第六十五話:
劇情走向選擇 —— A:坐船過大嶼山
——————————
跟隨住天琦走出森林,正當我係到疑惑緊唔通要行過去大嶼山咁嘥時間嘅時候。
天琦就係褲袋攞咗IPHONE出嚟,嘟嘟嘟咁撳咗幾下,打咗比一個神祕嘅人...
嘟~
。。。
「喂,細路,記唔記得我之前講嘅嗰個計劃?」
「我搵到一個好勁嘅幫手,有冇興趣?」
。。。
「係,冇錯的確係同類人。」
。。。
「一級。」天琦眼神斜斜地望咗我一眼。
。。。
「輕視一個獨有技能力者並唔係一個明智嘅選擇。」
。。。
「細路,你再咁落去,淨係貪圖呢個世界嘅富貴榮華,有排都去唔到四五級。」
。。。
「唉,你鍾意啦,我哋而家喺米埔,計劃嘅嘢你再諗諗,你嚟接我地上大飛先。」
。。。
「嗯,好。」
。。。
嘟~
天琦對於佢哋之間嘅對話冇加任何掩飾,亦冇諗住隱瞞我啲咩,當住我面前講。
雖然我聽唔到另一邊講嘅內容,但係我從天琦講嘅嘢當中可以得出幾個信息。
一,我並唔係第一個知道呢個瘋狂計劃嘅人。
二,通話嘅另一邊都係一個獨有技能力者,或者佢知道天琦係一個獨有技能力者。
三,佢睇唔起我。
四,佢係一個貪錢嘅人。
淨係呢幾個信息,就足以令我對呢個仲素未謀面嘅人,心生厭惡之情。
就係咁,我同天琦就坐咗喺路邊等神祕人嚟接我哋。
喺呢段難得空閒嘅時間入面,我決定搵少少嘢嚟做。
A:整理空間戒指入面物品嘅擺放。
B:提議同天琦體術切磋一下
C:提議去殺下細怪
D:整理目前自身嘅資料(以能力卡嘅形式展現)
——————————
(以後有機會都可以整下其他人物嘅能力卡)
同大家玩個小遊戲,如果估到天琦打比邊個,我就加一更。(已出現角色)