[本地足球] 2019/20 港超聯、亞協及香港隊世盃外討論區 (74)

非洲布隆迪連直播都冇憑咩做五大聯賽之一

南華光輝歲月

係都唔奇
雖然我 ff最好 8/9港超轉會窗重開，垃隊飛馬個別菁英可以轉會助陣其他隊, 但可能未必真係開
轉會窗，何況未必有offer其他球隊可能無 budget簽人

香港技術型球員去台灣留半年可能有著數

啱啱睇完台甲罁鐵對航源半場，睇到唔少門前機會都入唔到，強度比港超差，球員基本上想爆就爆到其他人。

所以上次龍仔踢亞拹打航源踢到成個美斯咁，班奇以為攞過好多獎係常規正選

半年低薪已經好難捱，又無波踢 keep狀態

攞埋剩低個份糧再去台灣踢半年，應該夠收支平衡，可以保持狀態
重可以順便溝台妹

足總主席貝鈞奇收集意見，周四開會內部商討之後，有意採納部份球會的意見，就是暫定在9月復賽直到完成今季，之後甫一完季便小休一會，然後再直接去開新的一季，間接否定了在疫情下倉促由跨年制轉成年度制的建議。
下一步，足總將在下周四(4月16日)召開董事會，商討各種可能性及後續問題，估計9月復賽、完季後無縫銜接的方案跑出成數最高。


足總保就業傾向9月復賽 踢至完季後小休即開新季
https://www.bastillepost.com/hongkong/article/6252279

台灣球員身份係台甲本地應該得朱恩樂有港超外援水平，佢應該同辛祖同 lv, 但速度快 d感覺國家隊作用比較大，辛祖港超就狂入波神射手

我記得頑皮五兄弟

如果冇疫情港超隊可以搵佢試吓

變得咁快既之前大部分隊先話轉年度制

咪撚轉啦 多舊魚

【體壇停擺】港超重開預有隊退賽 流浪：如有補貼將考慮完成餘下賽事

足總高層周四初步決定不會腰斬今季港超聯，亦不會早於9月復賽，而部份港超聯球會已收到足總初步通知。標準流浪總監李輝立今表示，陣中外援已陸續離港，不過，如復賽可續獲補貼則考慮完成餘下賽事。

足總收集過各港超聯球會對餘下賽程的建議，主席貝鈞奇昨與行政總裁溫達倫、董事陳志康及競賽部商討餘下賽事安排，而貝鈞奇謂，過半球隊數不希望腰斬賽事，現傾向順延賽事至9月，並正整理相關細節。

由於標準流浪及香港飛馬已提早與球員解約，後者表明就算9月復賽也不續戰，復賽後隊數可能減少；消息指，足總有研究到一旦有隊棄戰的應變，包括剔除該隊聯賽戰績，另外亦會順延球員今季合約及註冊至完成今季賽為止。足總下周中召開董事會商討。

飛馬已於早前與大部份員解約，外援亦已相繼離隊，而會長羅傑承亦公開承認，就算港超聯9月復賽，亦不會再參加，至於與飛馬同陣線的流浪總監李輝立今表示，已收到足總高層口頭通知可能在9月復賽的計劃，惟球隊目前是抱觀望態度。

他謂:「大部份外援及本地球員已解約，至於9月是否會參加今季餘下聯賽暫抱觀望態度，如政府可續補貼場租等開支是會考慮。」他透露，政府承擔早前將馬澳足球中心閉門作賽開支後，為球隊節省超過4萬元開支。

