【on9故】廢鳩俠2

西野七瀨

592 回覆

33 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁

西野七瀨 2019-01-01 21:25:47

各位新年快樂

廢鳩俠1
https://forum.hkgolden.com/view.aspx?message=6352959&page=1
https://lihkg.com/thread/8725/page/1
https://www.shikoto.com/articles/76139.html
英雄同盟戰
https://lihkg.com/thread/393467/page/1
https://www.shikoto.com/articles/137316.html

前文題要
主角慕容兆琪(阿七)生於一個世世代代都以香港super hero自居的家族，作為子孫的阿七被父親委以重任，被逼成為blackman，但阿七體能奇差，每次出動都只能以自己發明的法寶收拾壞人。

直到一日，阿七上課遇上修讀文科的心遙，阿七對她一見鍾情，後來阿七意外地從色魔教授手上救出心遙。但同時，阿七的真正身份卻被同學阿彩知道，原來阿彩一直都希望儆惡懲奸，阿彩亦以此威脅阿七與其合作，成為拍擋。

兩年後，阿七和阿彩被特工組織IID招攬，對付恐怖組織迪拉斯。在多次大戰後，阿七漸漸發現自己的責任。但最後阿七能否追到心遙，卻是未知之數。但新的危機，已經向他步步逼近。

