【阿白與游智詩】孤獨兄弟twilight

我好鐘意肥良d漫畫的

重新歡迎

好似冇見啦韋拿老母

10. 吸血鬼對山齊士


「碰砰！！！！！」



最後一名手下也被石仔打到大門前，並將大門轟開



「哼，有返對手就輕鬆啦」


六人走出房間，門外的走廊卻和遊輪客房外的毫無分別

「我地..應該仲響架船上面既..」



「咁依家我地點做呀？」阿紫見形勢穩定，開口問


「仲駛講，緊係拎返你地筆錢，再打柒果個山齊士啦」

彌生皺眉道:「而且...我想知道佢點解會問起吸血鬼公會既野...」



一講起吸血鬼三字，石仔等四人馬上彈開退後


「屌你，一陣你會唔會吸我地啲血架...」石仔擔心



「痴撚線，當我有沙士咩家陣，要吸就一早吸左啦！」

彌生將自己的手機拋向眾人，道:「吸血鬼既野，你地睇返『孤獨兄弟』第一季咪知囉」



石仔接過手機

「你講咩呀..」



四人望住手機螢幕數十秒，總算了解吸血鬼的由來

「...哦...原來係唔吸血既吸血鬼，嚇死人咩」阿南道


「唔止，仲係隻好爛賭既吸血鬼tim」

智詩冷冷道:「唔怪之得叢雲都想避開你」


「哈哈今次都係輸左三十幾萬姐...」




「不過...我地點知山齊士響邊先？」

阿玲問:「佢如果死都唔出現我地都無佢符架喎...」






「嘿，咁快就出到黎呀」

踏破鐵鞋無覓處，山齊士終於從走廊盡頭中現身



「你條仆街，出老千呃鳩人錢都算，仲要搵埋堆基佬搞鳩我？仲衰過響英超呃人工果個山齊士！」

彌生一見到山齊士就無名火起:「雖然我唔知你問吸血鬼公會既野到底有咩企圖，但今日我點都要打到你落太平洋餵鯊魚！！！」



「因為....我地一定要消滅你班吸血鬼，以報滅族之仇！！！」



「消滅乜撚呀？我都無....」



「我...係人狼！！！」


「登！」

話未說完，山齊士雙手的指甲伸長至十多厘米，攻向彌生




「人..」

彌生大驚:「人狼？！」

面對攻擊，彌生當然立即進入作戰狀態，左右閃避

「嘩屌你老母，指甲仲長過啲撩耳屎既廢老！」


「死啦！」

山齊士的速度不下如彌生，繼續以利爪攻擊


「人狼..咁熟既？」

迴避攻擊的同時，彌生憶起以前和叢雲的對話




「彌生，你知唔知道人狼既事？」


「人狼..？哦！！！！」

彌生一邊玩住電玩，一邊回應:「唔知喎，乜撚野黎？」


「根據老豆所講...『人狼』響上個世紀就已經出現，係一種有特別能力既人類」

叢雲語重心長道:「人狼既外表就同普通人類無分別，但佢地都擁有超強既力量同身體質素，仲有可以伸長，非常鋒利既爪」

「更危險既係..佢地響月圓之夜會變成好似電影果種既人身狼頭生物，四周食人」



叢雲飲口熱茶後，將事件娓娓道來

「1999年，吸血鬼公會號召所有吸血鬼，對響世界各地作惡既人狼發動左一場...獵殺行動」

「雖然人狼數量比我地吸血鬼多十倍，但由於戰鬥能力既差距，我地吸血鬼總算將大部份既人狼消滅」

「自從果次之後，人狼呢個種族就響世上銷聲匿跡..依家都只係間中出現目擊到人狼既報告」



叢雲露出臂上的狼型紋身

「至於我地呢個紋身..」


彌生搶先回答

「呢個我記得，係我地18歲果陣老豆要我地整架嘛...因為我地由細到大都未去過吸血鬼公會，佢話有呢個紋身，公會既人先會認得我地係望月嵐個仔..」


「無錯，因為老豆當年係有名既人狼屠夫，所以佢先會話整個狼型紋身比我地」

「仆街，原來就係我地啲老襯人狼！」

彌生面前不停揮動的利爪，只能閃避


「刷！」

