1. 政治
A. 權力核心轉移
由於，戰爭戰場主要在歐洲，歐洲強國英﹑法﹑德未能保持主導地位，輪為名存實亡的二等強國，令權力核心轉向美﹑日兩國。美﹑日兩國變身成世界頭號經濟強國，兩者均由債務國變成債權國（戰爭期間﹑戰爭後大量出口）
B. 共產政權出現
大戰期間，俄國發生共產革命，令世界上出現了第一個社會主義國家 - 蘇聯。自此，共產主義開始在世界各地散佈，並且出現多個共產政黨，同時亦令西歐聞風喪膽，變相導致法西斯主義抬頭並快速在西歐上位，而共產思想亦影響至今。
美帝都有共產黨
C. 出現世紀性的國際和平組織
一戰之後，美國總統威爾遜提出「十四項和平原則」，負責減少國際武器數量、平息國際糾紛同維持世界上民眾嘅生活水平。組織亦會負責衛生﹑勞工事務同難民事務等等。
但當時美帝奉行弧立主義，所以即使威爾遜想加入並且主導，因為國內聲音，所以最後都無無加入組織（初期想同英國爭主導權）。國際聯盟缺乏軍隊，所以要依賴大國會員嘅援助，但當時無咩國家幫到手，所以國際聯盟無咩威信。加上投票嘅時候需要經理事會全體一致投票，所以好多政策都通過唔到，對國家起唔到制衡作用，存在短短26年就消失左啦。
D. 酬恤金進軍事件
一戰中，參戰的美國軍人每人每日除左可以得到1美元的薪金之外，另外仲有25分作為海外生活補助金，但係戰時，美帝無出糧比美軍，戰後，美國政府都負擔唔到呢筆費用，於是係1924年訂定《服役證明修正法》，先向一戰老兵發出一張補助金證書，承諾所欠薪金會於20年后依當兵日數，薪金再乘上複利後以現金償付。原本都好地地，但當1929年發生經濟大蕭條，有大量退伍軍人就要求美國政府立刻支付原定1945年先支付既薪金，最後引起流血酬恤金進軍事件，引致軍方介入事件，事件最後引敔四人死亡(包括兩名兒童)，數百人受傷，最後影響當時總統胡佛既連任選情，亦令二戰後美帝訂立「軍人權益法案」，避免事件重演。
1932年事件中的示威情況：
衝突情況：
E. 德﹑意兩國的復仇主義
《凡爾賽條約》將戰爭責任全部推左比德國，內容亦十分苛刻，完全無係戰敗國既利益考慮，禁止空軍加上大量裁軍（陸軍數量大在10萬人以下）亦是對日耳曼民族既恥辱。不過，雖然德國係一戰中戰敗，但德國既工業體系依然保存完整，而且德國本土並未受到戰火的波及，如果你係德國國民，你會有咩諗法？無錯，就係大量既抵觸同反感情緒，就好似當日普法戰爭後法國既民族復仇主義咁。
至於意大利，因為被英法所騙，所以亦同一樣有復仇心態，希望有朝一日可以重新奪取想得到既野，亦可以係二戰前一連串事件睇得出意大利既慾望。
一戰後德國既馬克變得唔值錢
F. 出現多個新國家
四個傳統大帝國消失：俄羅斯帝國、德意志帝國、奧匈帝國、土耳其奥斯曼帝國。
脫離俄羅斯帝國獨立的四個國家，包括：芬蘭、愛沙尼亞、拉脫維亞以及立陶苑
由奧匈帝國分裂出來的國家（部分領土）：克羅地亞、斯洛文尼亞及波斯尼亞組成南斯拉夫王國﹑匈牙利
1918年宣佈立國
講起DBQ，大家做既時候可以多諗，作者係咩國家既人，畫呢張圖／作呢段文有咩目的，有冇咩暗串/暗示，同年/早幾年有咩事件係有關，咁答起上黎就會易好多
Image Credit
Thee Faction
Zinnedproject
Beginneros
