【阿白與游智詩】孤獨兄弟twilight

332 回覆
45 Like 1 Dislike
2019-10-19 00:19:10
4. 老虎機



「三邊!三邊!三邊!屌又輸!!!!」

彌生氣憤地將牌掉到賭桌上


「又輸啦彌生!話左唔好賭啦!」

智詩怒道:「上次你又話唔再賭,睇下,又輸左十萬啦」



「咁我上次既意思係唔賭老虎機姐」

彌生拍拍智詩的小頭:「智詩bb豬信我,下鋪一定贏!」


「哼,仲講咩bb豬丫,你眼中得果個天塚萌之嘛」智詩不受彌生的甜言蜜語迷惑




「咦,原來果邊都有香港人...」

阿玲指住彌生兩人的賭桌


「佢地玩緊話事啤喎....咁我都去同佢地玩兩手啦」

石仔已經磨拳擦掌,準備大賭一番


「咁我同阿紫玩下老虎機先啦,一陣見啦」

「嗯,好呀」
2019-10-19 00:19:56
「石狗,佢地係咪傻架...賭場老虎機都好玩既?出左名贏左唔認數架喎」

兩對情侶道別後,阿玲忍不住問


「話鳩知佢啦,總之到時阿紫輸哂啲錢既話,我咪...嘿嘿」


「哼,石狗你成個腦都係性幻想!」

「你咪又係日日諗住翼仔!」




「嘈完未呀,賭緊錢呀!」

輸掉不少的彌生心情本已不好,聽到石仔和阿玲爭吵後更加生氣


「關唔關你事呀?輸好多呀?」

當然,石仔和阿玲也不是膽小鬼,馬上反擊



彌生身旁的智詩想平息此事

「算啦...好少事姐..」


「小事?!條撚樣咒我輸呀!」

彌生擺明車馬挑釁:「夠薑就黎同我賭!」


智詩大感無奈

「咁你事實真係輸緊喎...」



「好呀..駛怕你咩!」

石仔和阿玲坐上賭桌前,將一個個籌碼放到桌上
2019-10-19 00:20:39
「two pair!」

「三條!」

「蛇!」

石仔連贏三場,士氣如虹


「yeah,又贏啦!」石仔和阿玲擊掌歡呼




「痴撚線!有無可能呀!你出千!!!」彌生輸得失去理智



「出你老味,我人品好,牌品自然好!依家連個天都幫埋我呀!」
石仔囂張地挑釁




「連個天都幫埋你呀?!你就想呀!!!!!」

彌生青筋暴現:「我話你聽!你今日贏既機會..係零呀!!!!!!!!」


「你都輸左幾十萬啦...不如算啦」

身旁的智詩已經看化




「連智詩bb豬你都對我無信心?!」

彌生大吼:「今鋪我同你show hand!!!一鋪過!!!!!」


「show hand...哈哈哈!你傻撚左呀?」

石仔聽到後傻笑:「你得返一個籌碼同我講show hand?你玩撚飽佢啦,我走先啦bye!」






「啊!!!!!!!!中左呀!!!!!!!」

賭桌既左側,卻傳來更大聲浪的尖叫


叫聲吸引整個賭場的賭客前去觀看



三個7字,顯示於老虎機上



「係...阿紫佢地兩個?!!!」
2019-10-19 00:25:56
有文 感動
2019-10-19 00:34:36
2019-10-19 03:00:52
訓前一推
2019-10-19 10:44:07
2019-10-19 10:44:26
今晚再出
2019-10-19 10:55:32
新故留名
2019-10-19 11:04:34
2019-10-19 13:26:15
歡迎
2019-10-19 13:26:25
2019-10-19 13:47:12
留低負皮
2019-10-19 17:22:46
加返角色圖啦
雖然都仲記得邊個打邊
2019-10-19 17:26:24
岩岩睇完一齊住 睇黎有排追故
2019-10-19 20:12:25
主要人物簡介