山齊士利用距離優勢，成功擊中彌生的手臂，馬上流出血來


「嘩屌，啲指甲利到刀片咁喎！」





看著彌生陷入苦戰，智詩苦惱想著

「如果呢個時候...彌生有把槍既話就好啦...」




「石...石狗！你唔係好犀利既咩？快啲幫手啦！唔係我地都會死架！」阿玲叫道


只見石仔沒有理會阿玲，一直觀察兩人的戰鬥

「對面呢個山齊士既速度拍得住燈神，但係佢又話係咩人狼...究竟乜鳩野黎架」

「不過依家最重要既..都係救左燈神先！」




「嘿，頭先既氣焰去左邊呀？」

山齊士加快爪擊速度，將彌生逼到絕境



彌生雙臂亦已被斬中數爪

「再係咁都唔係辦法...頂硬上啦」

彌生雙臂成叉，忍住爪傷衝向山齊士



「以為可以埋到我身？天真！」

山齊士控制手上的長爪，完全不給予彌生埋身的機會



無力硬碰的彌生只好轉攻為防

「屌那星！再係咁實比佢片撚死！」


「死啦！！！」

山齊士伸出左手，準備以突刺向彌生拖出最後一擊

暗示叫暫時有啲睇唔明嘅讀者追返以前嘅故

唔係
加少少打破第四面牆既效果姐

11. 人狼


「！！！」


石仔及時出手，使出空手入白刃擋下山齊士的一擊

大難不死的彌生襯著此刻，伸出右腿，試圖將山齊士踢開


山齊士見情況有變，只好先收下殺招退後




「哇屌..條友好撚大力」

石仔對身後的彌生大叫:「燈神你又話係吸血鬼黎既，有冇辦法呀屌！」


「屌你...我用開手槍架仆街」

彌生似乎亦無對策，只好先向山齊士套料

「你隻人狼丫，究竟有咩目的呀..？」



山齊士額頭現出多條青筋

「你地吸血鬼當年對我地進行大屠殺，唔好以為我唔記得呀！」

「不過今時唔同往日，我地人狼同迪拉斯合作，好快就可以重新堀起，將你地班吸血鬼殺到一件不留！！！！」



「迪...迪拉斯！！」

知道迪拉斯的事的彌生和智詩，萬萬想不到眼前的人狼竟和迪拉斯有關係

「呀！！！！！」

山齊士大吼一聲，一股邪氣從其身上湧出



「呢種感覺....係戰鬥用納米機械？！！」



「嘭！」

山齊士猶如DC漫畫中的超人一樣，飛向彌生和石仔兩人

兩人眼見利爪刺向自己，自然馬上架著山齊士的前臂，但同時亦一同衝向走廊的盡頭



「石狗！」


「彌生！！」

智詩和阿玲二話不說，馬上跟住兩人奔跑



山齊士的爆發力驚人，幾秒就連同石仔和彌生飛出走廊，直到郵輪的圓形大堂

「嘭！！！！」

三人撞上大堂內的石柱，發出猶如恐襲一般的巨響



面對這種情況，本來正享受郵輪假期的人們亦馬上爭相逃跑

「走呀！！」

「救命呀！！！！」




彌生和石仔受過嚴格格鬥訓練，當然不會因此等攻擊失去性命


「嘩，駛唔駛快撚到咁呀！！！」

彌生慢慢站起:「隻臭人狼身上有戰鬥用納米機械，即係話佢依家既有人狼既力量，又有吸血鬼既速度..咁就難搞啦」



「呃呃呃！！！」郵輪四周馬上響起警報

智詩等四人亦終於走到大堂

「彌生！你點呀喂！」


「無事..不過..最好有把槍咁囉！」



山齊士當然也沒有給兩人喘息的空間，繼續伸出利爪攻擊

「今日一定要響度殺死你，吸血鬼！！！」


「大佬，啲恩怨都係上一代既事啦，不如忘記佢啦，大家開開心心做人就最好」

彌生一邊回避，一邊施展口遁:「你睇下，謝腎同曾江都做到fd子啦，世上無咩搞唔掂既」


「收聲！！」

山齊士撥出雙手，同時對彌生和石仔兩方狂揮


「喂燈神！條撚樣咁撚快既！」

石仔根本無法出拳反擊


「屌，都話佢裝左戰鬥用納米機械呀！」

「戰乜撚野鬥用納米機械呀！」



「放低武器！！！」

三人混戰期間，一眾郵輪保安已經衝進大堂，包圍眾人


