【酒色財氣（甜呢？）都市獵奇大冒險】《誤上了黑幫老大的情婦，我只好躲在中環的職場胡混》- 第二季：龍雀篇
火一般的卡西
573 回覆
79 Like
8 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
女太多，邊個係leo
Leo仲未現過真身，只係同卡西Message 過嘅神秘人
莫非係個情婦？
黑幫老大情婦會唔會係婷熙，自己set 個局比卡西踩入坑#clap#pi
情婦唔係話加拿大嗰個咩
第五十一話：繼承者遊戲
我簡直不能相信自己的眼睛。
但，影片中的男人，的的確確是我。
最後，對方發了一串 Emoji 來：「🕖🔢🐴💬🏨🔟2️⃣6️⃣」
我腦一片空白。
「喂，駛唔駛打咁耐呀？」站在房門外的 Jimmy 不耐煩地催促著我，道：「你打 Email 定打小說呀？」
我關了電腦，就跟 Jimmy 離開 Office。
我腦仍一片空白。
我行屍走肉般和 Jimmy 走到樓下，然後上了他的七人車。
車程中都有聽見自己和 Jimmy 作機械式的閒言對答，慢慢，僵硬的腦袋好像重新再開始運作，但取代空白的卻是一股前所未有的恐懼湧上心頭。
這段片拍的，正正就是我昨晚在婷熙家中，跟她赤裸裸享用完一頓高級日本料理外賣後，再品嚐那「甜品」時的情況，我很清楚，我們當時做了些甚麼。
如果將這段片放上網的話，後果不敢想像。
究竟這條片是怎樣拍得？將片發給我的又是誰？背後有甚麼目的？
我一點頭緒也沒有。
我只知道，我今次好「撚」大鑊！
Jimmy 帶了我到位於銅鑼灣一家精品酒店，這裡的頂層原來有一間挺 Cozy 的 Lounge，申老闆一早就來了在廂房中等著我們，坐在申老闆旁邊還有「G 奶乳神」Rionna，卻未見其他「𡃁模」，似乎她跟申老闆的關係果然是非比尋常。
這晚 Rionna 穿了一件薄薄的低胸連身短裙，將一身誘人的美好身段展露無遺，大半個雪白乳球都裸露在外叫人不敢直視。纖細嬌嫩的玉臂，配上清澈明亮的眼睛和柔軟飽滿的紅唇，坐在梳化上交叉翹著富線條美的一雙長腿，那短得可憐的裙一坐下來就根本遮不住春光，隱隱若若見到裡面那鮮紅色的三角褲，顏色竟跟腳底踢著的高跟鞋一樣，如這般的性感尤物，難怪成為當今香港最紅的「𡃁模」。
「卡西，我真係服咗你。」申老闆一見我就笑容滿臉，道：「隻『富利好』真係升極都有喎。」
「乜說話啦，街外錢大家搵啫。」我笑道。
「幫到我手嘅我從來都唔會虧待，你粗粗地拎去楂住先啦。」說罷，申老闆竟拿出一條車匙放在枱上，這條車匙上還有保時捷的標誌。
「吓，我都無做過啲乜嘢，唔．．．．唔駛咁客氣喎。」我受寵若驚地道。
「我今次賺嘅都唔只呢度嘅幾倍啦，你咁都唔領我情就即係唔畀面啫！」申老闆板起面道。
Jimmy 一邊遞我一杯紅酒，一邊道：「申老闆叫你楂住先你就楂住先啦，你埋得我哋堆，我哋一定唔會令你失望嘅。」
「咁．．．．咁我恭敬不如從命啦。」我舉起酒杯道。
這是我人生第一架「波子」。
我以為我會很開心，但我沒有。
