8月30 朝早9點幾考 行細圈 啲死車真心嘔血
我跟住袋口架車轉入迦密村街 見到佢轉完行咗無耐打燈轉咗出去 就知有死車
但因為左邊勁多死車 前面架車都係KEEP住騎線
咁我就等前車行咗無耐 就都轉埋出去跟住一齊騎線
行多兩步 對頭本身係無車嘅 又開始陸陸續續駛入嚟 而左邊又仍然係有死車未轉得返入線 騎緊線不斷同側邊啲車勁貼 的士都算 小巴真係大大架
再行多兩步 突然又會見到前左方有本身泊緊嘅車打緊右燈要掉頭 前面架車行得快過咗之後 佢就即刻駛出頂住我 咁我就讓佢等埋右線啲車行埋佢先掉到頭
等埋佢掉頭 就變到左邊架死車係最後一架死車 所以轉返入線之前又要記得擰頭先好埋返
成程真係勁多障礙 勁多突發
好彩嗰日落住雨行得慢同埋老連都同前車KEEP住一大段距離先反應得切 再加嗰時對頭無旅遊車駛入嚟
回想返真係PASS得好驚險 祝巴打4號考嗰時如果行細圈無咁多車啦