儘管要專心迴避山齊士的攻擊，但彌生馬上就留意保安各人的手上




均有一把glock17手槍

「嘿，終於等到啦！」



「講道理都唔撚聽，係要阿叔我發火！！」

彌生先退後一步，將手放到嘴前

「你等仆街啦死人狼！TRANS AM！！！！」

「刷！」

彌生一將姆指頭咬下一口後，隨即從眾人眼前消失！



「嘩...彌生呢？！」阿紫和阿南從未見過吸血鬼的必殺技，自然覺得驚詫


「有槍同TRANS AM既話，彌生一定會贏架...」

智詩忽然大叫:「彌生！加油呀！」



一瞬間，多位保安全部發現自己手上的手槍都不見了

「喂，我地支槍呢？」




「隻吸血鬼呢？！」

山齊士和石仔都發現有點不對勁



「燈神佢..唔見左？」




「我有槍就唔同講法啦屌你！」

彌生於高速移動下停過來，手和口袋中更同時有著六把glock17手槍

「睇黎條友只係得最普通既戰鬥用納米機械，咁可以用TRANS AM打到佢仆街！」



彌生再次消失的一刻

「砰！！！」

一發子彈，打中山齊士的腹右側



但是，人狼的皮膚猶如鋼鐵一樣，子彈應聲彈開



「砰！砰！砰！砰！」

火花一路綻放，槍聲不斷響起

但在場的所有人，都捕捉不到彌生的動作

就連吃過夜粥的石仔，即使雙眼能勉強追到彌生的速度，卻未能參下一腳

「痴線..痴線！呢個燈神既速度..真係好快..」



雖然子彈未有打入體內，但山齊士仍感疼痛

「可惡...呢個就係吸血鬼其中一招既必殺技...超加速？！」

山齊士只好亂揮雙爪，試圖擋下子彈



「雖然隻人狼根本無我乎，但係佢既肌肉都好硬淨，我既子彈仲未打得入..再係咁，三分鐘內未必打得贏！」

彌生一邊盤算，一邊接近山齊士

「除非...將double tap加強，近距離同時用十幾粒子彈打入其中一個位置」



與此同時，山齊士也同時計算好策略

「埋黎啦埋黎啦，當你一埋身，我就用迴旋斬將你斬開九塊！！！」


手上只剩兩把手槍的彌生終於埋到山齊士的一米距離！



「終於黎啦！吸血鬼！！死啦！！！」

山齊士伸出魔爪，施出如魔術洪金寶一般的無限回旋！


「傻仔！你轉360度有撚用咩！」

「！」

彌生一早已經彈起，跳到空中


「你唔記得左保護你既頭頂呀！」

剛剛跳到山齊士頭頂上的彌生，用手上的兩把手槍，對準目標

山齊士的頭顱



「砰！砰！砰！砰！砰！砰！砰！砰！砰！砰！砰！砰！砰！」

十三粒子彈非常精準，同時打入山齊士的頭頂的同一位置

而彌生手上的兩把手槍亦因抵受不住衝擊力而爆開

「踏！」

彌生輕鬆落地的一下，被爆頭的山齊士亦應聲落地

地上剩下的就只在正血水和失去頭顱的屍體


掉開手槍的殘骸後，彌生對住山齊士的屍體道

「呼..我有槍既話，你拎核彈都無用呀！」



「燈神...你地呢啲吸血鬼..真係好撚快喎..」

石仔目睹彌生展現驚人的速度後，心有餘悸


「沙....」

山齊士的屍首瞬間化成一灘血水



「嘩...做咩..會咁既！！」石仔驚叫


「呢個係迪拉斯既一貫作法」

面對此情況，彌生已見慣見熟

「裝左戰鬥用納米機械既人，死後就會化成血水，好等無人可以從死者既身上查探有關戰鬥用納米機械既事」



「放低武器！！！」

彌生和石仔亦隨接被保安按到地上


「唉..好地地旅行都要撞到呢啲野，真係黑仔！」

12. 前度


日本大阪府府警警察本部


「喂！放人未呀！」

被扣上手拷的彌生不斷大叫，但卻得不到四周警察的理會


而石仔，經過整日的戰鬥，已經無心力再和彌生鬥氣

