【選項故】《再一次抗爭》（2）
滄海肥豬
607 回覆
18 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁
A
有冇咁快
咁啱唔小心見到樓主出左文
B
點解咁豬巴同各位新讀者咁快手
Btw要A
B
A比較合理
A
第六十二話：
A：「強光乍現」-> 跑近 -> 「斷空」
——————————
見到天琦同黑面琵鷺殺手鐧技能之間嘅猛烈對碰，我決定趁呢個機會插手，偷襲黑面琵鷺。
「強光乍現。」
黑夜中嘅一角被光芒覆蓋，但呢陣光芒同彗星一樣，一閃即逝。
本來匿埋喺草叢入面嘅我使用咗「強光乍現」，但我冇諗到嘅係，樹葉同雜草雖然細細塊唔太顯眼，但喺都遮擋咗部分「強光乍現」嘅光線，令到致盲效果大大減弱。
可惡，失策了。
咁都冇辦法，雖然致盲唔到黑面琵鷺，但都會令到佢短暫擘唔開雙眼。趁呢個機會，我繼續執行原定計畫，衝上前拉近距離，再召喚「斷空」一錘定音，重創黑面琵鷺。
十八米...
十五米......
十三米.........
就快進入施法範圍了，我輕輕觸摸空間戒指，準備召喚「斷空」，我抬頭仰望...
發現...
黑面琵鷺竟然同我四目交投，憤怒噉嘶吼一聲，用力拍動雙翼，羽毛就好似鐵針雨一樣散落，而目標...
明顯就係我呢個可恨嘅人類...
點解會咁㗎...！
我明明用「強光乍現」影響咗黑面琵鷺嘅視力...！
就算啲樹葉擋咗一部分嘅強光...佢都冇可能喺一兩秒內就擺脫到強光嘅影響㗎...！
唔通...
黑面琵鷺一早已經預測到我嘅存在？
又或者係...
佢喺見到天琦嘅嗰一刻，已經認定我地係一夥人，所以留咗個小心眼預防我嘅突襲？？
可惡...
應該點算好...
鐵針數量太多，我冇可能靠閃避避過咁密集嘅攻勢，但係如果我唔避，「保護者」都冇辦法硬食準三級嘅含怒一擊...我一定會重傷...
可惡...
明明只係差少少距離就可以用「斷空」斬向黑面琵鷺嘅頭部...
「思考大師」瘋狂流轉，尋找一絲嘅轉機...
我應該...
A：退而求其次，用「斷空」斬傷黑面琵鷺其他部位令佢受傷（輕傷）
B：先閃避攻擊再聯合天琦發動總攻擊
C：召喚「斷空」喺手上面，然後拋向黑面琵鷺
D：照樣召喚「斷空」，向天召喚，依靠勢能射向黑面琵鷺
——————————
A：「強光乍現」-> 跑近 -> 「斷空」
——————————
見到天琦同黑面琵鷺殺手鐧技能之間嘅猛烈對碰，我決定趁呢個機會插手，偷襲黑面琵鷺。
「強光乍現。」
黑夜中嘅一角被光芒覆蓋，但呢陣光芒同彗星一樣，一閃即逝。
本來匿埋喺草叢入面嘅我使用咗「強光乍現」，但我冇諗到嘅係，樹葉同雜草雖然細細塊唔太顯眼，但喺都遮擋咗部分「強光乍現」嘅光線，令到致盲效果大大減弱。
可惡，失策了。
咁都冇辦法，雖然致盲唔到黑面琵鷺，但都會令到佢短暫擘唔開雙眼。趁呢個機會，我繼續執行原定計畫，衝上前拉近距離，再召喚「斷空」一錘定音，重創黑面琵鷺。
十八米...
十五米......
十三米.........
就快進入施法範圍了，我輕輕觸摸空間戒指，準備召喚「斷空」，我抬頭仰望...
發現...
黑面琵鷺竟然同我四目交投，憤怒噉嘶吼一聲，用力拍動雙翼，羽毛就好似鐵針雨一樣散落，而目標...
明顯就係我呢個可恨嘅人類...
點解會咁㗎...！
我明明用「強光乍現」影響咗黑面琵鷺嘅視力...！
就算啲樹葉擋咗一部分嘅強光...佢都冇可能喺一兩秒內就擺脫到強光嘅影響㗎...！
唔通...
黑面琵鷺一早已經預測到我嘅存在？
又或者係...
佢喺見到天琦嘅嗰一刻，已經認定我地係一夥人，所以留咗個小心眼預防我嘅突襲？？
可惡...
應該點算好...
