網絡小說集中討論區<13>訂閱有風險 隨時血本無歸

我尋日都諗緊嚟樣嘢，與其去睇大陸被閹咗嘅小說，不如支持返hk/台灣嘅網站，然後我就去揾到兩三個小說網：
1.Penana（網頁排版比較靚，有app）
https://m.penana.com/home
2.小心輕看（入數嘅銀行户口好似係立場旗下嘅）
https://readwithcare.com
3.紙言(排版ok，廣告有少少多）
https://www.shikoto.com
4.連登/高登講故台

5.popo(台灣宜家最出名嘅小說網，多輕小說，但係好似同起點有合作，去唔去自己諗）
https://www.popo.tw
6.有個比女仔睇嘅甜故台灣網我都唔知推唔推好


Blacklist
1.前路小說
話就係香港人開，但其實跟大陸自我審查，掛羊頭賣狗肉

thx man

可以頂置

呢本真係好睇 個個角色都有用 唔會埋沒配角

岩岩開始睇鬼吹燈, 睇到昆崙山, 覺得有d 悶
故事之後會唔會刺激d 或者劇情深入d?
同埋有d 頂唔順文筆

個作者中學都未畢業，文筆係咁上下，後面果幾本會好d

阿蒙又嚟料

倫納德rip

我修的可能是假仙

輕輕一推
有冇靈異類小說最好有隊友

阿蒙齊料，有排都未洗出

睇翻慶餘年，睇咗頭十幾章佢抄詩就頂唔順
幾年前都睇得下
依家覺得喺毒草
唯一追緊真係得返詭秘之主

詭秘入咗歐亞大陸真係越嚟越好睇

我睇到升到序列5，唔係咁想追，好拖好多廢話，成日特登同讀者解釋某某點解要咁做，打鬥又少，主角一係就屈d低序列機、一係就淆唔夠打就唔出手

學奔雷手文泰來果句

出左海之後唯一好處係終於無開會情節

淆底係呢本書嘅特色嚟，對呢樣嘢有毒點嘅話真係好難睇得落

其實好矛盾，前面係首都一路sell男主幾善良、正直，但係後面見到d同級嘅人渣都唔敢出手，仲話扮演瘋狂獵人，渣ga

有冇人有睇過極拳暴君?
會唔會又有大中華屠美滅日嘅情節

夜與雪果本? 比起點ban左啦

係呀比人ban咗嗰本 佢明明前排先啱啱完 被人腰砍？
其實佢點解比人ban

色情血腥掛? 或者諷刺共產黨

通常比人捉到改左佢或者刪左就無事，可能禁得太多刪唔到就成本封

台灣當年有個鮮網，好多輕小說係掂到全台灣都追緊，甚至可以嚟到信和賣廣告，可惜14年個老闆其他地方投資失敗摺咗，但係台灣係有嚟個基礎可以江山再起嘅。
至於香港，我望咗一下強國的報告，起點我揾唔到，但係晉江67%嘅用户係來自北京、上海、廣州、香港、台灣，海外嘅佔15%。雖然成堆城市放埋一齊好鳩，但係度睇到其實香港人肯比錢睇書嘅比例可能比你想像中高，而且香港係大陸網寫文嘅人亦都有可能比我哋想像嘅高，只不過係香港之前一直缺乏平台，而有咗平台之後又缺乏宣傳，令到高汁作者冇過去寫文，讀者又唔知有嚟個平台可以睇文，所以先搞唔起。
但係難得強國依家咁多規規條條，強國啲作者都想走佬了，何況係香港人？我哋唔依家食住個勢，搞大香港個網絡小說平台，點對得往自己呀？

最後比多少少建議，希望如果各位身邊有朋友睇開網絡小説嘅，又或者想試下寫小説嘅，甚至你個朋友仔只不過係想寫下同人嘅，可以同佢哋講我哋香港其實係有幾個網絡小說平台㗎，不如過去睇下文，去發下文，一齊努力搞好佢啦。