進擊的巨人 122（英肉）

有冇證實非艾族變唔到巨人？

王血還王血，巨人之力還巨人之力，係兩樣嘢嚟
王血用到始祖係因為奴性，巨人之力係人食人咁傳，所謂要一直生落去同食落去，係王指示，佢要千秋萬世，而食嚟傳嘅係受王控制嘅奴，三個女都係奴出，要奴出食返就係要佢哋繼續效命咋，王血係指令奴性巨人嘅key，女神老母都係奴嚟

裝睡的人

同個無睇漫畫嘅同事討論佢都識講係指未撚訓醒嘅人

我以前成日諗阿尼，萊納佢地咁慘，比人恰到上心口
無力量反抗都算啦，但佢地有巨人之力，都唔識反抗
聽哂馬萊枝笛佢地全部人都奴性太強
就算馬萊話佢地係罪人咁又點，個啲野只係上一代人做，關佢地咩事？
艾撚都識諗啦，定因爲艾撚係自由，所以先諗到？
我諗佢地係城牆入面個幾年都已經知道發生緊咩事
但佢地選擇逃避，唔肯面對現實
最後咪同艾撚攬炒你坐啊，萊納

以馬來人角度睇又的確係咁
無人知個巨人之力點黎
以個族長比喻為惡魔，聽晒佢吩咐

佢哋有家人，即係人質，就算唔講家人，仲有同族，佢哋只係想保持現狀

被「自由」嘅恐懼，令佢唔敢再想自由
佢之後嘅人生係無左自由，但起碼唔洗再受個種恐懼，又可以做奴隸少奶雖然佢最後都因為太攰而選擇死亡
其實現實都有版你睇，我地永遠唔會明鄰國人嘅思想，反之亦然
你係鄰國自由，例如鬧某人似某隻熊，係要付出代價（生命）
呢種恐懼，亦令鄰國人唔想自由，更加會自動自我審查，唔會反抗
其實佢地都係ymir，一出世就係唔自由

樓上有位巴打話佢地連ymir都不如，因為佢地連「力量」都無
但我就唔係咁認為，其實只要佢地齊心合力，佢地都會有力量反抗希望我有生之年內會見到

應該係ymir「自己選擇」借力量比艾撚攬炒
個條蟲都借左比艾撚

皮克好似有講過 但佢地都有屋企人 冇計
做到戰士 屋企人可以過得好啲
反抗嘅話成屋人送去樂園
除非可以說服到個代戰士嘅一齊反抗
但總有啲人唔敢

同意，太多人著眼係「王血」上，
其實要反思嘅係個「奴隸制度」。
「不戰之約」好聽啲叫「約定」，
直接啲講係「指令」。
尤彌爾無反對嘅權力，因為佢係「奴隸」身份。
所以話「王血」破解「不戰之約」其實唔一定。
睇下中國都可以「單方面」指出「中英聯合聲明」係歷史文件啦。
「不戰」點解唔可以單方面廢除？
（例如：令尤彌爾唔再聽「王」話）
由入到「道路」開始，
就係「王血/奴隸制度」同「自由」嘅對抗

細佬想攬炒

完全係想講點塑造一個人出黎
作者係想像一個人出生係一張白紙
而通過教育同灌輸令佢覺得做奴隸都係理所當然

藍色窗簾

.......

咁都有得笑

王會唔會為左造多d巨人而姦佢3個女？

lm

其實你有巨人之力，反轉成個馬萊都得啦
九大巨人有一大半都係佢地手上喎
要保護屋企人同時又搞革命，係可能
其實呢啲都係藉口黎佢地只係唔敢反抗，安於現狀

講緊君主制—》以民為主？

作者真係
除左成個世界觀建構得無可挑剔 一開始我當係普通漫畫咁睇想睇佢點打巨人去闖世界

點知可以講到咁多野出黎 好似歷史被人掩蓋、自由等等帶返去思考現實世界，中間仲要有好多伏筆位，睇漏一眼都唔得而且每一集睇完都會好想睇下一集講咩同埋係估佢唔到


真係神作

啟蒙

上面有d人屌緊有力量但係做奴隸點點點
其實我地每個人咪又係為d無關緊要既野奴役緊 只係轉左模式姐
以前追住君主黎轉 而家為左錢、物質（係香港就係一個單位）係度做奴隸一世

我覺得皇血可以理解做君主制度
因為君主係用血統繼承，佢地既「權」其實係概念上既野，係心理上控制人民既手段

Ymir係代表被奴役既人民，古代既觀念就係君主統治係必然（見到吉克果句「我先係皇族血統繼承人，所以Ymir你要聽我講既野去做！」)，而皇權制度既存在就係「不戰之約」，意即皇帝因為自己係最大得益者，所以佢地永遠唔會為人民設想

直到法國大革命先有人開始諗，貴族君主都只係成個制度既寄生蟲不事生產，而第三階級先係國家既一切同本體，然後全世界開始被點醒（就係艾倫果句你有得揀），一推翻皇權、君權神授呢個概念，成個世界就唔同晒


我未必講得岩，我對巨人呢套背後有咁深奧意義既漫畫都未有其他人理解得咁好但係岩岩睇完有點感觸想分享下自己睇法

所以有人會斷捨離無欲無求
但起碼我依家可以自己選擇用自己時間返工，再賺啲錢返黎買我中意嘅野，賺夠又可以投資下，退休做下義工嘆下世界咁
不論係斷捨離定係沉迷係物質/金錢上，你都可以自己選擇到
但萊納佢地係（自以爲）無得選擇，只係服從馬萊嘅奴隸
佢地都知搞城牆內嘅艾族係錯，你見萊納最後都變左精分痴線佬
所以我唔會話佢無得揀，好慘
其實只係佢唔想選擇，一直逃避咋