[回帶萬歲]名古屋週邊+信長攻城遊

好睇!!
巴打唔好停!!!

好睇!!
巴打唔好停!!!

好睇!!
巴打唔好停!!!

攪到我心郁郁要加啲遊城項目落去

DAY3


首先都係地鐵過返名古屋駅再行去新幹線口

有段小插曲，當時鳩下鳩下唔知原來回數券係可以用自動改札機，咁就當然行人手改札口，當我show張回數券畀站員哥哥睇，佢問我where do you come from，咁我當然答Nagoya喇，佢再問我有無金山黎名古屋既車飛，咁我當然話無喇(應該因為張回數券係金山站發出)，之後佢就放左我走，無cup印樣樣，
而當我去到米原站個陣站員姐姐同樣無理過我張回數券，變相張回數券仍然有效，賺左程


將會坐既Kodama，JR東海既N700系(個陣d N700重未改哂做N700a)
亦都係第一次坐東海道新幹線


早餐 最鍾意明太子飯團+暖綠茶做早餐


開測速app睇下，差唔多開到極速(東海道新幹線最高時速285km/h)


好快就到米原


Kodama的藍色


米原站既月台，唯一位於滋賀縣既新幹線車站


九州新幹線因為地震而中斷，全部車只能去到博多


要轉琵琶湖線(東海道本線米原至京都+北陸本線長濱到米原既合稱)去安土




去安土盛惠410yen，btw在來線黎講米原站就係JR西日本同JR東海既分界站




一邊就特別快速，一邊就新快速


坐新快速去到能登川再轉普通車去安土


終於到安土了

好睇!!
巴打唔好停!!!

攪到我心郁郁要加啲遊城項目落去

有愛就去喇，最緊要有興趣

好睇!!
巴打唔好停!!!

攪到我心郁郁要加啲遊城項目落去

有愛就去喇，最緊要有興趣

仲有兩星期先出發,襯復活假度一度先

好睇!!
巴打唔好停!!!

攪到我心郁郁要加啲遊城項目落去

肥鳥巴打 去啦

好睇!!
巴打唔好停!!!

攪到我心郁郁要加啲遊城項目落去

有愛就去喇，最緊要有興趣

仲有兩星期先出發,襯復活假度一度先

打算去邊？

兩年前我去時好大霧，成個山城係濃霧中，
同你咁好天去又另一番風味~~

兩年前我去時好大霧，成個山城係濃霧中，
同你咁好天去又另一番風味~~

大霧
各有各靚

兩年前我去時好大霧，成個山城係濃霧中，
同你咁好天去又另一番風味~~

好靚

一出JR站就見到信長像，安土城象徵住信長勢力最輝煌時期，
可惜係本能寺之變畀明治光秀謀反殺左......

btw最近信長同光秀既後人世紀和解
雖然我覺得似賣廣告多d
http://ent.ltn.com.tw/news/breakingnews/2019983
FYI




雖然話就話歷史文化之地，不過安土都真係好鄉下
咁岩有堆老友記黎旅行








係google搵過僅有既遊記都係係JR站對面租單車踩，不過我都係鍾意行
沿途想搵個人都無，係好多車囉
同埋沿途都係田田田田同田，如果無日文我覺得似返左大陸d農村，
個日重要涼涼地，唔錯

你都係老友記

行左半個鐘有多終於到，但其實後面重有更多


呢段最易行了


因為安土城跡係連埋摠見寺，盛惠500yen








行過羽柴秀吉既舊居
但其實佢好似都無乜時間會黎安土？個段時間佢應該奉信長之命打緊中國地區


對面呢度就係前田利家既舊居，兩兄弟住得真近

你都係老友記

....................

當年信長為左起安土城，週圍徵集石材，佛像、山墳都唔放過，
所以有d梯級會見到有佛像
而當地政府都好好咁特別mark住邊d位有佛像，再放個煙灰缸係度






沿途都係上樓梯同樓梯，小朋友狗衝上去精力真多....




重有唔同織田家武將既故居，森蘭丸同織田信澄




重有武井夕庵同信長大仔信忠既故居

安土>大坂

黑金門跡，黑金門係進入安土城既主要門口，
本身週圍有好多裝飾，但一把火就無哂


佛足石，唔明d人放銀仔係度做乜，真係東方人，唔理中日韓都迷信




織田家既本廟






本丸跡








行上d就係天守閣跡

歷史遊記

安土>大坂

無意見，但見到安土城跡真心唏噓

安土城既建成，最主要因為信長由岐阜去京都路程比較麻煩，
次次都要係安土附近寄宿，再加上安土城鄰近琵琶湖，向西直達京都，
重接近羽柴秀吉既長濱城同明智光秀既坂本城，搵佢兩個都方便d，
同時亦方便信長出兵北陸既上杉家同中國既毛利家，
所以就有左係安土築城既計劃

https://upload.wikimedia.org/wikipedia/commons/2/2d/%E5%AE%89%E5%9C%9F%E5%9F%8E.jpg
係wiki借左靚圖用一用

安土城位處百幾米既山頂，天守高六層，有32米，城下有唔同既民居商家，重有寬闊既大道，可以話安土城係當時日本最值得注目既地方

重有值得一提既係相傳天守入面有當時天主教教皇送既屏風，而個陣安土城亦有葡萄牙傳教士居住，可見其實信長對外來事物唔抗拒，
唔似後來既天下人禁教鎖國

成座城由丹羽長秀同羽柴秀吉兩個築城高手統籌興建，用左3年時間就起好，一起好信長就即刻搬左入去，而不幸既係信長搬入去之後安土城既本丸就畀閃電燒毀左

本能寺之變個陣安土城由蒲生賢秀、氏鄉兩父子守備，信長死訊傳到黎之後兩個就帶埋信長d老婆撤退，而安土城就畀係山崎天王山之戰敗退既明智秀滿放火燒左
(不過亦有一說指係織田信雄條仆街仔燒既)

而係明治維新到而家都有唔同人有重建安土城天守既方案，不過都係不了了之，個人就覺得其實而家咁都幾好呀，有時歷史就係要用想像力去補完

落山行返去安土駅，去埋隔離既城郭資料館，有舊安土城天守閣既模型
我行埋去望緊個陣個負責人好好咁即刻打開個模型畀我睇，
搞到我勁唔好意思，明明有人影緊相
結果當然買返多d野叫做報答佢咁熱情喇

同埋可以係呢度問負責人拎100名城印，一次過有安土同觀音寺城既印
不過要畀200yen入場費，不過入黎抖下食少少野當等車都okay既






係安土搭普通車去彥根，一上去就見到彥根貓




出彥根駅就有井伊直政既像，身為德川四天王入面最後生而又最後生就死既，作戰非常勇猛，好多時都打到週身傷，重有帶領舊武田赤備騎兵隊
同無傷過(定輸過)既本多忠勝好大對比 (有說指井伊直政就係因為傷口受細菌感染而死)
唔怪得畀人稱為赤鬼井伊

btw而家NHK天河劇《女城主直虎》就係講緊可以話係井伊直政養母既井伊直虎既故事