我腦仍不斷想著淫片的事。
這一刻的我，甚麼都不想要，如果可以給我選擇，只要沒有發生淫片事件，甚麼升職、甚麼「波子」，我寧願通通都不要。
原來人到了大難臨頭之際，才會想起能平平淡淡的過日子，已是人生中最大的福氣。
酒我也沒有心情喝，每次都是申老闆或 Jimmy 盛意拳拳的要乾杯我才舉杯沾上一、兩口。
這樣的情況下，枱上竟還可清了三、四瓶紅酒，申老闆和 Jimmy 這兩個富二代工作上的才幹或許是欠奉，但喝酒的本事卻蠻厲害。
「老占，我有時真係好羡慕你，你家姐得你一粒細路，錫到你燶，你鍾意做乜佢都支持你．．．．」申老闆滿帶醉意，道：「而我呢，無錯，我家族係韓國十大財閥，可以話富甲一方，但係我哋啲兄弟姊妹一出世就要爭做繼承者，最搞笑係我爺爺同老豆，仲好樂意見到我哋為咗做繼承者打生打死，有時我喺到諗，我嗰啲所謂親人，似我嘅敵人多啲囉。」
「申老闆，乜今晚咁感性呀？」Jimmy 眯起眼睛道，似乎他的醉意亦不比申老闆少，再笑道：「你話晒都係你老豆個仔，點都有得分嘅，加上你家族咁鬼死有錢，就算係有好多人要分，求其每一份慳慳哋都夠食夠玩十幾世啦，我都唔知你咁愁做乜鬼？」
申老闆即時搖一搖頭，道：「你唔明架啦，『延龍派』係我爺爺一手創立，佢有份參與義勇軍抗日同打過韓戰，發生『八月宗派事件』至潛逃去南韓創辦咗『延龍派』，所以我爺爺認為事業係要靠自己雙手打拼出嚟、同『一將功成萬骨枯』嘅道理，為咗令家族千秋萬世，佢一直將訓練軍隊嗰套放喺我哋身上，又定立咗一個準則去揀選家族嘅繼承者，而家族名下嘅所有生意同資產，都將會喺眾後人當中揀選一個繼承者去繼承同分配，所以喺呢個『Winner takes All』嘅遊戲規則下，有乜辦法唔搞到我哋班兄弟姊妹打生打死啫？」
「咁即係話如果鬥輸咗嘅話，係可以一蚊都無？」Jimmy 大吃一驚，問：「咁唔想爭咪局住都要爭囉？」
「女都可以選擇唔爭，放棄做繼承者，家族基金每個月就出份糧畀佢，從此繼承者叫佢行就行、企就企，不過仔就無呢個選項，因為爺爺覺得男丁唔可以無出息，唔成才嘅仔唔要都罷，所以所有男丁，包括我，一到十八歲就要簽署參加一個名為『繼承者遊戲』嘅評核程序，如果唔簽就即時被趕出家門。」申老闆答。
Jimmy 追問：「乜嘢『繼承者遊戲』咁把炮呀？」
「『繼承者遊戲』其實係由我爺爺領導嘅『繼承者委員會』，用一個有三大指標嘅評核準則，從眾參賽者中揀選最合適嘅繼承者，三大指標就係『修身、齊家、治國』，『修身』係鬥個人能力，我哋每位參賽者會分到 300 億韓圜去投資，睇下邊個可以做到最好嘅回報，『齊家』係鬥我哋嘅結婚對象，婚姻永遠係擴大政治力量嘅最佳工具，所以結婚對象嘅地位同能力都係比拼嘅範疇之一，最後『治國』係鬥管治才能，因為『修身』同『齊家』都有可能有幸運成分，而『治國』就係睇你可唔可以創立一家公司、又或者成為一家大企業裡面嘅要職，我爺爺話，要達成『修身、齊家、治國』，方可領導家族去『平天下』咁話。」申老闆皺著眉頭，再歎道：「其實而家成個家族都仲係我爺爺話晒事，我老豆只不過係執行爺爺嘅指令，今朝佢仲同我講話我嚟咗香港咁耐，錢就使咗好多，但係就無咩做到出嚟，佢下個月就過嚟睇我，如果我仲無咩實質嘅成績畀佢睇到，佢就要我即刻跟佢返韓國，到時我就畀我啲哥哥姐姐食住，永不翻身。」
