【選項故】《再一次抗爭》（2）

B

A

A

A

睇嚟大家都係夜貓

話時話大家係咪唔記得咗藍思係帶緊V煞面具，咁就比謙仔chok到料

A

有冇諗住搵番穎玟

當初大家嘅選項係快啲升級㗎

btw，故事時間只不過係重生後嘅第三日咋

豬巴呢

又live左
文呢文呢

呢排心情好差狀態唔好完全寫唔到文，但我正式宣布樓豬返嚟啦，聽日繼續寫返，等我啊咁多位讀者

休息係為咗行到更遠嘅路 樓主加油

樓主加油

等你派糧

差d要拋西瓜

第六十八話：

A：答

——————————

「香港仔村口。」我冷冰冰咁回答林哲謙。

林哲謙絲毫唔介意我冇禮貌嘅態度，反而得戚咁係到笑。

「喔...！原來係你！」

「哈哈哈哈哈...」

「戴住個V煞面具，搞到本少差啲認唔到你。」

「原來係換咗個造型。」

「同夜火姬一齊嘅神秘男人啊嘛，捨身救美人，犧牲埋自己條命仔，係香港仔入面有邊個唔識你啊而家。」

「哈哈哈哈哈哈哈哈哈....」

「估唔到你會喺呢邊重生仲咁啱撞到天琦啵，啊！係呢，點稱呼啊......勇士先生。」

我望住面前呢個係到恥笑緊我嘅男人，拳頭咯咯緊握，差啲忍唔住出手教導下佢咩叫尊重。

但只要細心留意，就會發現雖然林哲謙雖然喺到捧腹大笑，目中無人，囂張至極。但全身上下無一弱點，氣燄同身體嘅警覺性形成鮮明反比，如果我而家出手，就會迎嚟迅速嘅反擊，唔通...佢係喺到引緊我出手？

我沉住氣，選擇性屏蔽林哲謙所講嘅挑釁之言，不自覺咁用咗低沈嘅聲線講嘢。

「叫我V煞就得了。」

「廢話少講，錢。」

我狠狠咁打斷咗林哲謙嘅恥笑之意，林哲謙見我冇踏入佢所佈下嘅陷阱，嘁的一聲，不爽嘅音節從佢口中道出。

然後林哲謙手上就憑空出現咗一個細細個嘅布袋，雖然見唔到有啲乜嘢前置動作，但係睇嚟林哲謙都擁有空間戒指之類嘅嘢。

布袋被所載之物擠壓得有啲變形，吶！林哲謙將布袋拋比我，一手接住之後，預期中嘅重量遲遲都冇降臨，咦？一千銀幣唔係應該好重嘅咩。

我抬頭望向林哲謙，發現佢已經冇再理我，而係轉身行緊返上車到。

我半信半疑咁打開布袋，入面並冇當初被偷嘅一千銀弊，取而代之嘅係...

一粒被陽光親吻過後金光閃爍嘅祈天金幣！

高貴、權勢、財力嘅象徵。

反正都係一樣姐，我心諗。

順手將金幣收入空間戒指之後同天琦對望一眼，天琦無奈咁搖搖頭，並且大方一笑指向金黃色嘅法拉利，表示係時候上車了。

我點一點頭，同天琦並肩走向價值連城嘅法拉利。

腦入面諗緊嘅，卻係啱啱我同林哲謙對話嗰陣，天琦流露嘅表情變化。

一向從容不迫嘅天琦喺聽到夜火姬呢三隻字嘅時候，眼神閃過一種不知名嘅異樣，雖然好快就回復平時嘅表情，但擁有全知視角同思考加速嘅我，又點會捕捉唔到。

唔通係因為穎玟曾經都係革命軍嘅一員，但係穎玟離開咗軍隊自己發展，所以天琦覺得唔自在？

啊...話時話...

點解天琦唔向革命軍表明自己已經重生，反而選擇隱藏身分，一個人低調咁升級？...

相信如果有革命軍嘅助力，天琦可以更快升到五級先啱㗎？...

唔同有咩不可告人嘅原因？...

唔...各種問題湧入細小嘅腦海之中，努力咁分拆整理然後重組，都得唔到一個相應嘅答案，睇嚟都係要等有機會嘅時候問下天琦本人先知了。

嗡嗡～

不知不覺間林哲謙已經踩下油門，法拉利好似一支箭咁飆咗出去，等等！...林哲謙咁鬼細個邊有可能有車牌㗎？....喂掂唔掂㗎....我擰頭望向天琦，發現佢絲毫唔擔心呢個問題，喺到休閒咁欣賞緊遠途嘅風景。

而林哲謙好似要回答我心中所想，突然踩拫油門，強勁嘅馬力產生一種我從未體驗過嘅後坐力，但林哲謙嘅表情依然從容不迫，胸有成竹，直到呢個時候，我先真真正正放鬆落嚟，享受速度所帶嚟嗰種無與倫比嘅快感。

麻雀雖小五臟俱全嘅跑車入面萬籟俱寂，冇人願意開口講嘢，本來我都唔諗住講嘢，維持難得嘅安靜，但我醒起可以趁而家呢個機會將心入面嘅疑問講出嚟問佢哋...

A：問林哲謙偷錢嘅技能係咪獨有技嚟

B：問關於大小姐同管家嘅情報

C：其他（請說明）

——————————

比預定時間遲咗...快啲秒咗佢我即刻打第二更！

btw有冇人知我而家拖緊幾多加更？

C

屌 打錯
係b

Up

c
我想問穎玟點