【選項故】《再一次抗爭》（2）

我覺得書面語好睇啲

B

多謝，歡迎入坑

乜依家仲有五級能力者咩

對唔住大家（其實我都覺）

我仲未熟悉呢個寫文模式，希望大家比少少時間，因為對我嚟講真係一個好大嘅挑戰，可以話係推翻曬我以往嘅知識，最弊嘅係，冇好多先例可以俾我參考，正因為係咁，我先會想有更多人用「香港粵語」寫文。

附上香港人必看文章一篇：

其實咩係港式粵語？
https://lih.kg/1958131
- 分享自 LIHKG 討論區

第五十四話：

A：應該

——————————

我有少少唔知點樣開口好...

「其實...」

王奇：「嗯？」

我：「我的確係有獨有技。」

王奇擘大個口，成個人呆咗。

佢有啲無奈咁笑，同時自嘲咁講：

「你真係好彩...可以以一億分之一嘅機會，獲得一個獨有技。」

王奇講完我更加尷尬，越講越細聲：

「你都有獨有技啊....」

「你都好好彩啦.......」

「但係其實呢........」

「我呢....」

「的確係有獨有技...」

「而且唔止一個。」

王奇擰擰頭，用凌厲嘅眼神話比我知，你唔好吹水唔抹嘴啦。

我唔知點樣解釋，細細聲咁講多句：

「係真㗎......」

王奇聽到我呢句細過蚊滋嘅說話，成個人彈起身，捉住我膊頭，好激動咁講：

「冇可能㗎！你見過夏娃？？」

「唔係，冇可能㗎！！！」

「你冇可能見過夏娃㗎...」

「唔通你真係好彩到呢個地步？？？」

「你係咪死過一次？？」

「第一次嘅時候有一個獨有技，然後第二次又食咗屎咁咁好彩獲得另一個？？？」

「冇錯...」

「一定係咁.......」

「你條友真係好鬼好彩....」

王奇好似痴咗線噉，捉住我個膊頭搖嚟搖去，我一句嘢都未講，佢就一輪嘴噉自言自語，當中仲要夾雜咗啲好粗皮嘅說話，佢好似一定要搵個答案嚟平復自己心情噉，安慰自己去接受呢個事實。

我好疑惑，唔知點解王奇會提及夏娃，雖然王奇仲未平復心情，但我都係決定鼓起勇氣問佢....：

A：「你都見過夏娃啊？點解會關佢事嘅？」

B：「係啊...我真係咁好彩...」

——————————

A

Is ok
加油肥巴
但點解無啦啦轉嘅

A

a

因為我係香港人

A

文吖，等到傻了

白話文點講都有成百年時間
計埋明清年間嘅白話小說就更加多先例

對比起嚟粵語寫作可以話係啱啱開始
其實對於作者同讀者都係新嘗試

第五十五話：

A：「你都見過夏娃啊？點解會關佢事嘅？」

——————————

我好疑惑，唔明點解王奇會提及夏娃，雖然王奇仲未平復心情，但我都係決定鼓起勇氣問佢：

「你都見過夏娃？點解會關佢事嘅？」

當佢聽到我呢句，成個人係真正意義上嘅定格，雙眼嘅空洞，微微顫抖嘅手掌，都證明咗佢呢一刻有幾咁震驚。

過咗一分鐘左右，佢雙眼先恢復少少焦點，講嘢聲線高咗一個Key，依然係極度疑惑嘅狀態問我：

「但係...」

「你冇可能見過夏娃㗎...」

「呢個世界上，應該只係得我先見過...」

我：

「我都唔知啊...」

「我係祈天世界死咗之後，變成咗一個毫無束縛嘅靈魂體，跟住就見到有一個女人係到望住我，佢話佢自己個名叫做夏娃。」

「唔通我呢個夏娃，唔係你所講嘅夏娃？」

王奇好用力咁擰頭，雙眼入面嘅疑惑就嚟寫到上塊面到，但佢都係盡力壓制住情緒，同我講：

「我依家更加肯定，我講嘅夏娃，就係你見到嘅嗰個女人...」

我突然諗到一個方法，就心直口直噉同王奇講：

「不如你講下你係點樣見到夏娃，跟住我地從中搵下有咩共通點，或者其他嘅線索？」

王奇諗咗一陣，終於肯定噉點頭，一路同我講，一路除低佢嘅面罩：

「如果係噉，我就要同你講一個故事了...」

「一個關於我嘅故事。」

係呢一刻，平時躁狂唔停嘅風靜咗落嚟，樹葉都唔敢發出任何聲響，以免打斷呢個男人嘅說話，氣氛令空氣都變得更加凝重。

佢終於除低咗個面罩...

輕輕噉抆走戴緊嘅隱形眼鏡。

同時摸一摸心口嘅頸鍊，一副波士頓框嘅黑色眼鏡憑空出現係佢嘅手上，然後珍而重之噉戴喺鼻樑之上。

係一副熟悉嘅面孔...

凌厲嘅九一分界...

平凡而有力嘅面孔...

我哋四目交投，佢對住我講：

「我係梁天琦。」

Boss出現了

今日仲有無更

無選項

樓豬打緊機今日一定仲有更

又話唔打機嘅
打咩game呀

csgo

因為呢一話其實未完