【酒色財氣（甜呢？）都市獵奇大冒險】《誤上了黑幫老大的情婦，我只好躲在中環的職場胡混》- 第二季：龍雀篇

加速

推

推咗先睇

爽手呀樓主

又係等文ge 時間la

第七十四話：真正傳人



當然，以上都是我的推測。

事關重大，我將要給男男的答案，是關乎一個古老門派的生死存亡，我不能單靠推測便妄下定論。

或許，我本能一時也未接受到，龍夫人只是為了要製造機會給女管家才主動勾引我，而不是因為單純的被我吸引著。

為了要証實我的推測，我並沒有即時回答男男的問題，反之，我自顧自地走到夾萬面前，蹲了下來，細心檢查著夾萬門上的轉盤。

在場的所有人都對我這個舉動報以好奇的目光，卻沒有說些甚麼，只是靜靜地等著我下一步會怎樣做。

我將自己的鼻子，貼著轉盤，然後深深嗅了一下。

所有人的目光由「好奇」變成「奇怪」，但也肯定沒有我嗅到的氣味那麼怪。

我嗅到了一陣強烈的防腐藥水氣味，能嗅到這種味道是意料之中，因為每一個要看龍雲海腳趾隙秘密的人，都必需要用自己的手打開遺體的腳趾，手指當然一定會沾了屍體上的防腐藥水，再來到這裡打開夾萬時，這氣味自然便會留低在轉盤上。

但是，任這一陣防腐藥水的氣味如何強烈，也遮掩不了一絲淡淡的中藥味道，而這種中藥味道，就是在龍家大宅內四處都瀰漫著的那種我發夢也不會忘記的味道。

照龍夫人的說法，如果這封遺書沒有預先做手腳，那麼，她們是應該從來都沒有接觸過那個夾萬，但事實上，現在夾萬上的轉盤卻沾有這種獨特的中藥氣味，這只說明了一點。

就是龍夫人在說謊！

在阿彤找到夾萬之前，龍夫人已派女管家比她更早來到這裡，並將裡面對自己不利的兩份文件都換成白老頭讀出來的那封假遺書，所以夾萬的轉盤才沾上了女管家手指上中藥和防腐藥水的兩種混合氣味。

想謀朝篡位的不是阿彤，而是龍夫人！

「你又玩咩呀？」男男不耐煩地道：「我問緊你龍夫人究竟有無掂過龍雲海隻腳趾呀？」

我昂然答道：「無，我無見到。」

我留意到，龍夫人聽到我的答案後，暗暗笑了一笑。

聰明的男男想必一早已猜到龍夫人有問題，亦深知一直匿藏在密室監視著遺體的我肯定會看到整個過程，才胸有成竹的這樣當面問我，目的是想借我這個目擊証人把事實的真相說出來給大家聽，怎料我斬釘截鐵的說沒有看到，大失預算之際也當堂大吃一驚，再急急追問著：「無？你肯定無？除咗阿彤之外，你見唔見到龍夫人，又或者係其他人接近過龍雲海嘅遺體喎？你要諗清諗楚至好答我呀！」

我加強語氣，朗聲答道：「我已經諗得好清楚，真係無呀，由頭到尾我淨係有親眼見到阿彤有掂過龍雲海嘅遺體，龍夫人之前的確有入過嚟，之不過佢真係無掂過條屍喎！」

我沒有說謊，因為那時龍夫人的確在密室之中忙著跟我鬼混，我真的沒有看見她接觸過龍雲海的遺體。

男男被我的回覆氣得滿臉通紅，卻又不能再說些甚麼，這時龍夫人便走了出來，風騷地道：「終於一天都光晒啦，田偵探，你就真係要學下你個助手，佢雖然係你嘅人，但係都無懼你呢個老細嘅威逼，將成件事嘅真相講晒出嚟，既然連呢個唯一嘅目擊証人都話只有阿彤掂過雲海嘅遺體，咁即係啱啱讀出嚟嘅嗰封遺書無做到手腳，而嗰份『婚前協議書』亦都唔存在！」龍夫人又走到岑學羚的前面，笑問：「岑律師，你話你係公証人，我想問你，咁呢封遺書係咪真架？如果係真嘅話，我哋又應該點做呢？」