鐵針數量太多，我冇可能靠閃避避過咁密集嘅攻勢，但係如果我唔避，「保護者」都冇辦法硬食準三級嘅含怒一擊...我一定會重傷...
可惡...
明明只係差少少距離就可以用「斷空」斬向黑面琵鷺嘅頭部...
「思考大師」瘋狂流轉，尋找一絲嘅轉機...
我應該...
A：退而求其次，用「斷空」斬傷黑面琵鷺其他部位令佢受傷（輕傷）
B：先閃避攻擊再聯合天琦發動總攻擊
C：召喚「斷空」喺手上面，然後拋向黑面琵鷺
D：照樣召喚「斷空」，向天召喚，依靠勢能射向黑面琵鷺
——————————
D
D
D
暫定每日一更，一般都會喺夜晚出文
A
D
第六十三話：
D：照樣召喚「斷空」，向天召喚，依靠勢能射向黑面琵鷺
——————————
死就死啦！
搏一搏！單車變摩托！！！...
手指觸摸空間戒指，內心一直重複諗住「斷空」，甚至不斷喺到默念「斷空」嘅名。
「斷空」...
「斷空」！........
「斷空」！！！.......
「斷空」係空間戒指內嘅一角微微抖動，劍鳴嘅嗡嗡聲喺空間戒指入面製造出無窮嘅回音，就好似「斷空」喺到回應緊我嘅召喚噉。
想法無視時間，亦都無視空間。
我腦海入面浮現出一個完整嘅劇本，一個屬於未來嘅劇本。
雖然黑面琵鷺嘅身軀仲未完全進入我嘅十米施法範圍，但我仍然仲有機會！只要「斷空」嘅召喚陣喺十米極限距離嘅位置，向天召喚「斷空」，嗰細微嘅距離，就可以依靠「斷空」召喚時嘅慣性衝力彌補，射向黑面琵鷺嘅頭部！
喺我思考完成個畫面嘅嗰一個瞬間，「斷空」就從我嘅空間戒指入面消失，黑面琵鷺兩米外嘅虛空突然裂開，空間好似俾某人一刀兩斷噉出現一道裂縫，而裂縫內破空而出嘅，就係準神器 ——「斷空」。
衝啊！！！！
喺「斷空」成功召喚之後，我就即刻後退，羽毛鐵針雨嘅覆蓋範圍其實唔大，向後一個關斗就可以輕鬆避開。呢招只不過係黑面琵鷺用嚟阻止我同天琦會合、前進嘅手段，但黑面琵鷺點估都估唔到，我有「斷空」嚟彌補距離嘅不足。
天琦雙手維持住「黑洞長矛」嘅魔法陣，同黑面琵鷺嘅技能對決陷入僵持局面，見到我差少少距離先召喚到「斷空」嘅時候，覺得非常可惜。正當天琦以為我要後退嘅時候，我竟然選擇咗召喚「斷空」，唔知係咪俾我嘅熱血感染到，天琦都跟住我一齊喺到大嗌。
衝啊啊啊啊！！！！！
我哋兩個嘅希望全部寄託晒喺「斷空」身上，黑面琵鷺目睹住呢把絕世之劍撕裂空間而出，但就束手無策。因為黑面琵鷺大部分嘅力量都喺到維持緊「風眼地帶」，如果唔係嘅話，相信黑面琵鷺瞬間就會俾「黑洞長矛」吞噬。而且雙翼嘅羽毛又已經射得一乾二淨，黑面琵鷺可以話已經手段盡耗，窮途末路。
黑面琵鷺唔甘心噉仰天長嘯。
呲！...
血液猶如落雨噉滴落湖入面，清澈見底嘅林中湖而家變成咗一塊染花咗嘅畫布，多咗一噠鮮紅色嘅顏料。
「斷空」狠狠咁插入黑面琵鷺嘅巨頸，但因為衝力減弱嘅影響，「斷空」並冇直接斬斷黑面琵鷺條頸，只係令黑面琵鷺重創，黑面琵鷺亦都再冇辦法維持技能，同時從半空跌入湖水之中。
啪！...
夾雜住血液同湖水嘅混合液體彈到我身上，厭惡噉用手擋住呢啲污水，天琦已經行到黑面琵鷺嘅旁邊，靜靜噉睇住喺到掙扎顫抖嘅黑面琵鷺。
黑面琵鷺傳出一陣哀怨嘅叫聲...
「吞噬」。
黑面琵鷺龐大嘅身軀就噉逐漸被吞噬，一隻深淵巨獸張開血盆大口將今日嘅午餐慢慢吞入，弱肉強食，向來都係世間嘅法則。而可以吞噬到噉強悍嘅準三級異獸嘅技能，就係天琦手中嘅魔法陣，侵略性極強，號稱「萬物無我不吞者」嘅獨有技 —— 「吞噬者」。
我而家應該...