申老闆說罷，就舉杯將紅酒喝掉，然後再對著我說：「卡西，以往喺我身邊嘅都淨係識搵我著數，呃飲呃食呃女扑，但係我知你係真係可以幫到我，你幫我度下橋啦，我要喺最短時間發圍呀！」
「梗係啦，梗係啦。」我敷𧗠的應道，心想：「幫你發圍？我家陣都自身難保呀！」
這個時候，酒吧經理突然衝了進來，嚷道：「申老闆，有人同傳媒報料話 Rionna 同咗個男人上嚟開房，嗰個男嘅仲好似係申老闆你呀，而家有好多記者喺酒店樓下等緊你哋呀！」
「仆街啦，如果畀人影到我哋，再傳到返去我爺爺同老豆嗰度，唔駛等下個月，我即卡就要收皮返韓國啦！」申老闆失聲叫了一句，再問：「呢度有無後門架？」
「呢度係頂樓，就算行樓梯落樓都會喺 Lobby 度出返嚟架咋。」經理答道。
「唔駛咁驚吓嘛，叫 Rionna 自己走先咪得囉。」Jimmy 道。
「梗係唔得啦，既然有人話睇到 Rionna 同個男人上咗嚟，如果而家只係得 Rionna 一個人走，啲記者一定唔肯走仲會喺度等，咁我要留喺度等幾耐呀？」申老闆急急叱道：「一係你扮 Rionna 條仔同佢一齊落去啦？」
「唔得，你有個老豆我都有個家姐架，如果畀家姐知道我又玩『𡃁模』玩到見報，實閂我水喉架！」Jimmy 搖搖頭道。
隔了半晌，申老闆對著我說：「卡西，今次你要幫我頂喇，就你落去扮 Rionna 個男朋友啦！」
（待續）
我簡直不能相信自己的眼睛。
但，影片中的男人，的的確確是我。
最後，對方發了一串 Emoji 來：「🕖🔢🐴💬🏨🔟2️⃣6️⃣」
我腦一片空白。
「喂，駛唔駛打咁耐呀？」站在房門外的 Jimmy 不耐煩地催促著我，道：「你打 Email 定打小說呀？」
我關了電腦，就跟 Jimmy 離開 Office。
我腦仍一片空白。
我行屍走肉般和 Jimmy 走到樓下，然後上了他的七人車。
車程中都有聽見自己和 Jimmy 作機械式的閒言對答，慢慢，僵硬的腦袋好像重新再開始運作，但取代空白的卻是一股前所未有的恐懼湧上心頭。
這段片拍的，正正就是我昨晚在婷熙家中，跟她赤裸裸享用完一頓高級日本料理外賣後，再品嚐那「甜品」時的情況，我很清楚，我們當時做了些甚麼。
如果將這段片放上網的話，後果不敢想像。
究竟這條片是怎樣拍得？將片發給我的又是誰？背後有甚麼目的？
我一點頭緒也沒有。
我只知道，我今次好「撚」大鑊！
Jimmy 帶了我到位於銅鑼灣一家精品酒店，這裡的頂層原來有一間挺 Cozy 的 Lounge，申老闆一早就來了在廂房中等著我們，坐在申老闆旁邊還有「G 奶乳神」Rionna，卻未見其他「𡃁模」，似乎她跟申老闆的關係果然是非比尋常。
