【on9+武術+甜】大學武鬥傳(2)

1002 回覆
60 Like 3 Dislike
2017-03-06 15:01:46
18.


「呼....沖完涼舒服哂~」

抹住濕潤秀髮既薰姐姐行出浴室,卻眼見軍浪響自己既面前





「咦?點解軍浪你響度既?」



軍浪直接講出自己既目的

「阿薰...請你教我..皇極驚世拳第三式」



「皇....」

薰姐姐愕然一下:「係..老豆講架?」








「嗯...我下星期日就要同徐霸天打....冇第三式既話,我一定會輸」

軍浪接住道:「個老野話...你係皇極驚世拳咁耐以黎最強既人」




「果個老豆丫...講咁多野架」

「但係...要響13日內學識第三式,難度非常之高」

薰姐姐道:「過程會好辛苦,如果你係有資質既話,13日就啱啱好,相反無資質既話,學三年都冇用..」




「我唔怕...」軍浪決心十足

「只要可以幫我地杜家出一口氣,我咩都可以」
2017-03-06 15:02:30
===================================================



翌日


「哥哥...咁樣得唔得架...」

「緊係得啦,果陣宿生會會長、學生會會長都係咁比我捉到痛腳架!」

楊能同小聖跟蹤住由宿舍前往城大既billy





「喂billy隊長快d丫!等你咋!」

「黎緊!!」billy除下外套,跑入籃球場練習




「練波...好正常咋喎...」小聖悶悶不樂道






billy同隊友練完波後,就一齊去又一城食午餐


楊能眉頭一皺

「冇理由既冇理由既,城大既男人十個有九個都鐘意四圍溝女架喎...」


「哥哥...不如走啦,我仲有堂要上架........」

楊能搖搖頭:「唔得既..點都會有痛腳既...」





終於,楊能期待既畫面出現了!



跟隊友道別後,billy去到又一城既戲院

billy拖住一個樣貌娟好既女生,一齊買票





「fuck yeah!!好彩佢有女朋友既姐!」楊能奸笑道:「小聖,快d影低佢兩個!」

「...哦!」小聖聽話地用手機拍下兩人




「嘿嘿,就算呢個billy想一船踏兩船,我都可以用呢幾張相做證據啦!」

楊能自鳴得意:「依家咁既情況,我得手真係100%既波啦!」
2017-03-06 15:03:12
「不過..哥哥你咁樣起人底,好似唔好幾好咁喎..」


楊能奸笑:「怕咩呀,我地hall果間大房同武術學會soc房都係靠我用黑材料要脅先有之嘛...」








「楊能」


nami...竟然出現響兩人背後

「你...我頭先咩都聽到哂啦,原來你一直都鐘意咁樣..要脅人」




「nami...你...我..」

楊能眼見此境況,嚇到解釋唔到





「billy同我係朋友黎咋!」nami皺起眉:「我最憎你呢d...專搞小動作既人...」




nami想跟轉身離開,卻被楊能拉住

「唔係呀...我只係想...」




眼泛淚光既nami甩開楊能既手

「你..好卑鄙,我以後都唔想再見到你」





「nami呀......」

nami慢慢響楊能既眼中消失




「哥哥....」

小聖唔知道應該講咩,只能待響楊能身邊




「無啦..無啦....molamolamolamolamolamola.....nami呀!!!!!!」

楊能一個大男人,響戲院門口跪地痛哭



「我同nami...無啦.....!!!」
2017-03-06 15:03:55
=========================================


三十分鐘前




「鈴鈴鈴鈴鈴鈴」

手機鈴聲將阿翼嘈醒


「嘿....石仔?做咩呀?」

「我上youtube睇左王天祐之前比賽既片啦,你過黎我度丫!」

「但係...我岩岩起身咋喎....最快都兩個鐘先黎到」

「我響你地宿舍樓下啦!快d落黎啦......時間緊逼!」

「哦.....」





「時間緊逼...?咩意思呀..」

阿翼環顧四方,先發現全屋只係得返自己一個

「佢地...呢...?」周身瘀傷既阿翼捽捽眼:「算啦...快d落去先」






阿翼落到樓下,石仔早已響車中等待

「翼仔,訓左教,d傷好返d未呀?」



阿翼上到車上

「嗯..好好多啦..點解頭先你會話...時間緊逼既?」





「因為...呢個王天祐,實力應該可以拍得住我同楊能,唔教你d野你一定輸」


「咁...咁犀利?」阿翼摸摸頭:「不過..依家我..真係冇同佢打既理由....」




石仔鼓勵住阿翼

「翼仔唔好咁講,你諗下,因為呢個比賽,你識左我同性奴,又成功突破自己心理關口...」

「你唔覺得,武術令你自己重生咩...?」



「重..生?」

阿翼回想自己過去既人生,的確係苦澀無味

直到入到大學,識到小聖、楊能佢地呢班真正既朋友,一直鼓勵佢,關心佢




阿翼先覺得,自己呢兩個月,比起過去十幾年加埋,快樂一百倍!





