45 Like
1 Dislike
娜
2019-10-28 13:39:58
小妹非gay lo
power_off
2019-10-28 14:38:44
西野七瀨
2019-10-28 14:39:17
點解睇唔到你打咩
西野七瀨
2019-10-28 14:40:04
正常果陣超pure
但依家間中神神化化
西野七瀨
2019-10-28 14:40:29
死人妖
娜
2019-10-28 15:54:46
小妹絲打
西野七瀨
2019-10-28 18:23:14
扮
娜
2019-10-28 18:49:09
娜絲打
西野七瀨
2019-10-28 19:50:34
切啦人妖
西野七瀨
2019-10-28 19:50:58
2.13 下個目的地
眾人先望一望石仔的現任女友阿玲,但阿玲卻未有太大反應
石仔吸一口氣,道出自己的故事
「我同佢係中學同學,我一直都...對佢有啲好感」
「grad din果一晚我鼓起勇氣向佢表白,而佢..亦都應承左」
「後來佢入左中大,我就要讀asso兼且做特工的工作,我地兩個就越走越遠」
「到最後我仲因為一啲小事而同佢嘈交,之後佢仲比班恐怖分子捉左」
「雖然我最後係救返佢,但係..我同佢既感情...都返唔到轉頭啦」
「後來我同阿玲都只係見過佢一次,果次之後..我就再搵唔到佢,電話都轉埋」
石仔講畢自己的往事後,望向眾人,但
「咕.....咕.......」
五人竟不知不覺睡著
「屌!訓乜撚呀!尊重下得唔得!?」石仔從回憶的苦澀中醒來,痛罵眾人
「sorry囉..眼訓得濟」
彌生問:「即係話..瞳瞳..係因為石仔你先入IID?」
「咁我都係推斷既姐..不過世事邊有咁巧合丫」
石仔反問:「咁你地有冇瞳瞳既聯絡方法呀?」
「無啦...依家我同我大佬無幫佢做野,都無再聯絡囉..」
彌生奸笑一聲:「你講呢啲野,唔驚阿玲呷醋既咩?」
西野七瀨
2019-10-28 19:51:13
「邊得閒呷佢醋!我有翼仔就夠啦!」
阿玲馬上跟阿紫和智詩分享阿翼的相片:「你地睇下,呢個就係我男神翼仔呀」
「嘩!好靚仔呀!!!」
「雖然真係好可愛,但係..都係阿南好啲!」
「搏埋條命救你,轉個頭又對翼仔發姣,屌你老味...」石仔只能苦笑
「從你頭先果個緊張表情睇得出..瞳瞳真係對你好重要架喎」
「如果佢真係因為我先做特工既話,咁..就係我害左佢一生...」
「咁又唔好咁講...佢係聰明女黎架,一定有思考過先至做呢個決定」
彌仔點起香煙:「食唔食?」
石仔搖搖雙手
「會傷身,不了」
彌生吸了一口煙
「總之有佢既消息,我就會搵你架啦...但係有件事,我唔知應唔應該講你知」
「咩事?」
「你地頭先應該知道,吸血鬼可能透過救人黎搵眷屬既」
「嗯,你比左我地睇啦,孤獨兄弟第一季」
「瞳瞳佢...似乎係人地既吸血鬼眷屬」
西野七瀨
2019-10-28 19:58:20
「眷..眷屬!?」
阿紫問:「即係話...果位叫瞳瞳既女仔,曾經差啲死?!」
彌生慢慢點頭
「我估係啦...如果從科學既角度去講,我估我地吸血鬼既血應該有啲好勁既白血球定紅血球,可以令人既器官恢復」
「只不過叫得瀕死,就應該係生死邊緣啦,所以先會得返咬人呢個方法啦,不過點解咬完就輸到血..就真係唔知啦」
