【阿白與游智詩】孤獨兄弟twilight

「喂，你搞咩呀」


「老闆，我想撈金魚呀..」

懂少許日語的阿玲向老闆付上一百日圓


石仔大感無奈

「有咩搵左佢地先講啦...」


已經被吸引著的阿玲沒有理會，將紙網放到水中


「噗」

撈起金魚的一刻，紙網因金魚的重量而破開


石仔自然看不過眼

「呢個爛鬼網一掂就爛架，擺明呃你錢架」



「我唔信！」

阿玲一口氣向老闆買下十個紙網


「石狗你硬係要睇死我，我就偏要威比你睇...」


「噗」

「噗」

「噗」


可惜，十個紙網都已全軍覆沒


「唉，真係無你收...」

石仔不太情願地向老闆買下紙網


受過嚴格武術訓練的石仔，這種玩意當然沒有難度

「發！」


石仔輕而易舉就將兩條金魚撈起


「...」

阿玲望住對面的石仔，扁起小嘴



石仔將兩尾金魚放進膠袋，遞到阿玲面前

「嗱，咁得啦？」


「....唔該」

阿玲將膠袋取過手中

「行啦，唔係一陣都搵唔到佢地呀！」



一路上，石仔繼續四周搜尋彌生等人

而阿玲，就只顧把玩袋中的兩條金魚

「嘻嘻...好得意呀....」


「仲細咩？仲玩金魚...」石仔有點不耐煩


阿玲對此話自然感到不快

「你識咩呀..我細個一直都想玩撈金魚架」

「如果係同自己鐘意既人一齊撈呢，就肯定仲開心啦！」


「你鐘意既人咪翼仔囉，你下次夾佢過黎囉」

石仔打著呵欠:「我都唔明你，唔想同我一齊咪認囉，我睇你..都只係想比綠帽我戴姐..」


這番說話，似乎觸及了阿玲的神經

「你..你話咩話？」


阿玲的此舉，似乎也令石仔嚇倒

「咁..咁事實你係丫嘛，同我一齊住但又成日質頭質勢，一見到翼仔就姣婆上身咁，仲唔係比...」



「啪！」


一下清脆的耳光，打到石仔的臉上



「你....」


石仔正想反駁之際，卻發現


眼前的阿玲，淚水已經流往下巴


「係呀，我係唔夠瞳瞳好丫嘛！」


「你..講左去邊呀...」



「我..你果陣同我一齊之後，其實..你仲掛住瞳瞳架嘛，係咪？」


一提起瞳瞳，石仔無言以對

「既然係咁...我諗..我地再一齊都無意思」


阿玲正想轉身離開

「阿玲！」

「你放手呀！」

石仔想伸出手捉住眼前的人，卻被阿玲甩開

「踏踏踏踏......」

阿玲拔足而奔，慢慢消失於石仔的面前



「阿玲....」




而這一切，在暗角裏的兩人眼中，都看得一清二楚

「嘿，條女的確係我杯茶，好想將佢就地正法呀...」

一人正注視住奔跑中的阿玲，流着口水


「夠啦安傑洛，今次我地既目的唔係呢個女人，只係...」

另一名壯漢拎住一張閉路電視的截圖:「果兩個...殺死山齊士既人！」

nanami

好撚凍

羽絨

15. 夏櫻



另一邊廂，彌生四人就在另一邊的街道


「有冇問題架，你地掉低阿玲佢地兩個唔理...」智詩問


彌生只顧食住串燒，笑道

「少擔心啦，祭典係溝女聖地黎架！佢地實會搵返拍拖果陣既熱情既」


「咁熟呢啲野既...你係咪以前用過呢啲橋追女仔？！」

智詩一聽到此話，頓時變得生氣


「嘻嘻，緊係無啦，但係如果智詩bb豬你唔係咁易溝到手，我實會帶你黎呢度表白，睇煙花再返酒店，哈哈！..丫好痛！」


智詩用力扭下彌生右耳

「咁你即係話我隨便啦！咁易就溝到！」


「唔係咁既意思呀喂！好痛呀！」



這一切都被阿紫和阿南看入眼中

「雖然佢地兩個好似成日嘈交咁，但彌生真係好錫智詩呀..」


「嗯，不過阿南你對我都已經好好架啦！」

阿紫留意到街上的小攤檔:「丫！果隻熊仔好得意呀！」


「吓..但係...」

阿南指住正拎住玩具槍射向公仔的遊人們:「呢啲好似係要射中先有得拎架喎」


「唔~~~我好想要呀~~~~阿南~~~~」

猶如小孩般撒嬌的阿紫，不斷搖着阿南


有些女人雖然平日會裝作堅強，但有時也會想向人撒嬌的

「呃...好啦，我試下丫」

遞上三百圓，阿南就拎起玩具長槍，對準公仔們



「砰！」

第一下，竟然射了個空


「砰！」

第二下擊中擺放公仔的層架


「差少少咋阿南，加油呀！」阿紫肉緊道



「唉南哥，眼界咁差點溝女呀」

彌生暗地裏執起一枚玩具槍的膠子彈


「幫下你手啦」


「砰！」

