【認識歷史｜第一次世界大戰】

邊撚個知？ 2016-12-02 02:33:19

好鐘意睇一二戰嘅歷史

Austang 2016-12-02 02:34:15

每天都要射精 2016-12-02 02:34:38

一戰同盟國根本就德國打曬

警民怡紅顧問 2016-12-02 02:38:28

Lam
利伸 BA history 不過focus 係medieval..

忽那汐里 2016-12-02 02:43:32

忽b留個靚名

雲海 2016-12-02 02:44:15

留名遲d 睇

Blackbox 2016-12-02 02:47:54

Beginneros 2016-12-02 02:50:07

上回講到第一次世界大戰嘅遠因，有遠因姐係有近因啦，就好似同一個人幾唔岩都好，你唔會無啦啦打佢，你係會因為某件事嘅發生而打佢，一戰發生嘅事件，就係薩拉熱窩(塞拉耶佛)事件。

事件發生係1914年6月28日，亦都係塞爾維亞嘅國慶，地位位於巴爾幹半島，呢個地理位置被稱為歐洲火藥庫，因為列強經常借巴爾幹半島嘅地區矛盾為題發動戰爭。當時奧匈帝國嘅皇儲斐迪南大公到波斯尼亞首都薩拉熱窩檢閱軍事演習，波斯尼亞國內其中一個主要民族係塞爾維亞人，但係波斯尼亞係1908年被奧匈吞併，所以當時搞緊大塞爾維亞運動嘅塞爾維亞一直都好不滿。

當時法國形容奧匈吞併波斯尼亞嘅漫畫

一戰前的國家地圖

大家可以見到三個地方十分接近，加上呢次波斯呢亞軍事演習又係以塞爾維亞為假想敵人，所以塞爾維亞國內嘅民族主義者就十分不滿。

正當費迪南大公夫婦進行視察嘅時候，一名塞爾維亞青年普林西普係薩拉熱窩街頭用手槍槍殺左大公夫婦，該名青年曾經參與黑手黨嘅運動，該組織同活躍於大塞爾維亞運動，因此奧匈帝國向塞爾維亞提出多個條件，並限塞爾維亞政府於7月25曰星期六晚上6時以前答覆。

事件發生前幾分鐘，斐迪南大公同佢老婆岩岩係市政廳出黎

青年普林西普

行凶意想圖

奧匈帝國對塞爾維亞提出的條件
一.查封任何引起對奧地利皇室憎恨和藐視的刊物；
二.馬上取締民族自衛組織(Narodna Odbrana) ，並取締其他作反奧匈宣傳的組織；
三.即時從教育團體及教學方法中，刪除任何會或可能會煽動反奧匈之宣傳的教學內容；
四.革除軍部或行政部中被指進行反奧匈宣傳的官員，而此等官員的名單由奧匈政府提供；
五.接受與奧匈政府有關部門合作，在塞爾維亞鎮壓企圖顛覆奧匈帝國領土完整的活動；
六.在奧國政府指定的有關部門之協助與指示下，採取法律行動，懲罰策劃和執行6月28日的刺殺事件，而現在於塞爾維亞領土的人士；
七.即時逮捕奧匈初步調查所認定的兩名人士；
八.保持合作，以有效措施遏制其境內的軍火走私；
九.向奧匈解釋對其懷有敵意、在塞爾維亞境內或境外的塞爾維亞高級官員之言論；
十.馬上採取以上措施，並告知奧匈帝國。

除左第五條同第六條條款，其他塞國政府都一一接受，因為塞爾維亞認為第五﹑六條違反當地憲法同破壞當地主權，所以拒絕。因此，係得到德國嘅支援後，奧匈帝國係1914年7月28日出兵塞爾維亞，開始第一次世界大戰。

基於同盟製度，宣戰後各同盟的演變：
7月28日 - 奧匈向塞爾維亞宣戰
7月30日 - 俄國開始總動員，出兵援助塞爾維亞
8月1日 - 德國向俄國發出最後通牒，要求俄國在12小時內取消總動員，俄國沒有理會，德國向俄國宣戰，並向法國提出最後通牒，要求法國係德俄發生戰爭時要保持中立，但法國拒絕，並進入總動員
8月3日 - 德國向法國宣戰
8月4日 - 德國入侵已保持永久中立的比利時
由於英國一直視比利時為國土的屏障（地理原因），為確保比利時嘅中立同維護1839年簽署嘅「倫敦條約」，於是同日向德國宣戰
8月6日 - 奧匈帝國向俄國宣戰
8月12日 - 英國向奧匈帝國宣戰

自此，戰爭一發不可收拾，除意大利以外，歐洲各主要國家都在短短幾日就紛紛捲入戰爭，意大利原本係「三國同盟」之一，但因為同奧匈國唔岩牙，所以無參戰，初期時候保持中立。

戰爭發生當天的報章