西野七瀨
2019-10-21 20:04:22
6. 不打不相識
山齊士將彌生的手甩開
「呢位先生,我歡迎你繼續響賭枱上尋開心,不過...出手就唔好啦」
「仲有...呢位小姐,希望你可以管好你男朋友既情緒啦」
山齊士對智詩說完此話後,就和手下一同離開
「......」
彌生總覺得這人有點奇怪
「哼,咁都仲想攞尾彩」阿南對山齊士的態度感到厭惡
阿紫拍拍阿南,笑道
「唔緊要啦呀阿南,我地都叫拎返筆獎金丫...今次我地真係可以辭職嘆下世界啦」
「哈哈,都係!」
「嘩,頭先你地搞咩黎呀..」
石仔和阿玲等到此時才現身
「石仔,我地頭先贏左老虎機呀,睇下,二百萬美金!!!」
阿紫笑得非常幸福
「原本佢唔肯應數之餘仲想嚇我地,好彩有呢位先生幫我地出頭咋」
西野七瀨
2019-10-21 20:05:46
不消一會,六人上到郵輪上層的扒房
「頭先真係多謝你幫我地手拎返果筆獎金呀,你地點稱呼呀?」
進食期間,阿紫問起彌生兩人
「我叫望月..彌生...」彌生邊品嘗牛扒邊道
阿南對其姓氏感好奇
「你係日本人黎架?」
「算係啦,港日混血,不過出世到依家都係響香港住」
彌生放下餐具,攬住智詩:「至於呢位..就係我女朋友智詩bb豬啦!」
智詩將彌生一手推開
「死開呀,搵你既天塚萌啦!」
「..咳!咳咳!」
石仔差點將口中的紅酒噴出:「你...又係鐘意我女神天塚萌?!」
「緊係啦!前幾日先去左佢個event!」
彌生自豪地拎出自己和天塚萌的合照
「嗱,睇佢個姣樣,就知佢對我有意思啦」
「呀屌你,好想見萌醬呀!!!!!」
石仔露出妒忌的表情
「仆街,早知我唔同阿玲你條八婆去江之島玩啦」
「咪唔好去囉,我無左你又唔會死既!我仲有翼仔!」阿玲反駁