【阿白與游智詩】孤獨兄弟twilight

332 回覆
45 Like 1 Dislike
2019-10-31 14:46:33
屈夠未呀
2019-10-31 15:47:09
樓豬唔中意見到真話架
2019-10-31 16:09:31
2019-10-31 18:10:54
連你都咁講
2019-10-31 19:41:26
16. 要脅


「你話你係咪on9丫!咁撚大個機會你都唔撚珍惜?」

在小食店外,彌生一口飲住啤酒,一口痛罵石仔

「我同阿紫整個咁既機會比你,比你浪費哂啦」


「屌,我想既咩..」

石仔嘆一口氣:「阿玲又無啦啦提起瞳瞳既野,我又唔知佢嬲乜鳩!」


話聽到此,彌生氣得破口大鬧

「唉屌,你條友真係唔識架喎!」

「女人就緊係唔會講出口啦!唔通下下同你講『嗚嗚石仔你關心下我啦我好想比你著緊呀!』咁咩,咁阿玲既方法,咪就係特登同你鬥氣搏取你注意囉,你唔係咁都唔明下話,即係好似你小學鐘意啲女仔,你會特登激鳩佢引佢注意呀傻鳩!」

「阿玲要既係你真正同親切既關心呀on9!」



「....」

彌生怒轟一大輪後,大家都默不作聲


「我...係咪真係激嬲左佢呢..」

就連石仔也開始質疑自己



「緊係啦屌...唉,我真係唔知你點做人條仔既」

當然,彌生最大的目的也是令兩人和好如初

「你依家去氹返阿玲返黎啦」


「估唔到...彌生哥哥都幾關心人架喎」

平日花弗輕恌的彌生竟有此一面,令小櫻更感驚訝


智詩沒有回答,只是點頭回應

不過,她內心裏也是同意彌生是個懂關心別人之人
2019-10-31 19:41:51
阿紫開口道

「不過...我地都要搵返阿玲先得架...佢頭先行左去邊呀?」


「佢頭先行左去呢度方向...我估佢應該係去公園...掛.....」

石仔指向大街的盡頭


「咁去搵佢啦,仲on99咁!丫仲有...」

彌生將一包香港俗稱「滴滴金」的線香花火:「一陣同佢玩埋滴滴金,包佢原諒你啦!」




「阿玲!阿玲!」

眾人四周大叫,但依然無人回應


智詩繼續不斷致電阿玲

「...又係無人聽...」





「咪住...」

石仔留意到,地上的一包金魚

「呢包金魚..咪係..」



沒錯,正是石仔為阿玲撈起的兩尾金魚


「鈴鈴鈴鈴!!!!」

石仔取出響起的電話



「石...石狗!救..救我呀!!我比人..捉..捉左呀!」

電話傳來的,正是阿玲的叫聲



「石..石石石狗...你你你你..條女野埋我口吃呀!」

一瞬間,說話的人卻轉成一個持雄壯聲線、操廣東話的男人


「唔想你條女死既話,帶埋果隻吸血鬼黎港區弁天太田貨倉,我地等你」




「....」

石仔一臉死灰放下電話



「喂,石仔,搞咩呀?」雖這樣問,但其實彌生也猜想到


「阿玲佢..比人捉左..」
2019-10-31 19:42:04
「捉..捉左..?!」智詩和阿紫異口同聲叫道


石仔點一點頭

「對方話,叫我同『果隻吸血鬼』,即係燈神,去港區太田貨倉」

「而對方有講『我地』,明顯唔係單獨行事」


「...」

彌生眉頭一皺:「睇黎...又係果班死人狼,今次我就去殺佢老母!救返阿玲!」


「!!!」

一提起人狼一詞,拓也的頭又再度痛起來


「拓也...你冇事丫嘛?」

對男友百般關心的小櫻馬上察覺到不妥


拓也拍一拍小櫻的肩膀

「無事...我地都去幫彌生手啦...」

「嗯!」




七人各自坐上的士,前往港區的倉庫



「阿南阿紫,你地無乜戰鬥能力,一陣響後面食下花生算啦」

彌生指揮:「如果對方有好多人,我就同拓也哥頂住,石仔你就去救阿玲啦」


「嗯」



「同前幾日響郵輪一樣,感應唔到有殺意...」

即使彌生用吸血鬼的超強感應力,也未能找尋到對方的人數



「咔!」

石仔率先打開倉庫的小門


「阿玲!阿玲!你響邊呀!!!」

大伙兒不斷大叫
2019-10-31 19:42:47
「登!」

一息間,整個貨倉的燈光全開



阿玲正被綁在一張木凳上

「石...石仔!!救我呀!!!」


而在她身旁的,還有一男性!