這晚 Rionna 穿了一件薄薄的低胸連身短裙，將一身誘人的美好身段展露無遺，大半個雪白乳球都裸露在外叫人不敢直視。纖細嬌嫩的玉臂，配上清澈明亮的眼睛和柔軟飽滿的紅唇，坐在梳化上交叉翹著富線條美的一雙長腿，那短得可憐的裙一坐下來就根本遮不住春光，隱隱若若見到裡面那鮮紅色的三角褲，顏色竟跟腳底踢著的高跟鞋一樣，如這般的性感尤物，難怪成為當今香港最紅的「𡃁模」。
「卡西，我真係服咗你。」申老闆一見我就笑容滿臉，道：「隻『富利好』真係升極都有喎。」
「乜說話啦，街外錢大家搵啫。」我笑道。
「幫到我手嘅我從來都唔會虧待，你粗粗地拎去楂住先啦。」說罷，申老闆竟拿出一條車匙放在枱上，這條車匙上還有保時捷的標誌。
「吓，我都無做過啲乜嘢，唔．．．．唔駛咁客氣喎。」我受寵若驚地道。
「我今次賺嘅都唔只呢度嘅幾倍啦，你咁都唔領我情就即係唔畀面啫！」申老闆板起面道。
Jimmy 一邊遞我一杯紅酒，一邊道：「申老闆叫你楂住先你就楂住先啦，你埋得我哋堆，我哋一定唔會令你失望嘅。」
「咁．．．．咁我恭敬不如從命啦。」我舉起酒杯道。
這是我人生第一架「波子」。
我以為我會很開心，但我沒有。
我腦仍不斷想著淫片的事。
這一刻的我，甚麼都不想要，如果可以給我選擇，只要沒有發生淫片事件，甚麼升職、甚麼「波子」，我寧願通通都不要。
原來人到了大難臨頭之際，才會想起能平平淡淡的過日子，已是人生中最大的福氣。
酒我也沒有心情喝，每次都是申老闆或 Jimmy 盛意拳拳的要乾杯我才舉杯沾上一、兩口。
這樣的情況下，枱上竟還可清了三、四瓶紅酒，申老闆和 Jimmy 這兩個富二代工作上的才幹或許是欠奉，但喝酒的本事卻蠻厲害。
「老占，我有時真係好羡慕你，你家姐得你一粒細路，錫到你燶，你鍾意做乜佢都支持你．．．．」申老闆滿帶醉意，道：「而我呢，無錯，我家族係韓國十大財閥，可以話富甲一方，但係我哋啲兄弟姊妹一出世就要爭做繼承者，最搞笑係我爺爺同老豆，仲好樂意見到我哋為咗做繼承者打生打死，有時我喺到諗，我嗰啲所謂親人，似我嘅敵人多啲囉。」
「申老闆，乜今晚咁感性呀？」Jimmy 眯起眼睛道，似乎他的醉意亦不比申老闆少，再笑道：「你話晒都係你老豆個仔，點都有得分嘅，加上你家族咁鬼死有錢，就算係有好多人要分，求其每一份慳慳哋都夠食夠玩十幾世啦，我都唔知你咁愁做乜鬼？」
申老闆即時搖一搖頭，道：「你唔明架啦，『延龍派』係我爺爺一手創立，佢有份參與義勇軍抗日同打過韓戰，發生『八月宗派事件』至潛逃去南韓創辦咗『延龍派』，所以我爺爺認為事業係要靠自己雙手打拼出嚟、同『一將功成萬骨枯』嘅道理，為咗令家族千秋萬世，佢一直將訓練軍隊嗰套放喺我哋身上，又定立咗一個準則去揀選家族嘅繼承者，而家族名下嘅所有生意同資產，都將會喺眾後人當中揀選一個繼承者去繼承同分配，所以喺呢個『Winner takes All』嘅遊戲規則下，有乜辦法唔搞到我哋班兄弟姊妹打生打死啫？」
「咁即係話如果鬥輸咗嘅話，係可以一蚊都無？」Jimmy 大吃一驚，問：「咁唔想爭咪局住都要爭囉？」