聽過彌生的講解後,阿玲不禁道
「估唔到呢個世界真係有好似彌生呢啲...唔係正常人既生物架喎...」
「嘻嘻,但係除左呢種能力之外,我地吸血鬼都係同正常人類一樣既」
彌生聽到後卻沒有生氣:「所以..我估瞳瞳可能曾經遇過危險..不過詳細都係問返佢先知既」
知道瞳瞳這個消息後,石仔憂心忡忡
「嗯...」
「唉放心啦石仔,總之依家瞳瞳都叫無穿無爛丫!」
彌生拍拍石仔的肩膊:「不過我地應該先要諗一樣更重要既野」
「係咩呀?」阿南問
「我地依家應該去邊度呀?」
彌生解釋:「要返去香港既話,最近就應該係關西機場...」
「嗯,咁我地聽日去買機...咦?」
阿紫發現到居酒屋牆上,正貼著一張廣告單張
西野七瀨
2019-10-28 19:58:36
「係....大阪天神祭?」
居酒屋的老闆見到阿紫正望住單張,也走過來以日語搭嘴
「兩日後就係日本三大祭之一既天神祭,我睇你地都係外地黎架啦,難得黎到就去玩下啦!」
懂日文的彌生馬上回應
「あ!いいね!」
面對熱心的老闆,阿紫只能問彌生
「...其實呢,我唔識日文架,老闆佢講咩呀..?」
「老闆話,呢個係日本三大祭之一既天神祭,叫我地去玩下喎」
彌生向其他不太懂日語的各位講解:「我印象中...除左有平時見到祭典果啲野之外,仲有煙花睇..」
阿紫聽畢後非常期待
「好似好吸引咁喎,阿南,不如我地都去囉!」
「嗯!但係...阿紫你唔駛返去補課咩?」
阿紫扁一扁嘴
「我決定左啦阿紫,我...要辭職啦!」
「吓!做老師唔好咩...咁高人工」
阿玲聽到後一臉錯愕
西野七瀨
2019-10-28 19:58:50
「唉,阿玲你唔明架啦,做中學老師好慘架,我又要做級主任,又要輔導埋佢地啲升學就業,晚晚返到屋企都要改功課,今次都係襯暑假啲補課未開始先放到假咋...仲有呀,啲死廢老教畜一味剩係識卸膊,啲豬頭骨比哂我食!講起就扯火啦,果個老女人訓導成日話我點點點縱啲學生喎,又話見到我同阿南拍拖,叫我地唔應該響街拖手喎,你自己無人要就收聲啦,我都忍得佢耐啦!仲有呀...」
石仔在阿南耳邊道:
「你條女都幾好火架喎..」
只見阿南一臉無奈地點頭
「呃..少少啦...哈哈,不過既然阿紫都咁決定,我點都會尊重佢既」
「咁又係呀,你地依家都拎左咁多錢啦,退休都得囉」彌生放下香煙
「咁石仔同阿玲呢?」
智詩再轉頭問石仔兩人
「冇所謂啦,反正我都諗住返左香港先算」
「返到香港一定要第一時間揾翼仔,嘻嘻」
「發夠姣未呀你...」
「其實你地兩個唔係拍緊拖既咩...點解仲可以咁啫住對方呀?」
彌生放下香煙:「好心就誠實少少啦,係真係唔鐘意對方就唔會到依家都一齊啦,係咪先」
石仔和阿玲互相對望
「...哼,邊個得閒鐘意你呀!」
「唉,真係比你地吹鳩脹...」
彌生邊吸邊道:「今晚就求其搵間酒店抖抖先啦,過幾日去埋天神祭先再返香港啦」
死裡逃生的六人,總算訂下之後的目的地
娜
2019-10-28 20:15:34
有鳩絲打
高橋朱里
2019-10-28 20:45:12
😰
西野七瀨
2019-10-28 21:41:34
不安
西野七瀨
2019-10-28 21:43:27
😕
西野七瀨
2019-10-29 22:56:38
14. 金魚