第三發子彈射出之際，彌生將手上的子彈彈出


「叮！」

兩枚子彈撞擊的聲響本來已經微弱，再配上現場嘈吵的環境

根本無人察覺到彌生出招



「嘭」

子彈擊中阿紫心儀的熊公仔


「鈴鈴鈴！！！」

老闆馬上敲打銅鐘:「恭喜！你中左獎啦！」



雖然中獎，但阿南依然不太相信

「...吓？」


「唔該老闆！」



「阿南，你好叻呀！」

阿紫一臉幸福接過熊公仔後，再親吻阿南的臉頰

「啜！」


「呃..哈哈，阿紫你開心就得啦！」


阿南雖然大感奇怪，但被阿紫一吻後

一切都無所謂了

「哈哈...阿南真係犀利啦！咦...」

彌生留意到智詩正對自己露出懷疑的眼神


「智詩bb豬，做咩呀？」



「肯定..係你暗中幫阿南啦」

智詩叉起雙手


「...呃..哈哈，邊有呢，阿南眼界好姐！」



「唔覺，頭先阿南根本無可以射得中，一定係你出手架啦」

智詩苦笑:「不過，彌生你又幾好人既..」


「熊仔好得意呀..同阿南你一樣咁可愛！」

睇住前面開心得上飛般的兩人，彌生也眉飛色舞

「嘻嘻，我份人就不嬲有雷氣既，幫到手足氹女既實幫架，不過如果佢氹既係智詩bb豬你呢，就恕我幫唔到手啦！」


「哼，我比人追關你咩事呀，你搵你果個天塚萌啦」智詩作勢轉身，裝作生氣


彌生從後抱住智詩

「萌醬點同智詩bb豬你比呀！智詩bb豬又靚女、對波又大、又細細粒，老虎蟹都揀你啦！」


「哼！口甜舌滑..」

話雖如此，但其實智詩內心卻感甜蜜


「鈴鈴鈴！！！」





「恭喜哂！呢位哥哥仔射三槍都中哂！」

老闆將三個公仔遞到後面的青年手上

「嘩！拓也你好叻呀！」

「邊係呢..只係好彩姐...」


「把聲...咁熟既？！」

彌生和智詩同時轉頭


「拓也...同小櫻妹妹？！！！」

這兩日，正是一年前和彌生共同保衛香港的拓也和小櫻



「咦，係智詩姐姐你地呀！」

他鄉遇故知，小櫻也難掩興奮之情:「你地都特登黎天神祭呀？」


「又唔係話特登既！不過遇到啲意外，咪黎左天神祭咁囉，哈哈！」彌生尷尬得摸摸頭


阿南和阿紫見狀，也走上前來

「彌生，佢地係...」


「阿拓也哥同小櫻妹妹係我響香港啲朋友黎架..至於佢地呢，就係阿南同阿紫，前幾日響郵輪度識既！」

喜愛熱鬧的彌生為雙方介紹


「但係...彌生哥哥你地...坐郵輪？係咪果架緊急停泊既波塞冬號呀？」記憶力強的小櫻問


「無錯呀，小櫻妹妹你真係好記性啦！」

彌生一提起船上的事就怒火中燒:「屌佢老尾，響架車無啦啦比果隻『人狼』..」


「！！！！」

一道雷光從拓也腦中閃過，將他頭痛一下


「呀..究竟咩事....」




「實驗品三十五號：拓也」

「拓也...你果然係最完美既傑作」

「拓也！」

小櫻將拓也叫回現實


「嗯？做..做咩事呀？」


體貼的小櫻馬上取出手帕為拓也抹去額上的汗水

「拓也你..係咪唔舒服呀...」


「唔係..只係頭先有少少暈姐..」

拓也為令小櫻放心，當然不會道出真相

「頭先既..唔通係我以前既記憶」



聽到拓也都這樣說住，小櫻才放心過來

「嗯..拓也你要記住呀，有咩事要同我講呀！」


「知啦...」

當然，拓也只是為了小櫻安心才這樣說著



「你遲早..會..記得...『失控既感覺』！哈哈哈....」

上次因為韋德的一番說話，令拓也再次夢見童年時擔任殺手的事




「咦..」

彌生望到，垂頭喪氣的石仔，正向自己既方向走來

「...點解阿玲唔響石仔隔黎既？」









「哼..死石狗！衰人石狗！」

阿玲獨坐在附近的公園上，凝視住手上的兩條金魚


「對我好啲...真係咁難咩？」



「踏...踏...」

一陣腳步聲越走越近


「捨得搵我啦咩，死石狗」

阿玲依然以為，行到身後的是石仔:「但係我仲未嬲完你喎」


誰知一轉身..

拓也
23歲，IID旗下殺手，為人冷酷，但被小櫻慢慢溶化，經過青馬大橋一戰後開始恢復過去殘酷的記憶

慕容春櫻(小櫻)
18歲，阿七的妹妹，身手卻比哥哥好多數倍。於迪拉斯一役中遇上殺手拓也，與他相戀

Push

又射咗日波瞓覺

菜仔

冬眠未

用左差唔多一星期終於追晒之前啲故
再重睇呢個po

感覺點？

好睇
樓主加油

感覺到樓煮真係4 gay lo

多謝
會繼續努力