【選項故】《再一次抗爭》（2）
滄海肥豬
607 回覆
18 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁
恭喜
加油呀豬巴
恭喜滄海巴轉全職 希望之後都可以穩定出文
第六十話：
A：幫，收劍
——————————
準神器貴重而強大，原本我諗住禮貌咁拒絕天琦，但見到天琦盛意拳拳咁望住我，再諗起我仲未成長起嚟嘅實力，喺將來嘅冒險入面，我真係唔想拖天琦後腿。
種種考慮之下，我最後都係選擇接受天琦嘅贈劍之情，同時係心入面紀錄低天琦嘅對我嘅義，他朝有日，我一定會還返呢段情比佢。
正當我準備收埋準神器入空間戒指，但忽然諗起，通常一啲強大嘅武器，都會有佢嘅稱謂，所以我就問天琦呢把劍叫咩名，佢就答我：
「斷空。」
簡單而暴力。
然後佢再同我解釋準神器「斷空」嘅能力。
正如名稱嘅描述，「斷空」擁有斬斷空間嘅能力，雖然施法距離有限，只係得直徑十米範圍。
但「斷空」基本上可以無視空間，只要係直徑十米內精神想念觸及到嘅地方，就會瞬間劃破空間，直接出現係目的地。
果然符合準神器嘅稱號，屈機。
但可惜嘅係，天琦補充以我依家嘅實力，「斷空」一日淨係可以觸發到一次，用完就需要冷卻一段時間。如果唔係，我嘅精神會負荷唔到，空間未撕裂到，我嘅精神海就已經被撕裂開九份。
唉...
一嘢喺頭上面潑咗盤冷水落嚟...本來仲諗住可以豐富下我有限嘅攻擊手段，點知只係多咗一個關鍵補命或者執雞嘅手段，但點都好過冇嘅。
我珍而重之咁收埋「斷空」入空間戒指，然後就收拾行裝，準備啟程再次討伐黑面琵鷺。
話時話...隻兔仔我一啖都冇食過...
都係算...
尊重前輩。
～
我跟住天琦嚟到一個林中湖，天琦同我講，黑面琵鷺一般都係朝早休息，夜晚覓食，就算係異獸，習性都係一樣。
而黑面琵鷺異獸，最近就係喺呢個湖入面覓食。
我哋隱藏喺林木之中，夜色將我哋嘅身影掩蓋，天然嘅保護色令我哋可以融入周邊環境，我哋靜靜雞觀察住黑面琵鷺嘅動向。
佢龐大嘅身軀企喺湖水邊陲位置，幼長嘅雙腿令佢得以企喺水位較深嘅地方，見到佢耷低頭，擘大嗰個又扁又長嘅口，插入水入面然後一路向前行，但係起身之後發現，一條魚都食唔到，傻傻更更噉。
我擰轉頭望一望天琦，發現佢已經全神貫注噉留意住黑面琵鷺嘅一舉一動，見到天琦咁認真，我都不自覺噉有少少緊張。
話曬係真正意義上第一次同天琦嘅合作戰鬥，我一定做得好好睇睇。
我應該...
A：專心輔助天琦
B：搶先攻擊
——————————
A：幫，收劍
——————————
準神器貴重而強大，原本我諗住禮貌咁拒絕天琦，但見到天琦盛意拳拳咁望住我，再諗起我仲未成長起嚟嘅實力，喺將來嘅冒險入面，我真係唔想拖天琦後腿。
種種考慮之下，我最後都係選擇接受天琦嘅贈劍之情，同時係心入面紀錄低天琦嘅對我嘅義，他朝有日，我一定會還返呢段情比佢。
正當我準備收埋準神器入空間戒指，但忽然諗起，通常一啲強大嘅武器，都會有佢嘅稱謂，所以我就問天琦呢把劍叫咩名，佢就答我：
「斷空。」
簡單而暴力。
然後佢再同我解釋準神器「斷空」嘅能力。
正如名稱嘅描述，「斷空」擁有斬斷空間嘅能力，雖然施法距離有限，只係得直徑十米範圍。
但「斷空」基本上可以無視空間，只要係直徑十米內精神想念觸及到嘅地方，就會瞬間劃破空間，直接出現係目的地。
果然符合準神器嘅稱號，屈機。
但可惜嘅係，天琦補充以我依家嘅實力，「斷空」一日淨係可以觸發到一次，用完就需要冷卻一段時間。如果唔係，我嘅精神會負荷唔到，空間未撕裂到，我嘅精神海就已經被撕裂開九份。
唉...
一嘢喺頭上面潑咗盤冷水落嚟...本來仲諗住可以豐富下我有限嘅攻擊手段，點知只係多咗一個關鍵補命或者執雞嘅手段，但點都好過冇嘅。
我珍而重之咁收埋「斷空」入空間戒指，然後就收拾行裝，準備啟程再次討伐黑面琵鷺。
話時話...隻兔仔我一啖都冇食過...
都係算...