西野七瀨 2019-01-01 21:27:19

主要人物簡介

慕容兆琪(阿七)
22歲，港大生，為blackman真身，為人懶散，但經過多次戰鬥後已經得到成長

劉彩琳(阿彩)
22歲，港大生，性格粗魯，起初對軟弱的阿七感到反感，但後來日漸對他改觀及信任

潘心遙
22歲，港大生，性格陰沉，卻視阿七為自己唯一好友

慕容春櫻(小櫻)
18歲，阿七的妹妹，身手卻比哥哥好多數倍。於迪拉斯一役中遇上殺手拓也，對他一見鐘情

拓也
23歲，IID旗下殺手，為人冷酷，但被小櫻慢慢溶化，過去似乎有段不為人知的過去

肩系膊頭 2019-01-01 21:29:32

西野七瀨 2019-01-01 21:29:59

1.新的生活

2018年9月2日

「唉...」

阿七坐於梳化上不停唉聲嘆氣:「唉...唉！！！」

「你唉乜春呀？！呢幾日又神不守舍咁，唔係驚聽日開學下話？」

這是阿七的老拍檔阿彩，此時的她已經改留長髮

「唔係呀...」

阿七鬱悶地嘆氣:「自從上次打完迪拉斯之後，我就再冇見過心遙bb啦...好驚佢..以後唔再搵我」

「屌..你自己抵撚死」

阿彩不屑道:「上次成班人都屌鳩你唔乘機表白，就知你廢啦！」

「搵個西女人都冇膽，點溝人呀？」

「你...唉...！」

被阿彩痛罵的阿七只好轉移話題

「結衣bb，幫我check下聽日有咩堂要上」

由阿七同好友阿昇發明的AI「結衣bb」回答

「阿七，聽日你有兩堂，時間分別為930同1330」

「丫，有呢個AI又幾勁架喎」

阿彩問:「AI，咁你覺得呢個柒頭最後溝唔溝到西女人呀？」

「database入面心遙小姐既資料未太足夠，所以分析唔到，對唔住呀」結衣bb回答

「屌，渣ga！仲以為你個AI有幾勁！」

西野七瀨 2019-01-01 21:30:48

「唉，阿昇同新月就好啦，有得去旅行」

數日前

「係喎，下星期我同新月bb去日本玩啦！」阿昇向兩人宣布

「吓？！新月會跟你去旅行？」

兩人都不相信，平時冷酷的新月會同狗公阿昇去旅行

「唔好聽阿昇講，今次係阿白同叢雲請我同misa果兩公婆去日本玩咋」

已經轉留長髮的新月飲住熱湯，道:「係阿昇死都要跟埋黎」

「嘻嘻，其實新月bb好想同我去旅行既，係咪呢？」阿昇繼續嬉皮笑臉

「你好煩...」

阿彩放低正閱讀的漫畫

「阿白就好啦，以後做幸福少奶奶..又有叢雲個咁有型又打得既男朋友..」

「臭西彩你咁既質素...比仔睇中都要還神啦！」

「收皮啦，睇死你溝唔到個西女人！」

阿彩再道:「不過講起上黎，呢排都真係無乜罪案發生..」

「咪好囉..成日打生打死好好玩咩...」

「唉..好悶呀！！！搵人打下劫丫，想捉賊呀！」阿彩大叫

「你真係痴撚線，邊有人想有賊架！有時間就溝下仔啦」

「香港啲男人，9成都好似你咁，又懶、又無負責感、又毒、又廢、又樣衰，點襯得起我呀！」

阿彩如數家珍般將阿七的缺點全數道出:「個西女人搭你糖都肯定係精神有問題！」

西野七瀨 2019-01-01 21:31:47

翌日

「唉..估唔到咁快就year3...」

阿七的損友賢仔嘆氣:「我地三個仲係A0呀...」

阿七一邊食飯，心想:「好彩..我有心遙bb姐」

「但係..你地唔係仲有sakura咩？」

「仲好講？sakura冇做啦！」

肥良忽然激動起來:「依家我地兩個冇哂人生寄托啦..」

「無做？！幾時既事呀？」

「上個月既事啦，佢話要比心機讀書喎...」

「淫櫻個死妹釘會讀書？咪玩啦..」

阿七心裡道:「仲要啱啱入左U，讀乜撚野書呀」

西野七瀨 2019-01-01 21:32:49

赤柱，海邊的一間獨立屋裡面

「拓也！睇住黎啦！」

身穿粉紅色泳衣的小櫻，正和拓也於泳池中嬉戲

「嘻！」

小櫻用水槍擊中拓也的臉

「喂呀，乜你反應咁慢架！」小櫻淘氣笑道

「咁..係小櫻你犀利姐...」

「哼！你擺明讓我既！」

忽然，小櫻放低水槍，攬住拓也

「拓也呀...」

「嗯？」

「不如今晚，你同我一齊返屋企食飯囉？」

小櫻笑道:「上次食飯，我daddy媽咪都話好鐘意你呀..」

「嗯...好呀..」

拓也轉問:「不過，點解小櫻你今日唔返學呀？」

「唔鐘意呀，最憎返學！」

小櫻甜笑道:「我留響度陪拓也你唔好咩？」

「下次唔准再咁，一定要返學」拓也拍拍小櫻的頭頂

「想我返都得..除非，托也你陪我一齊上堂啦」

小櫻就如小女孩一樣撒嬌

「唉...冇你辦法」

西野七瀨 2019-01-01 21:40:08

一個月前，中環海濱上
小櫻終於向約會了兩次的拓也表白

「拓也，我鐘意你...你...可唔可以做..我男朋友呀？」

「小櫻.....」
拓也想也沒想過，作為殺手，生命裡竟會有人對自己告白

「係因為我似...你鐘意果個歌手你先..」

「唔係架！我...」
小櫻非常肉緊:「我真係鐘意你架！」
「唔通你睇唔出咩？上次我同你去長洲，其實..都好想同你表白架啦！」

「但係..我從來無諗過..會有人愛我..」
對於有人愛著自己，拓也顯得不太自信

「我...就剩係愛你架咋...」
「你，係咪唔信我呀？」

「...唔係...只係...太突然...」
平日殺人毫不猶疑的拓也，面對小櫻竟感緊張，說話開始變得奇怪
「但係...同小櫻你一齊，我的確...好開心...」
「或者..我的確係...鐘意你啦...」

