U23時招回在海外留學的球員,好像以前教練從未試過,讓許多在外升學的有潛質年青球員慢慢失聯...
現在香港有沒有什麽計劃可安排年青球員出外升學順便投考外國球會青年軍?我覺得讓香港球員接受外國青訓是一條出路,你認為是嗎?
郭嘉諾:你好!多謝你嘅提問!其實而家有好多年青球員,例如顏卓彬、杜國瑜等,都係響外國讀書,然後成為職業球員。香港現在亦有機構協助年青球員到外地求學,同時踢波,成為學生運動員,這當然是其中一個不錯的出路。但這些球員長期不在港,去monitor呢班球員比較難,所以在香港讀書、訓練,亦令教練可以給予比較貼身嘅照顧,協助佢哋融入大隊。
Q:嘉諾兄, 在現在香港球圈以守為攻的大趨勢下, 你主張以攻為守我非常佩服.如果有日帶香港隊, 你也會以這樣侵略性的戰術對付日韓伊澳嗎?怕不怕有大敗的風險?
郭嘉諾:你好!感謝你的提問!進攻可以贏一場比賽,但防守可以贏一個冠軍,這是足球教學的傳統理念。香港隊近年的賽事,面對勁旅只可死守,輸少當贏,缺乏了「博錘」嘅心態。我希望球員在比賽時可以「豁出去」,放膽做多點進攻,否則只會出現零比零的賽事。這個踢法當然有風險,柬埔寨以14比0大敗予伊朗就是個好例子。簡單來說,我們需要一些輸得起的球員,輸得起的球迷,及輸得起的教練,才可以令香港足球得到大躍進。
Q:你以球員,教練最享受的分别是那個球季或盃賽?2. 最滿意的一個决定。🙏
郭嘉諾:你好!感謝你嘅提問!我啲球員生涯唔長,大部份時間效力港會。反而我響城市大學期間,以隊長身份為城大重奪失落十年嘅大專盃,係我人生最重要嘅一場賽事。因為呢個係全隊人幾年嚟嘅努力換返嚟嘅成果,而且果場波我入咗兩球頭槌,所以好難忘!作為教練,當然第四十一屆省港盃主場贏廣東隊四比零嘅賽事我最難忘。我始終認為,響2012年決定辭去港會嘅工作,全力投身足球界,係我到而家最滿意嘅一個決定。當然,娶咗我老婆都不失為一個唔錯嘅決定啦😂