A：提議即刻執行計畫
B：聽天琦支笛，等佢話事
——————————
D：照樣召喚「斷空」，向天召喚，依靠勢能射向黑面琵鷺
——————————
死就死啦！
搏一搏！單車變摩托！！！...
手指觸摸空間戒指，內心一直重複諗住「斷空」，甚至不斷喺到默念「斷空」嘅名。
「斷空」...
「斷空」！........
「斷空」！！！.......
「斷空」係空間戒指內嘅一角微微抖動，劍鳴嘅嗡嗡聲喺空間戒指入面製造出無窮嘅回音，就好似「斷空」喺到回應緊我嘅召喚噉。
想法無視時間，亦都無視空間。
我腦海入面浮現出一個完整嘅劇本，一個屬於未來嘅劇本。
雖然黑面琵鷺嘅身軀仲未完全進入我嘅十米施法範圍，但我仍然仲有機會！只要「斷空」嘅召喚陣喺十米極限距離嘅位置，向天召喚「斷空」，嗰細微嘅距離，就可以依靠「斷空」召喚時嘅慣性衝力彌補，射向黑面琵鷺嘅頭部！
喺我思考完成個畫面嘅嗰一個瞬間，「斷空」就從我嘅空間戒指入面消失，黑面琵鷺兩米外嘅虛空突然裂開，空間好似俾某人一刀兩斷噉出現一道裂縫，而裂縫內破空而出嘅，就係準神器 ——「斷空」。
衝啊！！！！
喺「斷空」成功召喚之後，我就即刻後退，羽毛鐵針雨嘅覆蓋範圍其實唔大，向後一個關斗就可以輕鬆避開。呢招只不過係黑面琵鷺用嚟阻止我同天琦會合、前進嘅手段，但黑面琵鷺點估都估唔到，我有「斷空」嚟彌補距離嘅不足。
天琦雙手維持住「黑洞長矛」嘅魔法陣，同黑面琵鷺嘅技能對決陷入僵持局面，見到我差少少距離先召喚到「斷空」嘅時候，覺得非常可惜。正當天琦以為我要後退嘅時候，我竟然選擇咗召喚「斷空」，唔知係咪俾我嘅熱血感染到，天琦都跟住我一齊喺到大嗌。
衝啊啊啊啊！！！！！
我哋兩個嘅希望全部寄託晒喺「斷空」身上，黑面琵鷺目睹住呢把絕世之劍撕裂空間而出，但就束手無策。因為黑面琵鷺大部分嘅力量都喺到維持緊「風眼地帶」，如果唔係嘅話，相信黑面琵鷺瞬間就會俾「黑洞長矛」吞噬。而且雙翼嘅羽毛又已經射得一乾二淨，黑面琵鷺可以話已經手段盡耗，窮途末路。
黑面琵鷺唔甘心噉仰天長嘯。
呲！...
血液猶如落雨噉滴落湖入面，清澈見底嘅林中湖而家變成咗一塊染花咗嘅畫布，多咗一噠鮮紅色嘅顏料。
「斷空」狠狠咁插入黑面琵鷺嘅巨頸，但因為衝力減弱嘅影響，「斷空」並冇直接斬斷黑面琵鷺條頸，只係令黑面琵鷺重創，黑面琵鷺亦都再冇辦法維持技能，同時從半空跌入湖水之中。
啪！...
夾雜住血液同湖水嘅混合液體彈到我身上，厭惡噉用手擋住呢啲污水，天琦已經行到黑面琵鷺嘅旁邊，靜靜噉睇住喺到掙扎顫抖嘅黑面琵鷺。
黑面琵鷺傳出一陣哀怨嘅叫聲...
「吞噬」。
黑面琵鷺龐大嘅身軀就噉逐漸被吞噬，一隻深淵巨獸張開血盆大口將今日嘅午餐慢慢吞入，弱肉強食，向來都係世間嘅法則。而可以吞噬到噉強悍嘅準三級異獸嘅技能，就係天琦手中嘅魔法陣，侵略性極強，號稱「萬物無我不吞者」嘅獨有技 —— 「吞噬者」。
我而家應該...
A：提議即刻執行計畫
B：聽天琦支笛，等佢話事
——————————
本身係諗住寫衝力唔夠，斬唔到黑面琵鷺，但噉樣又好似喺黑面琵鷺到晒太多時間，所以最後改咗。
A
A
咁就十個月
A
B