尊重前輩。
～
我跟住天琦嚟到一個林中湖，天琦同我講，黑面琵鷺一般都係朝早休息，夜晚覓食，就算係異獸，習性都係一樣。
而黑面琵鷺異獸，最近就係喺呢個湖入面覓食。
我哋隱藏喺林木之中，夜色將我哋嘅身影掩蓋，天然嘅保護色令我哋可以融入周邊環境，我哋靜靜雞觀察住黑面琵鷺嘅動向。
佢龐大嘅身軀企喺湖水邊陲位置，幼長嘅雙腿令佢得以企喺水位較深嘅地方，見到佢耷低頭，擘大嗰個又扁又長嘅口，插入水入面然後一路向前行，但係起身之後發現，一條魚都食唔到，傻傻更更噉。
我擰轉頭望一望天琦，發現佢已經全神貫注噉留意住黑面琵鷺嘅一舉一動，見到天琦咁認真，我都不自覺噉有少少緊張。
話曬係真正意義上第一次同天琦嘅合作戰鬥，我一定做得好好睇睇。
我應該...
A：專心輔助天琦
B：搶先攻擊
——————————
穩定出文將會係一個大嘅課題！
秀平快啲去旅行勾結下外國勢力啦。
多謝
多謝。
知道
唔一定日更嘅 週更出返三四篇都可以㗎
噉就會失去咗選項故嘅精髓
A
新讀者表示有得睇就好開心
新讀者表示有得睇就好開心
Btw：
「噉」：粵音同「敢」，例子：噉你今日想食咩餸？
「咁」：粵音同「禁」，例子：我要咁多餸就夠啦。
「噉」：粵音同「敢」，例子：噉你今日想食咩餸？
「咁」：粵音同「禁」，例子：我要咁多餸就夠啦。
多謝新讀者支持，樓豬會繼續努力寫㗎啦
A
斷空嘅能力咁似 轟炸空間嘅
斷空嘅能力咁似 轟炸空間嘅
冇睇JOJO
你又知係jojo
即刻search
三票A，即刻打
等更
A不過唔緊要啦
A不過唔緊要啦
第六十一話
A：專心輔助天琦
——————————
思緒快速噉流轉，諗到好多唔同嘅可能性，但我最後都係選擇全力輔助天琦，無謂為咗自己一時嘅風頭而令計劃出啲乜嘢差錯。
更何況就算我得到咗「斷空」，都唔代表我獲得獨自獵殺黑面琵鷺嘅能力。
所以我都係做返老本行，出奇不意噉喺關鍵時刻發動攻勢，限制敵人行動，配合天琦橫蠻無理嘅攻擊型獨有技「吞噬者」，就一定可以穩穩陣陣噉殺死黑面琵鷺。
天琦擰轉面望向我，眼神入面淨係得返黑面琵鷺嘅倒影，可以睇得出天琦對黑面琵鷺嘅執著。我點頭示意一切準備就緒，我哋就向黑面琵鷺嘅背後慢慢移動，途中儘量避免發出任何聲響。
我心入面默念：
我哋兩個嘅身體外就出現咗一層薄薄嘅透明膜，緊貼住我哋嘅肌膚。
天琦雖然已經見過「保護者」一次，但佢都係忍唔住摸咗下薄膜，一副驚嘆不已嘅表情。睇嚟天琦對「保護者」嘅存在依然係好感嘆，但都正常嘅...畢竟每一個獨有技都係好稀有嘅存在。
一切準備就緒。
我哋交換眼神，點頭示意，天琦就一馬當先衝咗出去，我就繼續匿埋喺草叢堆入面，尋找一錘定音嘅機會。
天琦對黑面琵鷺嘅怨恨真係好大，一嚟就唔留手，唔存在啲咩試探，舉起左手，一個漆黑無比嘅魔法陣憑空出現。
天琦同時一手將「黑洞」揼向夜空。
竟然係嗰片閃耀住星輝光芒嘅夜空，而唔係黑面琵鷺所在嘅位置，點解呢？
因為黑面琵鷺喺天琦衝出草叢嘅嗰一刻已經洞察到危機，隨即振翅準備高飛。
但黑面琵鷺估唔到嘅係，天琦已經預測到佢嘅動向，預先將技能揼向天空，導致黑面琵鷺被「黑洞」嘅引力影響，無辦法高飛逃離。
厲害嘅係，黑面琵鷺好快已經作出調整，見到又係呢個可惡嘅人類，身後瞬速咁出現咗幾個湖水綠色嘅魔法陣，每個魔法陣中都蘊含住猛烈強風。
幾個魔法陣之間隱隱地有啲奇妙嘅聯繫，形影之間，魔法陣竟然喺黑面琵鷺嘅雙翼後面組成咗一個六芒星陣。
風力倍數級增強，開始同「黑洞」嘅引力形成相互抵銷嘅狀況。
但天琦並唔諗住就噉放過黑面琵鷺，雙手平排喺胸前，決定直接使用殺手鐧。
一個黑到無辦法睇清楚紋路嘅大型魔法陣憑空浮現。
黑面琵鷺見到天琦又用呢招，左邊面忽然隱隱作痛，尖銳咁怪叫一聲，擘開扁長怪口，其中存在一個紋路奇異嘅魔法陣。
藍綠色魔法陣，上一次戰鬥入面淨係可以倉猝噉運用，冇辦法展現出佢嘅真正威力，今次，要為佢正名。
風起了，風又止了，史詩級技能。
世間一切， 喺「風眼地帶」嘅面前都會變得乖巧，頑皮至極嘅學生都逃唔過被訓話後安靜落嚟嘅下場。
就係依家！
佢哋兩個僵持緊嘅呢一刻！
天琦吸引曬黑面琵鷺嘅注意力，呢一刻就係我偷襲嘅最佳時機！
黑面琵鷺距離我二十米左右，我應該...
