【選項故】《再一次抗爭》（2）

未夠

兩日冇入黎一黎就見到你

係咪好驚喜呀

冇
知道你長駐
冇諗過你覆得咁快姐

秒回俠

C 呢個問題+1

C

想要b btw

召喚樓豬
文呢文呢

鞭下佢

文

講起上嚟隻獅子去左邊

隻獅子咪仲喺港島囉

樓豬收工啦好快有文。

天各一方

好慘

第五十六話：

C：繼續問天琦問題（問嗰個男人咩樣、以前嘅技能、另一個獨有技選項係咩、點解要揀依家呢個獨有技）

——————————

天琦：「而至於點解你可以見到夏娃...」

「我就真係諗唔到了...」

一輪嘴聽完天琦嘅故事，發現佢同我見到夏娃嘅過程大同小異，唯二唔同嘅，就係我唔係以五級嘅身分被傳送過去，同埋冇見到天琦所講嘅嗰個男人。

雖然天琦唔知點解我會見到夏娃，但係老實講...我有少少頭緒。

但諗諗下，有個頂級玩家係我面前，我係咪應該把握時機問天琦多啲唔同嘅問題呢？

所以我決定...都係將自己嘅猜測擺喺心入面先，等有足夠證據嘅時候先攞出嚟再討論。

整理好幾個將要問天琦嘅問題，首當其衝就係我最好奇嘅一個，關於嗰個打贏咗天琦嘅男人。

畢竟我對嗰個男人嘅認知，係零。

我問天琦：

「咁嗰個神秘男人係咩樣㗎？你仲記唔記得？因為係我嘅記憶中，我並冇遇過你所講嘅男人。」

天琦有啲驚訝我竟然冇見過嗰個無敵嘅男人，佢就向我形容嗰個男人：

「竟然係咁？嗰個男人咪就係........」

「………..」

「咦....？」

「嗯.....佢高高瘦瘦.....」

「戴住一副…..」

「咦........？？？」

唔知點解，天琦係回想上遇到困難，每當佢嘗試回憶起嗰個男人係咩樣嘅時候，佢就發現，得出嘅拼圖都會係模模糊糊。

最後天琦口窒窒噉咩都講唔出，淨係話到比我知，嗰個男人永遠保持住從容不迫嘅微笑，極其自信。

我諗咗諗，決定再問天琦其他問題：

「唔緊要啦，可能佢就係唔想你回憶到佢係咩樣呢...」

「話時話，你上一周目嘅時候係用咩屬性？」

天琦笑笑口咁講：

「攻擊最強嘅火屬性。」

我食住個勢繼續問：

「咁你呢一周目揀屬性嘅時候咪有另一個獨有技嘅...係咩嚟㗎？」

「而且點解你會揀依家呢個獨有技？？」

天琦回憶起冇耐之前嘅事，有少少黯然咁講：

「另一個獨有技都係隸屬於黑暗屬性，稱為《分解者》。」

「至於點解我唔揀呢個技能...」

忽然之間，戰敗於神秘男人嘅挫敗感一洗而去，天琦充滿住自信嘅笑容再一次掛係面上，對住我講：

「因為直覺話比我知，《分解者》就係嗰個神祕男人使用嘅技能，我唔鍾意。」

我有啲無言，竟然得出嚟係咁嘅答案，但又我有啲好奇咁問佢：

「咁點解你唔用佢自己嘅技能打敗佢？成功感唔會更大咩？？」

天琦好認真噉思考一陣，我就靜靜咁等佢嘅答案，唔敢騷擾佢。冇耐之後，天琦好似諗通咗啲咩咁，自信而肯定咁比咗個答案我：

「因為我個名係梁天琦.....」

「我並唔需要走其他人嘅路...」

「因為...」

「我走去邊到，道路就會為我而出現。」

選項

最後一條問題...

A：問翻天琦點解要獵殺屬性明顯唔係黑暗嘅異獸（之前天琦冇答到）

B：問天琦要唔要同我組隊

——————————

B

估唔到你秒咗，本身諗住分割開

終於可以簡到次