第五十二話：
B：問佢點解要獵殺屬性明顯不同於佢嘅異獸（以藍思所知，只有獵殺同系異獸先會提升技能）
——————————
思前想後，決定問一個最令我疑惑嘅問題：
「係呢，點解你會想殺黑面琵琶嘅，我見你使用嘅屬性同黑面琵琶完全唔同，殺咗佢對你有咩好處？」
「因為據我所知，想借助獵殺異獸嚟提升技能嘅前提條件，唔係要獵殺同屬性異獸先啱咩？」
佢聽到我講嘢之後，停咗一停，暫時放棄嗰淨低少少，美味可口嘅兔大腿肉，用衫袖抹乾淨嘴上嘅油分，就重新戴翻面罩。
可惜嘅係，目前為止黑衣人都係側埋一邊進食、側埋一邊戴面罩，所以我到依家都唔清楚佢究竟係咩樣。
當然～
我可以用思考大師嘅全知視角嚟窺探佢嘅面貌，但既然人哋唔想俾我知佢係咩樣，我又點解要自討無趣咁去偷睇人呢？
做人，最基本要學識咩叫尊重。人哋唔想你知嘅嘢，就冇必要知道太多，有時候知得太多，亦唔見得係一件好事。
我輕輕微笑，注視住黑衣人，等佢完成一連串嘅動作之後，佢都坐正望向我，將淨低嘅兔肉放係一塊石頭上面，同時擰擰頭，一副正經咁講：
「你知嚟都冇用。」
我：
「點解？我好好奇。」
黑衣人：
「呢樣嘢對你嚟講，仲係好遙遠嘅嘢。」
「但係你放心，你所知道嘅升級條件，絕對冇錯，適用於絕大部分人。」
我追問：
「但係唔適用於你？」
黑衣人靜咗靜：
「我唔否認。」
一陣無話...
我冇繼續追問，轉移話題，我問：
「咁我應該點稱呼你？」
黑衣人聽聞，就一直注視住放係我大腿上面嘅V煞面具，雙眼流淌住陣陣嘅回憶。我冇打擾佢，佢就咁靜靜雞望住V煞面具，絲毫不動。
黑衣人突然講：
「我叫王奇」
我點點頭，表示明白，內心係到暗暗咀嚼緊王奇呢兩隻字，思考緊有冇曾經聽過呢個名。
王奇：
「喂，咁你呢。」
我微笑住咁講：
「你咪叫我V煞囉。」
下意識咁覺得，王奇，並唔係佢嘅真正名稱。
但既然你留咗一步退路俾自己，我又何嘗唔可以呢。
王奇諗起啲嘢，好奇咁問：
「你嘅技能好特別，係光屬性？咁嗰個好似泡泡咁嘅薄膜係咩嚟，都係你嘅技能？」
技能，係一個能力者最私密嘅地方，知道一個能力者擁有嘅技能，就可以制定有關嘅反制方案，簡直可以話係能力者嘅軟肋。
唔知王奇係有心定無意，佢竟然直接問我呢啲咁私人嘅問題，但見佢神色自若，十分淡定，唔似有打聽之意。眼神時不時閃過嘅好奇同興奮，都顯示出佢嗰份純碎渴求知道真相嘅慾望。
但我遲遲都冇回答王奇嘅問題，佢都好識做咁冇繼續追問我，只係安靜咁等待我嘅答覆，我應該...