「廿分鐘內趕到黎,你地都幾犀利喎!」


急於營救阿玲的石仔當然沒有理會此男的說話

「咪講咁多廢話,快啲放左佢!」


「奇怪,頭先明明講『我地』,但呢度完全唔覺有另一隻人狼響度...」


「登!」

安傑洛伸出右手上的利爪,架到阿玲的項上


「!!!」

一見到人狼的利爪,拓也又開始出現奇異的反應


「嗚嗚..救..救我呀石..石仔!!!」

阿玲怕得哭出淚來


「嘿,想條女無事既話,就快啲講出吸血鬼公會既位置!」

對安傑洛而言,一切的所作所為和山齊士目的一樣,都只為了得到吸血鬼公會的情報!


「...大佬呀,我真係唔知乜撚野吸血鬼公會呀,fairy tail啲公會我就知!」

彌生口雖硬,但心裡卻想:「仆街,之前響架仔差館度比班黑警拎哂啲槍,咁打法未必有勝算」
2019-10-31 19:46:34
「石...石仔..」

阿玲眼見石仔處下風,有點擔心


「得架啦...你行開少少先啦,廢事一陣阿玲你有咩傷又入我數」


「大佬,我比人綁住架!點走呀!」阿玲被氣得面紅


石仔苦笑

「丫係喎,講起上黎,你冇比人抽水丫嘛?」


「冇呀!.....乜..你仲識關心我既咩!」

扁起小嘴的阿玲雖仍生氣,但看到石仔如此著緊自己,心也馬上甜起來了



「唉...有咩事...一陣再講啦」

石仔擺出架式:「搞鳩我女人,你肯定未死過定啦...」
2019-10-31 19:50:58
石仔
2019-10-31 22:25:30
型唔型先
2019-10-31 22:47:55
2019-10-31 23:15:25
Gay故
2019-10-31 23:53:18
拓也哥個名幾耐冇聽過佢個名都出埋你仲唔係gay
但有預感遲早佢比人控制打石仔
2019-11-01 00:29:55
真係睇唔到你講咩
2019-11-01 00:30:24
又屈直到爆
2019-11-01 00:33:41
唔關事啦,彌生順口先叫佢拓也哥
至於比人控制呢啲戲碼都好易估啦
2019-11-01 13:57:33
2019-11-01 22:38:59
17. 各自的戰鬥