小櫻捉起拓也的雙手
「咁...我地一齊啦，拓也」

「呃....」

「我會用時間證明比你睇，我，係認真咁鐘意拓也你架」

非常簡單地，兩人的戀情就正式開始

西野七瀨 2019-01-01 21:41:33

跟小櫻戀愛的半個月後，拓也返到IID的總部

「我辭職」
拓也將白色信封放到發叔面前:「我唔再做殺手啦」

「....估唔到你會有辭職既一日喎」
發叔依然淡定，喝住茶:「果個女仔，真係有咁大既力量？」

拓也沒有猶疑，點一下頭
「佢..令我感覺到...我唔再係一個人」

「...嗯..咁冇計啦」

「多謝」

拓也轉身離開房間

同時

發叔的表情亦一百八十度轉變

「死妹釘，搞到我又冇左隻頭馬！」

西野七瀨 2019-01-01 21:43:00

2.飯局

「....到底個死淫櫻做乜鳩呢..」
阿七返到家中，一邊玩電腦一邊思量:「又唔做女僕cafe...搞邊科呀？」

「喂仆街仔，執下間房啦！」
阿七的爸爸指住房上一團糟的雜物，痛罵:「一陣有客人黎呀，咁樣失禮死人呀！」

阿七放下滑鼠
「客人？邊撚個呀？...話時話，老母今日好似咁忙咁，整九大簋呀？」

「咔！」

「daddy媽咪，我返黎啦！」
打扮可愛的小櫻打開家門:「今晚我仲帶左拓也黎呀！」

「世伯伯母你地好..小小意思」
拓也將昂貴的西餅交到阿七媽媽手上

「丫邊好意思呀，黎啦黎啦坐低先啦」

「拓也？」
阿七望出飯廳

小櫻帶來的人，正是一個月前，跟自己共同對抗迪拉斯的殺手拓也

西野七瀨 2019-01-01 21:43:57

「吓！！！！！！你...」

「喂，咸....阿哥，你又響度既？」
小櫻撓住拓也，裝傻道:「同你介紹丫，呢個係我男朋友拓也呀！」

「阿七你好」

「呃...你好」

「仆街，原來淫櫻比個拓也食左！」

「拓也，食雞脾呀」
「拓也，食蝦丫」
阿七父母笑容滿面，不斷將餸菜放到托也的碗內

「多謝...」不善交際的拓也尷尬笑道

「係喎，你地兩個依家一齊住慣唔慣呀？」

「！！！！」

聽到此一句，阿七嚇得差點噴飯
「一齊住！？」

「嗯，小櫻煮既飯好好食」

「嘻嘻，咁都係媽咪你教得好姐！」

西野七瀨 2019-01-01 21:45:26

阿七腦內馬上出現多個幻想

「拓介，起身啦！再唔起身，我就要含醒你架啦！」
「拓介今晚想食咩呀？定係...你想食我呢？」
「拓介，你今日都攰啦，今晚等我...好好服侍你啦」

「阿七！阿七！」
響父母連番大喊下，阿七才從幻想中醒過來

阿七望住親蜜的小櫻同拓也，心中酸溜溜
「死淫櫻，溝仔不特止，仲要送上門比人食！！！」

「daddy媽咪，咁我地返去先啦」
「世伯伯母，下次見」

「拜拜！下記得多啲上黎坐呀」
阿七父母熱烈地送別兩人

「呃，我都返去啦...」

阿七亦拎起隨身物品，跟隨小櫻和拓也

西野七瀨 2019-01-01 21:49:08

「你屋企人都幾親切喎...」
「嗯，咁以後我地都多啲返黎丫」
落到樓下，小櫻同拓也旁若無人地聊天

「淫櫻，原來你比呢個拓也溝左呀」
阿七終於忍不住開口

「咸濕阿哥，原來你響度架」
小櫻生氣道:「咪叫左你唔好再咁叫我囉，再叫既打死你呀」

「無錯，我同小櫻係一個月之前，開始拍拖既」
拓也禮貌道:「我亦都同IID辭左職，咁就可以每日都陪小櫻」

「依家有拓也，咩都無所謂啦」
小櫻甜蜜道:「拓也，今晚返去一齊沖涼囉~」

「一齊沖涼！！！？？？」
阿七已經氣得想吐血

「呃...」
托也尷尬回答:「....好呀」

「嘻嘻，最鐘意你啦拓也」

望住漸漸走遠的兩人，阿七已經無力再追
「死淫櫻..我話哂都係你阿哥丫，唔好講呢啲野黎激我得唔得呀....」

西野七瀨 2019-01-01 21:51:59

每晚更新一集

高橋朱里 2019-01-01 21:53:07

原來樓主仲在生