【阿白與游智詩】孤獨兄弟twilight

「登！」

維迪爾右手用力，剛好捉住彌生手上的鋸刀！


「！！！」

原本，TRANS AM狀態下的彌生，其傲人的速度理應不是戰鬥用納米機械能追上

但數日前與山齊士一戰中的傷仍未完全痊癒，狀態只有7成！



彌生動作一時間停下了數毫秒，但


維迪爾另一隻手的利爪已經準備刺向彌生！！

上一篇石仔咁型嘅

大學武鬥傳寫得佢太鳩
係時候要型返了！

依家出

18. 屠狼神功


「颯！！！」

另一方面，石仔和安傑洛的戰鬥亦進入白熱化階段


身上已有數處傷痕的石仔，依然以氣功作戰

「終極黃金斬！」

氣勢雖不及爆裂神掌，但這擊仍仿佛將周遭的空氣撕開一半


「！！！」

安傑洛及時避過殺技，接以右爪襲向石仔的左手虎口



「阿修羅閃空！」

石仔不慌不忙，左腳轉動，猶如芭蕾舞一樣轉到安傑洛的身後


「咩..咩話！」

安傑洛的身軀背對石仔，根本來不及轉身還擊！



「你大獲啦！爆裂神掌！！！」

「你就想！」

爆裂神掌正要擊中安傑洛的後腦之際，安傑洛及時向前踏出大步


這一來兩人的距離又再拉開


「哼..可惡」

「趕唔切轉身..咪拉開多啲時間轉囉！」

爆裂神掌打個空，就輪到安傑洛反擊

「登！登！」

安傑洛的一雙利爪刀光劍影，石仔一時間不能還擊

「等佢右手使出刺擊既時候，就一野收佢皮！」


安傑洛越攻越快，但同時進攻章法亦開始變亂

石仔睇準機會，使出空手入白刃！



「仆街啦你！！」

早已運勁的石仔，以過背摔將安傑洛撻到地上，威力之大更令地板裂開


「零距離爆裂神掌！」

在毫無迴避的空間下，安傑洛硬硬吃下掌聲



「啊呀！！！」

鮮血馬上從其口中吐出，不過...！


「咁就想殺我？無咁易！」

安傑洛雙眼發紅，冷不防對石仔下身出手


即使石仔曾受武術訓練，但對盲眼位的攻擊實在是無計可施

安傑洛的利爪刷中石仔的左大腿，令石仔退後數步


「哇屌好撚痛」

「仲未完呀！」


安傑洛以蜈蚣彈跳起，從半空對石仔發動攻擊

「奇怪...佢突然間快左好多！」


一瞬間，石仔已經中下多爪


「頭先你唔係好得戚既咩！還拖丫！」

普通人類，根本無法追到跟上戰鬥用納米機械的速度

「有左戰鬥用納米機械...你根本唔係我既對手！！！」



「戰鬥用納米機械...燈神好似有講過呢個字...」

但現在石仔已經無暇再想，因為



安傑洛的爪，已經殺到石仔的身前


「無辦法啦..同佢搏命！」



石仔竟然，完全無任何防備

任由利爪刺進自己上腹！！！！




「咩..咩話....！！」

這一著完全超出安傑洛所想


「啊呀呀呀....」

石仔痛得大叫，但同時亦笑起來:「咁樣..你就無得走啦！！！」



將一早儲起的氣於雙手發放，石仔的雙掌同時朝著安傑洛的頭顱攻下去

「爆裂...神掌！！！！！！」




「嘭呀呀呀！！！！！！！！！！！」

兩記爆裂神掌同時直轟安傑洛兩邊的太陽穴，簡直就要將他的腦袋打成粉碎！


「啊呀呀呀！！！」

安傑洛被氣逼得七孔流血，氣數已盡！

「嘭！！！」

但同時，兩股氣衝撞而引發的反作用力，令石仔飛開




「嗚...啊呀呀呀！！！！」

傷口一路流血，使石仔不斷痛叫


這樣程度的傷，令石仔回想起

三年前，為救前度瞳瞳而中槍的痛楚


.............

「哈哈哈!你真係傻仔黎架喎..為左呢個女人可以連命都唔要」

「..因為瞳..瞳瞳就係我既全部,我唔可以比佢有事」

.............