記者：曾雁平

可能有堆球員反對呢
轉制咪有可能今季完後幾個月又無收入要等下季

專欄輪住嚟 識居安思危同寸都係事實

早排見陳偉豪喺自己facebook專頁，出咗篇嘢提醒球員要有危機感，又話要珍惜仲可以踢波嘅機會，心諗唔係有咩事將會發生吖嘛！

點知，真係有事發生！原來除咗啲外援之外，同香港飛馬提早「分手」嘅仲有「偉豪」。「『偉豪』點呀？之後有咩打算？」「幫你手講波囉！」「仲有得講實預你嘅！但你會唔會又好似今季季初咁，又有班落㗎？」「好多個月之後嘅事啦，到時再算，有會簽嘅話，我諗我都會繼續踢嘅。」今季開始之前，見當時「偉豪」話會去踢港甲，咪諗住搵埋佢幫手講波囉，證都幫佢做埋，點知轉吓頭就簽咗香港飛馬做球員兼助教。

咁依家提前回復自由身點算？「其實我今季開始，都有返緊一份工，係文職嚟，依家唔使踢波，咪每日返工囉。」你一向咁多嘢講，唔講多啲？「今次疫情對球圈嘅影響好大，大家做球員嘅一定要居安思危，要早啲去未來打算，如果唔係一個浪冚埋嚟，如果毫無準備嘅話，死咗9成。」至於「偉豪」口中嘅居安思危即係點呢？「哦！咪好似我咁囉！我好早已經有地產經紀牌、保險牌同教練牌，早兩年亦都開始咗『足球小將』呢個計劃，所以就算真係唔再踢波，我都唔會餓死先！我唔係寸，呢個係事實！」

無錯！你識得居安思危係事實；但你寸，都係事實！

「大頭」

講真七八月一係熱到中暑一係打風落雨
有咩可能踢正式比賽

大個仔時常靠關係　和時代接軌

支持大細豪返南華

寶島聯賽開鑼　香港代表記得吼路呀！
04月10日(五) 20:49

正當世界各地的足球賽事，均受新冠肺炎影響下暫停之際。疫情漸趨緩和的「寶島」將於周日（12日）展開企業甲組聯賽，首輪更上演「南北打吡」，由北市大同和高市台電爭響頭炮。同時北市大同今季在「亞協盃」，將與香港代表和富大埔爭奪I組的出線資格，「綠戰士」正好趁今次機會刺探軍情！

港超聯盟主和富大埔在今屆「亞協盃」，與中華台北球隊北市大同同處I組，假如傑志在亞協附闖過高巿台電一關，亦會加入I組戰團。所謂「知己知彼，百戰百勝」，這場在周日（12日）下午4時開打的「寶島」甲組激戰，北市大同對高市台電，絕對是香港代表窺探敵方實力的良機。大同自2017年改制後連奪3屆甲組聯賽冠軍，實力不容忽視，上季更以21戰得52分，3分之差壓過高市台電奪冠，從而奪得「亞協盃」小組參賽資格。

去屆榮膺最佳教練獎，67歲主教練強木在，今年繼續領軍，惟金手套獎得主，曾有傳加盟大埔的潘文傑已離隊他投，預料中華台北後備守門員、27歲的施信安將接替鎮守大門。

此外，雖然首席射手馬可費內路斯、主力後衛陳威全，轉投台灣鋼鐵，但去年射入20球的科特迪瓦前鋒Ange Samuel，以及「土耳其火槍兵」入籍台腳朱恩樂仍在陣中，相信攻力不減。值得一提的是，去年6月中華台北贏港隊2比0一仗，朱恩樂和另一位大同前鋒陳瑞杰均是箭頭之一，他們曾作客香港的經驗，絕對是大同征戰「亞協盃」一大優勢。

其餘主力還包括洪賜丞、翁偉賓、前日本U23原田拡帝、洪都拉斯中場Elias Argueta等，又有同來自洪國的後衞高易南，由台中FUTURO來投補強，大同隊的整體實力絕對不較過往遜色。如果和富大埔希望在I組爭奪唯一一個出線資格，定必要對北市大同做足功課。