望月彌生
24歲,吸血鬼,為人下流無恥,擅用槍類等熱兵器

游智詩(智詩bb豬)
23歲,彌生的女朋友,兩人多次出生入死


石至磊(石仔)
23歲,前特工,縮骨卸膊,精通各種格鬥技

曾慧玲(阿玲)
23歲,石仔的女朋友,和石仔經常鬥氣


鍾尚南(阿南)
23歲,廢柴一名,和慕容光晨合作經營「無敵私家偵探社」

王紫莉(阿紫)
23歲,英文教師,阿南的女朋友
2019-10-19 20:12:56
整左啦

btw其實男既我都有諗,但唔貼了
2019-10-19 20:13:34
多謝支持
2019-10-19 21:45:09
5. 山齊士


「係777呀阿南!!!!中左呀我地!!!!!!」

「咁我地今次真係可以嘆世界啦!!」




「石狗,佢地真係中左喎..」阿玲驚訝道


「車,中有幾難姐,佢認唔認數先係問題姐!」石仔冷冷回應



不久後,就有多名身穿西裝的職員上前

「兩位唔好意思,頭先老虎機系統正響度更新緊,頭先果鋪既結果作廢」帶頭的賭場經理冷冷道



「吓?咁都得?!」

「有冇搞錯呀,依家輸打贏要呀?」

阿南和阿紫聽到後當然不滿,怨聲載道



「嗱都話架啦,邊有賭場會認數架,只要佢話部機有問題就乜都得」石仔道



「喂,咁即係明呃錢姐,我地返到去報警架!」
2019-10-19 21:45:27
「報警?!」

多個健壯的保安湧出,將兩人重重包圍


阿南馬上抱緊阿紫,生怕自己的女友被傷害

「依家做咩呀?人多蝦人少呀?」




「你地唔想比人掉落海既,咪繼續囉,哈哈」賭場經理奸笑道




「屌你老母丫!!!我終於知點解係咁輸錢啦...原來就係你地班撚樣操縱賭局!黑鳩我啲錢!」

說出此話的,正是人群之中的彌生


「邊關事呀...係你根本唔識賭錢姐...」智詩自言自語




「先生,請你講野小...」


「還我血汗錢!!!!」

沒等到經理講完全句,彌生已經一拳將他轟飛到老虎機前



「丫,呢個水魚又幾好打架喎」石仔心想





經理執起飛脫的眼鏡

「...郁..郁佢!」


收到指令的保安們同時拔足揮拳,衝向彌生
2019-10-19 21:45:42
「太慢啦」

擁有吸血鬼能力的彌生輕鬆避過


於迴避的同時,亦向眾保安送上一掌,足以將其擊暈



望住此等速度,石仔眉心一皺,心想:「呢個人..快得有啲唔正常」




彌生將經理拉起

「呃鳩我啲錢仲咁串,你今日唔還返啲錢比我我就同你拆船!!!!!」



「嘩,你條仔都幾痴線架喎...」阿玲對身旁的智詩道


「...唉....」智詩只能苦笑





「停手」


「邊撚個!」



一名著燕尾服的高大金髮男,出現到眾人面前



「我叫山齊士,係呢間賭場既負責人,請問咩事呢?」
2019-10-19 21:46:35
「我同我女朋友響老虎機度中左獎,但你地唔肯比獎金,仲搵幾個保安黎兇我地喎」阿南叉起雙手



「...咁好簡單姐」

面有少許難色的山齊士從口袋中取出一疊支票,並於最上的一張填下銀碼


「呢張二百萬美金既瑞士銀行支票,係你地既獎金」


「頭先我地既經理冒犯兩位,我代佢向兩位道歉」



「哼...」

阿紫不服氣地取起獎金





「咁呢件事就咁算啦,大家都無謂追究啦...各位繼續玩得開心啲,贏多啲錢」

山齊士正想轉身離開之際,卻被彌生喝停



「贏你老母!」

彌生已經向住山齊士拉起拳頭


「先生,請你...」


「砰!!!!!!」




「咩話...?」


山齊士竟能一手捉住彌生的拳頭





「!!!」

彌生感覺到,一種奇怪的氣場
2019-10-19 21:46:51
聽日休息一日
2019-10-19 23:26:48
g chi
2019-10-20 02:06:18
你放心 我都係會儲文睇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