A：回答佢
B：反問佢
——————————
【選項故】《再一次抗爭》（2）
滄海肥豬
607 回覆
18 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁
為咗你嘅深夜加更
仲有 4(上post) - 1 (52話加更) + 2 (新post10正皮) = 5加更
仲有 4(上post) - 1 (52話加更) + 2 (新post10正皮) = 5加更
B
B
早啲訓啦大家，樓豬聽日係上班日，夜晚將會有一更
B
B
B
A
樓豬文呢
啱啱收工
12點前有
12點前有啱啱食完晚飯，依家打文...1點前有
輕輕推
第五十三話：
B：反問佢
——————————
我冇正面咁回答佢，笑容洗去留於面皮上赤裸裸嘅尷尬，反問王奇：
「咁你呢，我見你用黑暗屬性，係咪好稀有㗎？」
王奇好似一早已經估到我會反問佢，一副果然係咁嘅樣。
王奇無奈咁嘆氣：
「睇嚟....你對我嘅戒心都好大下。」
我微笑擰頭，保持沈默。
但過咗一陣，王奇就好似終於做咗一個決定咁，歎一口氣，對我講：
「算啦，見你係手足，而且曾經幫助過我，我就同你講一個秘密，一個冇人知嘅秘密。」
呵。
輕鬆打贏咗呢場仗。
我即刻清空兩隻耳仔，聚精會神，等待王奇講解。
王奇係腦海中提取回憶，自言自語咁繼續講：
「其實，祈天世界除咗屬性之外，仲有一樣嘢好特別嘅嘢，叫做獨有技。」
「獨有技超脫於屬性，超脫於技能。獨有技唔屬於任何一個分類，但比佢地更強。」
「而我擁有嘅黑暗屬性，其實就係嚟自於我嘅獨有技 ——《吞噬者》。」
「獨有技嘅威能極強，相對地都極其稀有，據我所知，擁有獨有技嘅機率，係近乎一億分之一，所以我先會問你關於泡泡膜嘅嘢，因為嗰個泡泡膜實在係太特別了，我甚至一度認為佢係一種獨有技。」
我聽完之後，成個人呆咗係到...
因為王奇所講嘅獨有技...
同我息息相關...
而且...
我有兩個。
我一直都覺得，《思考者》同一般技能嘅性質差好遠，感覺《思考者》係內在...
其他係外在。
兩個完全唔同嘅層次。
我係到諗，我應唔應該講我嘅情況比王奇聽...
A：應該
B：唔應該
——————————
B：反問佢
——————————
我冇正面咁回答佢，笑容洗去留於面皮上赤裸裸嘅尷尬，反問王奇：
「咁你呢，我見你用黑暗屬性，係咪好稀有㗎？」
王奇好似一早已經估到我會反問佢，一副果然係咁嘅樣。
王奇無奈咁嘆氣：
「睇嚟....你對我嘅戒心都好大下。」
我微笑擰頭，保持沈默。
但過咗一陣，王奇就好似終於做咗一個決定咁，歎一口氣，對我講：
「算啦，見你係手足，而且曾經幫助過我，我就同你講一個秘密，一個冇人知嘅秘密。」
呵。
輕鬆打贏咗呢場仗。
我即刻清空兩隻耳仔，聚精會神，等待王奇講解。
王奇係腦海中提取回憶，自言自語咁繼續講：
「其實，祈天世界除咗屬性之外，仲有一樣嘢好特別嘅嘢，叫做獨有技。」
「獨有技超脫於屬性，超脫於技能。獨有技唔屬於任何一個分類，但比佢地更強。」
「而我擁有嘅黑暗屬性，其實就係嚟自於我嘅獨有技 ——《吞噬者》。」
「獨有技嘅威能極強，相對地都極其稀有，據我所知，擁有獨有技嘅機率，係近乎一億分之一，所以我先會問你關於泡泡膜嘅嘢，因為嗰個泡泡膜實在係太特別了，我甚至一度認為佢係一種獨有技。」
我聽完之後，成個人呆咗係到...
因為王奇所講嘅獨有技...
同我息息相關...
而且...
我有兩個。
我一直都覺得，《思考者》同一般技能嘅性質差好遠，感覺《思考者》係內在...
其他係外在。
兩個完全唔同嘅層次。
我係到諗，我應唔應該講我嘅情況比王奇聽...
A：應該
B：唔應該
——————————
訓教，就攰死
辛苦哂滄海巴 btw揀A然後問多啲關於暗屬性嘅嘢
A
A
A
A？
唔 另一個故有用拆字嘅方法暗示係「天琦」
但係依個角色嘅感覺又好似唔多似
尤其「天琦」係「祈天世界」嘅創造者同唯一嘅五級能力者？
唔 另一個故有用拆字嘅方法暗示係「天琦」
但係依個角色嘅感覺又好似唔多似
尤其「天琦」係「祈天世界」嘅創造者同唯一嘅五級能力者？
新讀者留名
篇文好睇
篇文好睇