【2020企業甲組聯賽隊目表●主力球員】

北市大同●Ange Samuel、朱恩樂、陳瑞杰
高市台電●陳昭安、林約翰、陳毅維
航源FC●陳慶烜、Judelin Aveska、黃秋霖
台灣鋼鐵●潘文傑、班奇、馬可費內路斯
台中FUTURO●朱益成、陳庭揚、李茂
璉紅臺體●陳柏諭
銘傳大學●王仲禹、田所隼乃介
紅獅FC●Diego Ramirez、井上湧貴

7,8月天氣惡頂

命運注定？Iron man「均宜」要照顧蜘蛛俠
04月10日(五) 21:30

如果用「大細路」來形容盧均宜，相信應該無人會質疑，但這位富力R&F球員成為爸爸後，「大細路」也要成長去照顧「真細路」！「湊仔公」雖要捨棄一屋最愛Iron man珍藏，但細仔「亨亨」卻「子承父業」獨愛蜘蛛俠。剛巧在《Marvel》劇情中Iron man也視蜘蛛俠如己出般照顧有加，難怪「均宜」都認為這是命運安排，註定要為這對仔女付出一切！　■文：司徒子文

在每個「大細路」心目中，都希望家中放滿喜歡的Figure玩具，更會視之為命根，這一點對「均宜」來說也不例外。不過自從家裏多了6歲的Lena、以及3歲的「亨亨」兩位新成員，「均宜」的命根也轉換成為一對仔女：「為咗老婆可以方便啲照顧兩個，所以之前就決定搬屋。咁要搬就梗係要捨棄一啲嘢，雖則我嘅Figure儲咗好耐，都冇辦法啦。」

盼「亨亨」堅持熱誠勇於迎難

Iron man雖然遷出了「均宜」的家，但卻有另一新歡接力入主：「細仔『亨亨』好鍾意蜘蛛俠，咁為咗氹佢，買玩具係最直接方法。不過我最想佢大個仔後，可以學到超級英雄咁，即使遇到幾多困難同挫折，都要堅持自己份熱誠同執着，千祈唔可以咁容易放棄，要勇於面對困難先係真正嘅英雄！」另外，「均宜」亦覺得自己喜歡Iron man，而「亨亨」就喜歡蜘蛛俠，像是冥冥中註定，因為劇中兩人關係猶如父子，可以為雙方付出所有。

與愛女砌Lego享天倫樂

除了「亨亨」外，平時喜歡砌模型的「均宜」，也遺傳給了大女Lena，更成為兩人親子樂時間：「個女就有啲似我好鍾意砌Lego，有時候買咗番嚟，我會同佢一齊砌，享受吓呢段屬於我兩個嘅私人時間（其實自己都想玩）。啲朋友有講過擔心女仔鍾意砌嘢會變『宅女』，但我見佢砌Lego時候好專心好投入好有耐性，咁算唔算做『宅』呀？」然而，一切對於「均宜」來說，仔女能夠在開心愉快環境下健康成長，這才是天下所有父親共同心願，尤其在疫情橫行世代，能夠「宅」在家裏與最愛一起砌Lego、玩蜘蛛俠，這才是世界最大幸福！

辛勞程度冇得比　太太至係真‧英雄

別看「均宜」一臉稚氣，其實已屆35歲步入足球員黃昏時期，但要在香港養大兩個仔女，經濟壓力可謂相當巨大。然而「均宜」直言太太Canmy的辛勞比起自己是冇得比，她才是家中的「超級英雄」：「養兩個小朋友雖然要使唔少錢，但其實花心機去教導都好緊要。我自己呢兩年因為喺廣州訓練，好無奈咁將教導同照顧仔女嘅責任，推咗喺老婆身上，而我都知道係一件好辛苦嘅事！」

自己慳啲使畀仔女學嘢

「均宜」續道：「不過，作為職業球員，我都要有專業態度去面對自己工作。鬼叫自己鍾意足球，一做就要做到最好，咁先對得住自己，對得住球迷。經濟方面，自己喺內地生活使少好多錢，咁就可以留畀仔女學吓英文、學彈琴呀等等，但最重要、最重要都係佢哋開心快樂咁成長！」