「石仔！！！！！」


阿玲不理一切，奔到石仔處！


「石仔！石仔！！！！」

由剛才起，阿玲已經不自覺地叫著「石仔」這個名字


「丫你個衰婆...唔叫我石狗啦咩...」

石仔繼續笑道:「希望..今次都唔會死啦...」


害怕得流淚的阿玲，慌忙用浴衣的袖子，掩住石仔的傷口

「蠢..蠢材！你點會死呀！」


「係啦...」

石仔取出褲袋裡的線香花火:「呢包滴滴金..燈神比我架...我..想同阿玲你玩...」



「..嗯！嗯！我都會呀..石仔....！！」

「咁我..就放心啦...」

石仔慢慢閉上雙眼，猶如彌留之際一樣



「石...石仔！！！石仔呀！！！！！」

阿玲淚線缺堤，一路流到石仔的臉上


「唔好..唔好呀！！！唔好死呀！！石仔！！！！」



「..嘻...」

此時，石仔竟發出笑聲:「格格格格......」


「哈哈哈哈..我玩你咋衰婆！我有你老豆教我果啲氣功，點會咁易死呀！」



「你..扮死嚇我！！？？」

阿玲馬上收起淚水，揮拳打向石仔:「死石狗！呃我！！」



「喂！我傷者黎架屌！！仲打....不過...」


「燈神呢？」

樓煮同大隻佬玩滴滴金

19. 拓也....？


維迪爾的利爪已經來到彌生的頭上，大概一秒後就要斬到彌生處



「死啦吸血鬼！」彌生的命，維迪斯已是志在必得！


「彌生！！！」智詩驚得大叫



「登！」

人狼的爪，竟然無斬中彌生


「咦....」

不單止彌生，就連智詩、甚至維迪爾都無法相信




拓也...一手捉住維迪爾的利爪




「拓也哥..」

本應在頭痛的拓也突然救自己一命，彌生一時間也反應不切


而小櫻，卻一直呆著

「...拓..也....」


小櫻回望起剛才的一刻

正頭痛的拓也猶如變成另一個人般，閃到彌生面前


一切，都無法令小櫻相信，更無令小櫻安心

於維迪爾面前的拓也，臉如死灰

就如...失去自我的殺人機器一樣



即使緊握利爪的手掌不斷流血，但拓也仿佛已經忘記了痛楚

拓也用力一扭，竟能將維迪爾引以為傲的利爪截斷！



「咩..咩話...」

維迪爾驚訝之際，亦慢慢憶起

「呢個人又識得感應人狼既氣場，仲有咁快既速度...」



「唔通...！」


下一秒，拓也已經揮出拳頭，將維迪爾打到地面上


「！！」

維迪爾失去右手的利爪，只好以左爪作反擊，期望能先將拓也逼開


但拓也一早已經看透他的動作，向左擺動身子避過穿刺，更一手捉住維迪爾的左臂


「颯！」

拓也對住維迪爾的臂上砍下手刀，力度足以將他的手臂打斷！



「啊呀呀呀！！！！」

維迪爾在劇痛下，終於想起....




「我...我記得啦！」

維迪爾咬緊牙齒，道:「你...就係當年...果個阿伯所整既...實驗品！！！！」





「！！！」

這一句，觸動了小櫻和彌生等人的神經

「實...驗...品.....」

「哈哈哈..講到尾，你都係人狼！不過只係隻無爪既狼！！！複製品！！！哈哈哈哈！！！」



拓也懶理維迪爾，拔起斷開的利爪，刺向維迪爾的心房！

「刷！！！！！」


拓也氣力之大，足以一擊就將人狼原來連子彈都打不進去的皮膚刺穿！


「刷！刷！刷！刷！刷！刷！刷！刷！」

拓也如發瘋似的，不斷將維迪爾的軀體刺穿！！！



「拓也哥佢..到底發生咩事呀....」即使是身經百戰的拓也，也看傻了眼




「拓也....」

此刻的小櫻，只想原本的拓也回到自己身邊



「拓也！！！！！你醒下啦！！！！！！！」




聽到小櫻的聲音，拓也停下對維迪爾屍體的侮辱

「小.....」



拓也雙眼變回澄明，仿佛重新取回知覺般

「小....櫻......」

拓也似乎回復原來的意識，但隨即也倒下


小櫻二話不說，撲到拓也的身邊

「拓也！拓也！！」



「拓也哥佢...究竟發生咩事呢...」

彌生憶起剛才拓也如瘋犬般將維迪爾殺死，心有餘悸


「頭先既拓也哥，直頭散發出比納米機械更強既邪氣...」

「但係明明之前見佢..係從來都冇任何唔妥....」

「踏踏踏踏踏.....」


幾十個特種部隊衝上運河城內，包圍住眾人




「嘩..乜搞成咁大劑呀...」

一名白髮中年從裝甲兵中慢慢走出:「彌生，好耐無見啦」



「發..發叔？！」

彌生又驚又奇:「點解你會響度既？」


「收到消息，你隻馬騮尋日響郵輪度搞事嘛，咪過黎睇下囉...咦....」

發叔眺望到遠處，正依靠住阿玲緩緩過來的石仔

「你....石仔同阿玲！！！？？？」




「....Boss！！！！！」

石仔見到自己的前上司發叔，笑逐顏開:「喂你個死廢中，未死得既！」


發叔也忍不住和石仔閒聊

「你就死！我不知幾健康呀！你睇下你丫，打到成身血咁樣衰呀哈哈！」


「無計啦，頭先果隻人狼好撚勁呀屌...」




「....」

一說起「人狼」，發叔面色一沉


「彌生...呢個就係我特登黎搵你地既目的」

聽日大結局

「拓也哥佢..到底發生咩事呀....」即使是身經百戰的拓也，也看傻了眼

ok

咁快大結局

跟著有下個故未

樓煮與大隻gay佬的故事

咁快又結局..
救國同大學武鬥2幾時出

今個故用黎入phase2

又屈