A：「強光乍現」-> 跑近 -> 「斷空」
B：跑近 -> 「強光乍現」->「斷空」
C：跑近 -> 「斷空」
D：跑近 -> 「強光乍現」
E：開放式作答
——————————
注意：每個施法都需要少量嘅時間
A：專心輔助天琦
——————————
思緒快速噉流轉，諗到好多唔同嘅可能性，但我最後都係選擇全力輔助天琦，無謂為咗自己一時嘅風頭而令計劃出啲乜嘢差錯。
更何況就算我得到咗「斷空」，都唔代表我獲得獨自獵殺黑面琵鷺嘅能力。
所以我都係做返老本行，出奇不意噉喺關鍵時刻發動攻勢，限制敵人行動，配合天琦橫蠻無理嘅攻擊型獨有技「吞噬者」，就一定可以穩穩陣陣噉殺死黑面琵鷺。
天琦擰轉面望向我，眼神入面淨係得返黑面琵鷺嘅倒影，可以睇得出天琦對黑面琵鷺嘅執著。我點頭示意一切準備就緒，我哋就向黑面琵鷺嘅背後慢慢移動，途中儘量避免發出任何聲響。
我心入面默念：
「保護者。」
我哋兩個嘅身體外就出現咗一層薄薄嘅透明膜，緊貼住我哋嘅肌膚。
天琦雖然已經見過「保護者」一次，但佢都係忍唔住摸咗下薄膜，一副驚嘆不已嘅表情。睇嚟天琦對「保護者」嘅存在依然係好感嘆，但都正常嘅...畢竟每一個獨有技都係好稀有嘅存在。
一切準備就緒。
我哋交換眼神，點頭示意，天琦就一馬當先衝咗出去，我就繼續匿埋喺草叢堆入面，尋找一錘定音嘅機會。
天琦對黑面琵鷺嘅怨恨真係好大，一嚟就唔留手，唔存在啲咩試探，舉起左手，一個漆黑無比嘅魔法陣憑空出現。
「黑洞。」
天琦同時一手將「黑洞」揼向夜空。
竟然係嗰片閃耀住星輝光芒嘅夜空，而唔係黑面琵鷺所在嘅位置，點解呢？
因為黑面琵鷺喺天琦衝出草叢嘅嗰一刻已經洞察到危機，隨即振翅準備高飛。
但黑面琵鷺估唔到嘅係，天琦已經預測到佢嘅動向，預先將技能揼向天空，導致黑面琵鷺被「黑洞」嘅引力影響，無辦法高飛逃離。
厲害嘅係，黑面琵鷺好快已經作出調整，見到又係呢個可惡嘅人類，身後瞬速咁出現咗幾個湖水綠色嘅魔法陣，每個魔法陣中都蘊含住猛烈強風。
「六芒風陣。」
幾個魔法陣之間隱隱地有啲奇妙嘅聯繫，形影之間，魔法陣竟然喺黑面琵鷺嘅雙翼後面組成咗一個六芒星陣。
風力倍數級增強，開始同「黑洞」嘅引力形成相互抵銷嘅狀況。
但天琦並唔諗住就噉放過黑面琵鷺，雙手平排喺胸前，決定直接使用殺手鐧。
一個黑到無辦法睇清楚紋路嘅大型魔法陣憑空浮現。
「黑洞長矛。」
黑面琵鷺見到天琦又用呢招，左邊面忽然隱隱作痛，尖銳咁怪叫一聲，擘開扁長怪口，其中存在一個紋路奇異嘅魔法陣。
藍綠色魔法陣，上一次戰鬥入面淨係可以倉猝噉運用，冇辦法展現出佢嘅真正威力，今次，要為佢正名。
風起了，風又止了，史詩級技能。
「風眼地帶。」
暴風其央雲淡輕，萬法不侵無所重。
九里烈風靜若水，雨停風定皆為空。
世間一切， 喺「風眼地帶」嘅面前都會變得乖巧，頑皮至極嘅學生都逃唔過被訓話後安靜落嚟嘅下場。
就係依家！
佢哋兩個僵持緊嘅呢一刻！
天琦吸引曬黑面琵鷺嘅注意力，呢一刻就係我偷襲嘅最佳時機！
黑面琵鷺距離我二十米左右，我應該...
A：「強光乍現」-> 跑近 -> 「斷空」
B：跑近 -> 「強光乍現」->「斷空」
C：跑近 -> 「斷空」
D：跑近 -> 「強光乍現」
E：開放式作答
——————————
注意：每個施法都需要少量嘅時間