「靜少少啦屌...今日我已經夠黑仔架啦！好地地去個旅行，又比基佬搞，又比果隻..乜撚野人狼追斬」



隨後，一個警員走到六人面前

「經過調查之後，證實左....比你殺左既果個人，係一位化名叫做雷斯山齊士既國際通輯犯」

「佢一直透過經營賭場，靠控制賭局黎賺取暴利」


「屌！話左條撚樣操縱賭局架啦！智詩bb豬信我未！」


「唉得啦得啦」

智詩已經無太多閒情理會



警員吞吞口水

「依家有人擔保左你地..你地可以走啦」




「！！！」

警察一說，反而令眾人大感驚訝



「雖然我唔知道你地係咩人...但係...」

警員為眾人逐一解開手拷:「對方係個叫...IID既組織，佢地話今次可以放你地走」



阿紫和阿南摸著頭，不太明白

「IID...咩黎架？」

但IID，對於其餘四人就最明白不過





六人離開警察局時，天色已經昏暗起來

「屌！咁就比隻死人狼哂左我個郵輪假期！」彌生氣得踩地


「算啦...人冇事就得啦...」

智詩苦笑道：「你知唔知我頭先幾擔心呀，我幾驚彌生你真係會死呀！」


「乜智詩bb豬你對我咁無信心架...你比我拎到把槍，乜人都打得贏啦！啊好痛！」

觸動傷口的彌生痛得大叫


智詩馬上扶起彌生

「你呀...傷左就咪咁郁啦！」



而見財化水的阿南和阿紫，心情依然鬱悶

「唉...雖然最後都係冇事，但冇左二百萬都係有啲唔好開心...」

「唔緊要啦阿紫，我地繼續努力啲儲錢都係一樣姐...」


「啊...講起上黎...」

彌生翻開長褲內的口袋，拎出一張二百萬支票

「呢張支票，係咪你地架...」


阿南和阿紫均不相信自己雙眼，原本被山齊士奪回的支票竟在彌生手上

「...點...點解會響彌生你度既！？」



「頭先我埋個人狼身果陣搶既..」

彌生將支票交到阿南手上:「嗱，我話哂都幫你地拎返啲錢，請我食飯都得掛，好肚餓呀...」

大阪府，某居酒屋


「今次好彩有你地咋，唔係我同阿南都唔知點算」

阿紫和阿南忽然站起，對彌生等人鞠躬:「四位，多謝你地呀！」


「駛乜咁客氣丫..」

彌生吃住串燒，嘻嘻哈哈笑道:「今次幾好丫，又識到你地呢班新朋友」



「話時話，點解...石仔你都咁好打既....」

阿南好奇問:「而且，你頭先既各種反應..都唔似普通人...」



「......唉，睇黎都瞞唔到你地啦..」

石仔飲一口啤酒後，開門見山:「我以前係特工黎...」


「吓....」

一頭霧水的阿紫吞下口水，再問:「...007果啲呀？」


「算..算係啦...」

石仔摸摸頭:「不過，都好耐之前既事啦，依家全職做廢青退休」



「特工...？係咪就係IID呀？」彌生多口問


石仔點一點頭，道

「嗯，你又知既？」



「緊係知啦，果陣IID有個瞳瞳成日搵我幫佢做野架」

彌生繼續食飯:「我懷疑...今日我地放得返出黎，都係靠佢地幫手..」

「瞳......」

石仔收起輕鬆的面容:「瞳...瞳......」



「佢係咪...叫凌愛瞳呀！！？？」石仔捉緊彌生的肩膀


「鬼知咩大佬，不嬲都剩係叫佢瞳瞳之嘛，你有相既你就直接比我睇啦」




石仔抓狂般的翻查手機上的相簿

幾經辛苦，終於找到手機上的一張照片

「係..係咪佢？！」



當年畢業聚餐表白後，石仔和瞳瞳的合照



「係啦，就係佢，咦瞳瞳從前都幾純喎....乜石仔你都識佢架」





「佢係我從前既女朋友」

石仔多女

真正成為情侶都係得瞳瞳同阿玲姐

玲奈

樓煮多仔

唔係加藤玲奈喎

你咪我其中一個