石仔睇住倒後鏡既阿翼

「嘿....你答左你自己,就得啦」
2017-03-06 15:04:39
私家車只用半小時就駛到大宅


兩人一入屋,阿玲就撲向阿翼

「翼仔~~~!」




「阿玲...你攬得我好大力呀...」


「哈哈,唔好意思呀~」阿玲摸住阿翼既傷處:「翼仔,你d傷好返d未呀?」

「好...好好多啦」




「咕~~~~」

阿翼既肚腩發出巨響


阿玲捉住阿翼雙手:「翼仔肚餓呀?我整意粉比你食丫!」

「好...好呀....」



「咪嘈住先啦性奴!」石仔少有地認真:「翼仔,我比左王天祐比賽片你睇先丫」

「哦....」



「死石狗,阻住我同翼仔!」






阿翼一邊食住意粉,一邊同石仔睇住比賽影片



「fight!」


「呢場係上年世界大學生武術大賽既八強,當時王天祐既對手係用巴西柔術既高手拉斐爾」




拉斐爾不斷埋身,試圖將王天祐擒下

但王天祐雙手速度奇快,拉斐爾根本無從入手



「王天祐既四肢又快又靈活,柔軟度足以同瑜珈好手相提並論」
2017-03-06 15:05:40
「呀!!!」

拉斐爾終於找到一小空隙,快手擊往王天祐既腋下




「砰!!!!!」

本以為拉斐爾得手,但王天祐竟以反手使出空手入白刃,擋下攻擊



右手被挾制,拉斐爾只好用雙腿進攻

雙腿夾住王天祐既雙手




目前既情況,的確係對拉斐爾有利

空出一隻手既拉斐爾以手刀,砍往王天祐






但,奇怪既事卻發生了

「王天祐佢...消失左既?!」阿玲大叫




「佢...呢招叫無想轉生...全身放鬆,只用氣黎驅動身體,從而令自己既迴避達到最高速,而且仲可以破解鎖技」




王天祐以無想轉生閃到拉斐爾既背後


「睇小我?!」

拉斐爾雙手成爪,兩方進攻






王天祐合起雙眼,似乎係開始運氣


「邪王...煉獄拳!」

王天祐雙掌集氣,竟形成火光!


火焰遍佈一雙前臂,跟拉斐爾對轟!!!




「轟轟轟轟轟」

王天祐既火拳非常霸道,不但被拉斐爾打上看台,拳風仲將擂台震碎!






「就係咁啦...呢個王天祐係由細訓練到大既用氣高手,我同楊能或者都只可以同佢打成平手」









「不過...世事無絕對既,呢十幾日我會教你...我最強既必殺技」



「爆裂神掌」
2017-03-06 15:18:37
無想轉生
2017-03-06 15:28:44
留名
2017-03-06 15:33:53
明明石仔就係特工黎 又會變到武鬥家
2017-03-06 15:42:38
無想轉生

北斗之拳
2017-03-06 15:42:48
留名

tmac
2017-03-06 15:43:18
明明石仔就係特工黎 又會變到武鬥家

唔駛做特工之後,食飽飯冇屎屙
2017-03-06 16:05:19
2017-03-06 16:13:42
有文睇
2017-03-06 16:15:29
依家先開po
2017-03-06 16:19:50
有文睇

2017-03-06 16:20:14
依家先開po

諗住有文先開post好似好d
依家後悔了
2017-03-06 16:36:13
翼仔
2017-03-06 16:43:38
翼仔

翼女
2017-03-06 17:04:30
起身
2017-03-06 17:13:09
起身

tuna巴打早晨
2017-03-06 17:26:02
爆裂神掌係咪即係神高達多蒙招God Finger?
2017-03-06 17:31:30
起身

tuna巴打早晨

訓醒就有得睇
2017-03-06 17:32:28
留名
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