阿南和阿紫已經來到,為阿玲解綁

「阿玲,無事丫嘛!」

「無事...」




石仔盤算:「睇黎唯有先拉開距離一對一,唔好比隻人狼埋到佢地身...」


此時石仔的雙手開始冒煙,仿如燒著一樣


「喂阿玲,石仔對手做乜出哂煙咁既?」智詩問



「石狗佢..其實係識用氣既」

阿玲平靜地道出一個驚人的事實



「氣!!!???」阿南和阿紫同時大叫





「啊!!!!!!」

石仔大喝一聲,衝向安傑洛


眼見石仔手無寸鐵卻向自己衝過來,安傑洛心裏當然感到驚喜

「哈!呢條友真係short架喎!你想死我就成全你!」




「燈神,分開打啦!!!快啲搞掂一個黎幫我手!!!!」

石仔丹田運勁,雙掌擊向安傑洛



「爆裂神掌!!!!」

此記掌擊跟之前的大大不同,威力足以將安傑洛打飛
2019-11-01 22:39:14
「砰呀呀呀呀呀!!!!!」

安傑洛完全無防範石仔有此一著,硬硬食下這招,飛出倉庫外


「咩話?!!!普通人類竟然有呢種既力量?!」


石仔並無給予安傑洛喘息機會,衝出貨庫外的空地,繼續追擊

「再黎!!!」


一記又一記的爆裂神掌,將安傑洛打得節節敗退



「石狗佢..以前係跟我爸爸學武術」

阿玲擔當起解說的角色:「根據石狗所講,每個人都有『氣』,只不過係差在識唔識運用..」




安傑洛已經看透石仔的計劃

「哼,原來只係為左將我引開,無聊」


「無錯..就係為左唔比你搞到我地既女人」

石仔擺起雙手,放出作戰架式:「男人打交,拖埋女人落水咁撚卑鄙?」



聽到石仔的話後,安傑洛不自覺笑起來,雙眼更亮起紅光

「響戰場上邊有卑鄙可言呀?勝利者就係正義!」

安傑洛踏步,向著前方的石仔揮爪!
2019-11-01 22:39:50
「冇可能...呢個人...竟然可以同時感應我地人狼既殺意...」

對於拓也能洞悉自己的動作,維迪爾深深不解

「呢個人又唔係人狼...咁究竟佢係...」


而彌生,就已經開始計劃作戰的策略

「拓也哥依家似乎唔係好掂...即係今次我都係要一打一」

「依家手上一把槍都無,咁我要搵到附近有咩武器好用啦...」



「颯」

彌生閃到維迪爾身後,向他使出連拳


「想偷我雞?」

維迪爾馬上從苦惱中醒來,向彌生還擊


面對範圍廣闊的爪擊,彌生一邊退後迴避,一邊將維迪爾引離拓也等人

「石仔話等我幫手..佢都痴撚線既,我都想拓也哥快啲幫到我手呀屌!」


「避夠未!」

維迪爾多番進攻都無功而回,開始著急



其實彌生退後的同時,一直嘗試搜索附近會否有實用的武器

「咁大個貨倉,一把槍都冇,痴線!」





在旁看著彌生苦戰的智詩,手心已害怕得冒汗

「弊啦..咁既話彌生真係唔掂架...唯有....」


智詩馬上轉身,跑離小櫻和拓也兩人

「喂!智詩姐姐,你去邊呀!」


「我..去幫彌生幫武器呀!!!」
2019-11-01 22:40:16
難尋兵器的彌生,只好隨手執起一旁的鐵通

「WRYYYYYYYYYY!!!!仆街啦你,打狗棒法!」


彌生一拎住鐵掃把,就如瘋子般對住維迪爾亂毆

不過,對方是金剛不壞的人狼,不但未能傷到維迪爾,打多數下就已經折開數截


「咩話?!真係咁撚硬淨」


「傻仔!區區一支鐵通會傷到我?!一啲都唔痛喎!」

維迪爾雙眼亮紅光,對彌生揮刀!


彌生冷不防維迪爾突然的反擊,被斬中兩爪



被傷後的彌生速度明顯減慢,唯有繼續退後

「屌佢老味..真係唔識痛架喎!」




「嘿,頭先唔係好串既咩?打狗棒法喎!」

維迪爾又砍中彌生一下


彌生身體不斷受攻擊,再加上昨日對山齊士一役的舊傷,令其體力慢慢下降

而更重要的是,彌生手上亦無手槍這個拿手武器


現在的情況,比昨日再危險





「屌..再係咁既話,真係會死!」

彌生向拓也大叫:「拓也哥!你得未呀!!!我真係唔掂啦!!!!」
2019-11-01 22:40:51
即使彌生如此大叫,但在拓也的雙耳中,卻只聽到令人不安的蜂鳴聲

「嗡嗡嗡嗡嗡」


「拓也!拓也!!你唔好嚇我呀」

連小櫻在耳邊不斷叫喊,他也只能聽到少許



「呀.....!!!」

拓也雙眼上的紅筋慢慢浮現





「彌生!!接住!!!」

趕回來的智詩,將手上的手鋸掉向彌生


「!!!」

彌生反應過來,馬上接住


「智詩bb豬,如果我反應唔切,你就謀殺親夫啦!」




「有咩架生都無用架啦!死啦!!」



「噹!」

彌生及時用鋸擋下攻擊


「無槍姐,有刀你一樣死撚硬!」

彌生已經將拇指放到嘴邊,發動吸血鬼必殺技!

「TRANS AM!!!!」


得到三倍速度的彌生,對住維迪爾狂揮

「斬到你內臟爆撚哂!血流成河吧!!!」




「刷刷!!!!」

吸血鬼的速度再配上近距離的刀擊,手鋸成功斬破人狼堅韌的皮膚,將維迪爾四肢斬至流血!



「吸血鬼必殺技果然唔係人狼可以跟得到..不過」

維迪爾雙眼現出紅光:「我有既係戰鬥用納米機械呀!!!!」
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