「女都可以選擇唔爭，放棄做繼承者，家族基金每個月就出份糧畀佢，從此繼承者叫佢行就行、企就企，不過仔就無呢個選項，因為爺爺覺得男丁唔可以無出息，唔成才嘅仔唔要都罷，所以所有男丁，包括我，一到十八歲就要簽署參加一個名為『繼承者遊戲』嘅評核程序，如果唔簽就即時被趕出家門。」申老闆答。
Jimmy 追問：「乜嘢『繼承者遊戲』咁把炮呀？」
「『繼承者遊戲』其實係由我爺爺領導嘅『繼承者委員會』，用一個有三大指標嘅評核準則，從眾參賽者中揀選最合適嘅繼承者，三大指標就係『修身、齊家、治國』，『修身』係鬥個人能力，我哋每位參賽者會分到 300 億韓圜去投資，睇下邊個可以做到最好嘅回報，『齊家』係鬥我哋嘅結婚對象，婚姻永遠係擴大政治力量嘅最佳工具，所以結婚對象嘅地位同能力都係比拼嘅範疇之一，最後『治國』係鬥管治才能，因為『修身』同『齊家』都有可能有幸運成分，而『治國』就係睇你可唔可以創立一家公司、又或者成為一家大企業裡面嘅要職，我爺爺話，要達成『修身、齊家、治國』，方可領導家族去『平天下』咁話。」申老闆皺著眉頭，再歎道：「其實而家成個家族都仲係我爺爺話晒事，我老豆只不過係執行爺爺嘅指令，今朝佢仲同我講話我嚟咗香港咁耐，錢就使咗好多，但係就無咩做到出嚟，佢下個月就過嚟睇我，如果我仲無咩實質嘅成績畀佢睇到，佢就要我即刻跟佢返韓國，到時我就畀我啲哥哥姐姐食住，永不翻身。」
申老闆說罷，就舉杯將紅酒喝掉，然後再對著我說：「卡西，以往喺我身邊嘅都淨係識搵我著數，呃飲呃食呃女扑，但係我知你係真係可以幫到我，你幫我度下橋啦，我要喺最短時間發圍呀！」
「梗係啦，梗係啦。」我敷𧗠的應道，心想：「幫你發圍？我家陣都自身難保呀！」
這個時候，酒吧經理突然衝了進來，嚷道：「申老闆，有人同傳媒報料話 Rionna 同咗個男人上嚟開房，嗰個男嘅仲好似係申老闆你呀，而家有好多記者喺酒店樓下等緊你哋呀！」
「仆街啦，如果畀人影到我哋，再傳到返去我爺爺同老豆嗰度，唔駛等下個月，我即卡就要收皮返韓國啦！」申老闆失聲叫了一句，再問：「呢度有無後門架？」
「呢度係頂樓，就算行樓梯落樓都會喺 Lobby 度出返嚟架咋。」經理答道。
「唔駛咁驚吓嘛，叫 Rionna 自己走先咪得囉。」Jimmy 道。
「梗係唔得啦，既然有人話睇到 Rionna 同個男人上咗嚟，如果而家只係得 Rionna 一個人走，啲記者一定唔肯走仲會喺度等，咁我要留喺度等幾耐呀？」申老闆急急叱道：「一係你扮 Rionna 條仔同佢一齊落去啦？」
「唔得，你有個老豆我都有個家姐架，如果畀家姐知道我又玩『𡃁模』玩到見報，實閂我水喉架！」Jimmy 搖搖頭道。
隔了半晌，申老闆對著我說：「卡西，今次你要幫我頂喇，就你落去扮 Rionna 個男朋友啦！」
（待續）
Push
究竟串 Emoji 點解讀?
+1 睇唔明
堆 Emoji 睇唔明係好正常, 因為遲啲至會拆解
文呢
我估數碼港時鐘酒店1026房🤔
7點鐘數碼港時鐘酒店1026房？🧐
支持
Push
Push
樓主你放假呀???
應該逢星期六日放假
照推