兩日後,天神祭的現場
下午六時,大阪天滿宮附近的街道早已經逼滿男女老少,一路上水泄不通
真不愧為日本三大祭典之一
「嘩,呢條女正喎!」
「睇下呢個,對波咁撚大都有既!」
身穿浴衣的彌生和石仔正在橋邊觀賞來往的美女,一路評頭品足
「喂,你地兩個明明都有另一半架啦,點解仲可以狂咁睇女仔既?」對阿紫十分專一的阿南對此疑惑,不禁問
誰知,彌生竟一點臉紅也沒有,還答
「嗱,阿南,我呢啲呢,就唔係叫昅女,係欣賞女仔姐!查實我真正身份係一個美女品評師黎,專睇同評價啲女仔既!」
「美女品評師...咁既野都講得出口既..我就拎正牌昅女既」
石仔一於懶理,繼續尋找美女
「石仔,你都算口不對心喎」
「...乜呀?」
彌生笑道:「你明明好著緊阿玲既,點解你係都要扮到好唔care佢咁呢?」
「....你理得我丫,總之唔駛對佢好!」談起阿玲,石仔一味口硬
「喂阿南,你睇下果條女!成個麻倉優咁呀!」
「喂!!石仔,唔好教壞阿南丫!」
等待多時,阿紫、智詩和阿玲三人終於換好浴衣來到
西野七瀨
2019-10-29 22:56:50
「嘩..阿紫你....」
阿南對住身穿水藍色浴衣的阿紫目不轉睛
被男友這樣望住的阿紫,不禁感到少許害羞
「咦..係咁望住人架,乜同平時好唔同咩?」
「少少咁啦,因為未見過阿紫你著到咁姐...好靚...」
「口花花啦!」
「正呀,智詩bb豬你著浴衣好正呀...好想即刻揸你對波呀!」
好色的彌生馬上抱住着住紅浴衣的智詩,更想大庭廣眾下對智詩上下其手
「走開啦!死人彌生!」
但即使智詩怎樣推開,彌生仍然捉緊智詩不放
至於石仔和阿玲,馬上已經針風相對
「搞咁鬼耐,咪又係咁既樣」
「哼,你自己唔識分姐,又話無分別!」
暗暗望住兩人的彌生,馬上對阿紫做一個眼色
一小時前
「喂,阿紫,一陣幫幫手丫」彌生拉阿紫到一旁
阿紫不太明白
「幫手?幫咩手呀?」
「石仔同阿玲呀」
一講,阿紫才晃然大悟
「哦..我明啦,你想比機會佢地兩個獨處!」
「無錯啦!」
「嘻,咁緊係得啦,一陣我同你襯人多,扮同佢地分散啦!」阿紫已經可以直接提出計劃
「掂呀!就咁話啦!」
西野七瀨
2019-10-29 22:58:54
阿紫馬上牽住阿南
「阿南,我地入去囉!」
「嗯!」
阿紫和彌生故意走向人潮
「阿南!我想去睇果個攤檔呀!」
「智詩bb豬,不如佢果邊丫!」
兩人各自拉着另一半在人群中穿插,使石仔和阿玲難以跟上
「喂,阿紫..等埋我呀!」即使阿玲不停叫喊,阿紫似乎也聽不到
街道上的人實在太多,轉眼間四人已經在阿玲眼中消失
「喂..搞錯呀.....自己走左去咁過份既..」
阿玲馬上取出手機撥打,卻似乎未能接收到信號
「唉仲要搵唔到佢地..」
石仔也不禁感到生氣
「仆街燈神,淨係掛住條女..」
兩人互望對方
「嗱,唔好以為我好想同你單獨相處呀!」石仔率先澄清
「...車!我夠唔想咯!死..死石狗!」
沒有電話訊號,石仔和阿玲已經勉為其難,一同尋找兩人
「都唔知個燈神佢地係咪特登既...整個咁既機會比我同個八婆單獨相處....」
話雖如此,但石仔總不可能放下阿玲不顧
「你記得keep住contact佢地喎,唔係既話我地有....喂!」
石仔回頭之際,卻發現本應在身旁的阿玲竟走到街道上的一個攤檔