第五十八話:
A:組隊
——————————
保證一個月內可以升到三級,睇嚟係大茶飯...
有趣。
不過就算撇除呢一點...
天琦邀請到我...
我都會二話不說即刻應承...
冇咩點解。
純粹因為佢係我嘅英雄。
香港人嘅英雄。
「遇埋我。」我好肯定咁回答天琦。
佢望住我笑一笑,伸隻手出嚟,我會心明白,同樣伸隻手出嚟,一個有力而不失禮拜嘅握手就咁達成,疊住聲同步講:
「合作愉快。」
隊立於疆,叛亦於疆。
知人知面不知心,月黯日落終無光。
—— 喺呢一刻,佢哋兩個都未知呢一個簡單示意住合作嘅握手,將會係未來嘅香港刮起幾多風雨,世界將會為佢哋兩個而動盪。藍思同天琦之間又會擦啲出乜嘢火花,就等我地拭目以待。
——————————
正式進入第三章。
A:問天琦計劃係咩
B:同天琦解釋自己能力