【選項故】《再一次抗爭》（2）

...

跟住就係梁天琦嘅講故事時間，佢點著咗一支煙，用力吸咗一啖，灰濛濛嘅煙從佢口中慢慢飄出：

「相信你已經知道，我係呢個世界上第一個到達五級嘅人，但世人唔知嘅係，我失蹤之後嘅故事。」

「當初紅磡戰役之後，我對靈魂呢兩隻字有所感悟，然後係我唔知乜嘢事嘅情況下，搖身一躍就踏過咗五級大關。」

「但係我成為五級能力者嘅嗰一刻，我連所謂嘅五級有咩分別都未嚟得切搞清楚，我就被傳送到一個白色一片嘅地方，成個世界...得翻我、白色同埋嗰個靚到唔知點樣形容嘅...」

「夏娃。」

「我仲記得，佢坐咗係張凳上面，嗰條純白色長裙長到拖曬地，但隨意得嚟又有種高貴嘅美感。完美無瑕嘅五官，甚至我係到懷疑自己係咪發緊夢，諗住食支煙定定驚啦，我先發現我身上嘅空間戒指唔見咗，成個人仲慌咗，夏娃就同我解釋，呢個空間除咗我嘅靈魂體入到嚟，空間戒指之類嘅外物，係會被排斥。我先安心翻少少，好彩我啲煙唔係唔見晒。」

「然後佢指一指張凳叫我坐低，點知我又真係聽咗佢講嘅坐低咗，諗翻嚟都幾神奇，跟住我坐低之後，我哋就開始咗一連串嘅對話。」

「講咗冇耐，佢身邊出現突然咗一個男人，夏娃話我要同佢對打，贏咗佢就姐係通過選拔，咁我就可以翻去現實世界。」

「雖然我對可以翻去現實呢點半信半疑，但係我諗到如果真係可以翻去現實世界，我就可以用我嘅技能推翻共產黨嘅政權，我就抱住寧可信其有，不可信其無嘅心態，出盡全力同嗰個男人打。但係即使我擁有咗巔峰嘅五級技能，我竟然都係輸咗，嗰個男人強到...我都唔知點樣去形容，我一切嘅攻擊都對佢無效，因為我嘅攻擊只要接觸到佢嘅魔法陣，就會被分解，變成一粒粒嘅粒子之後被打散然後消失係空氣之中。呢次係我第一次嘅戰敗，嗰種強烈嘅無力感，我到今時今日都記得一清二楚。」

「係我輸咗之後，夏娃就笑笑口咁同我講，下次繼續努力，我會幫你打氣之類嘅嘢，跟住我就莫名其妙咁重生了。」

「我嗰時嬲到仆街，辛辛苦苦升到五級，跟住無端端就要重新嚟過。」

「但神奇嘅事就發生了。」

「眾所週知，喺祈天世界死咗係會重生，但技能會全部失去，而且可以選擇嘅屬性，係會同上一周目一樣。」

「但神奇嘅係...我呢一周目可以選擇嘅屬性唔同咗...」

「二選一，兩個都係極強嘅獨有技，當初我仲以為...因為我係以五級能力者嘅身分重生，可憐我咁慘先會有咁嘅待遇...」

「但依家見到你之後，我就係到諗，會唔會見過夏娃呢一點，先係選項出現轉變嘅重點？就好似你咁，見完夏娃之後，就獲得咗另一個獨有技...」

「感覺就好似...我爆唔到機，所以夏娃就幫我刷咗個靚嘅首抽，等我有機會再次衝擊五級？」

「而至於點解你可以見到夏娃...」

「我就真係唔知了...」

一輪嘴聽完天琦嘅故事，發現佢同我見到夏娃嘅過程大同小異，唯二唔同嘅，就係我唔係以五級嘅身分被傳送過去，同埋冇見到天琦所講嘅嗰個男人。

雖然天琦唔知點解我會見到夏娃，但係老實講...我有少少頭緒。

我應該...

A：話比天琦知《思考者》呢個獨有技嘅特別性

B：留翻少少距離，先轉移話題問天琦要唔要同我組隊

C：繼續問天琦問題（請詳細說明）

——————————

嗰個亞當嚟㗎

A

c 問佢個男人咩樣 係現實世界有無印象?

唔知呢你覺得呢

A

「因為我嘅攻擊只要接觸到佢嘅魔法陣，就會被分解，變成一粒粒嘅粒子之後被打散然後消失係空氣之中」

一定係啦
嗰招應該係《共振者》啦

嘻嘻，大家今日夠唔夠喉？

睇嚟係夠喉了

你話呢

好睇嘅故唔會嫌多，支持樓主再出多篇

C 問佢以前嘅技能同經歷

我都想加更，但係唔夠票

聽日樓豬上班日，得一更

夏娃會唔會係類似把關人嘅character，要喺祈天世界完成課題／修練先可以返去現實世界

一個atk一個support 組咗隊大把機會講同問
況且以而家嘅形勢都係快啲升呢比較好硬喺覺得時間唔多

...有無得揀A同B同C之間

係有啲難揀㗎啦

樓主更未？

A同C各兩票，
唔夠人投我都唔想㗎。

A

C 第二個獨有技係咩
點解要揀呢個技

A

J左

射咗