岑學羚道：「根據表面証據，又有目擊者嘅証供支持，呢封遺書應該係可信嘅，既然係咁嘅話，就當然要跟住上面寫住龍雲海先生嘅意願去做啦。」

岑學羚番話一出，阿綠和阿彤的臉色變得如死灰一樣。

男男也愁眉滿面，擺出一副一籌莫展的表情，我相信一向絕頂聰明的她，自出娘胎以來也不曾有過這種萬般無奈的感覺。

這時，白老頭走了出來，高聲地道：「既然連公証人岑律師都咁講，白某相信各位叔伯兄弟都唔會再有異議啦呵？」在場所有人皆點點頭，表示一致同意，白老頭再續道：「好，白某現在宣佈，『龍雀門』新一任嘅『雀魁』就係龍雲海嘅妻子，龍夫人！」說罷，便將枱上的「一百四十四章經」和「玄鐵起莊」交給了龍夫人。

龍夫人大喜，從白老頭的手上接過兩大聖物後，便面向群雄，開顏笑道：「試問妾身又何德何能，點可以接手『雀魁』呢個寶座？之不過呢個係先夫嘅遺願，妾身唯有恭敬不如從命啦！」

突然間，我踏前了一步，問：「龍夫人，你係咪搞錯呀？」

在場一片歡欣的氣氛，被我這樣一問瞬間都靜了下來，然後所有人都訝異地望向我。

龍夫人仍生硬地保持著臉上的歡顏，勉強的微笑道：「你做乜呀？總之你同田偵探嘅酬金妾身會照畀，你唔駛擔心喎。」

「唔係酬金呀，我係問你係咪搞錯呀？」我重覆的問著。

龍夫人臉色一沉，正想發爛之際，白老頭拍了她的肩一下示意別動氣，再對著我道：「小朋友，你頭先肯企出嚟講個真相，白某同埋『龍雀門』上上下下都會好感激你，之不過如果你而家係想搞破壞嘅話，我哋『龍雀門』係一定會奉陪到底架。」

「我唔係想搞破壞，我既然肯企出嚟將個真相講出嚟，我就係想龍先生遺書上嘅意願得以完整實現，但係你哋呢班人竟然有公証人在場都可以將件事搞錯，我就無論如何都要干涉架啦！」我裝出一臉威風地道。

「呢位助手先生，我諗我作為公証人，頭先都講得相當清楚，既然封遺書係真嘅，照上面嘅意思，龍先生係想將『雀魁』個位傳畀佢唯一嘅妻子，咪即係龍夫人囉，所以會唔會搞錯嗰個係你自己呢？」岑學羚盯著我道，雙眼閃出如鐮刀一樣的銳利目光，果然大有律師的本色。

「岑律師，頭先你當然講得好清楚，大家亦聽得好清楚，遺書上面係話龍先生想將『雀魁』個位傳畀佢唯一嘅妻子，但係啱啱企出嚟接受兩大聖物嗰個所謂龍夫人並唔係龍雲海唯一嘅妻子喎，龍雲海真正既唯一妻子，當然係指佢經『三書六禮』娶過門嘅結髮妻子！」我再指向站在角落的孖二姐，朗聲道：「嗰位至係龍雲海唯一嘅妻子，真正嘅元配龍夫人，孖二姐！」

（待續）

撚狗撚到咁

孖二姐好波!

靚波

孖二姐接管龍雀門，主角接管道二姐

推

第七十五話：龍夫人 vs 龍夫人



孖二姐當堂給我嚇得跳了一下，但也不及在場的所有人來得驚嚇。

因為這時孖二姐只圍了一條大毛巾，腳踏著拖鞋，竟然就是龍雲海的元配龍夫人？

大家的腦海肯定只會閃出一句說話，就是「唔撚係吓嘛！？」。

龍夫人終於按捺不住，對著我罵道：「妾身唔知你而家玩緊啲咩花樣，亦都唔知嗰個老女人係邊個，不過妾身想同你講，妾身同雲海係喺婚姻註冊處正式註冊，係法律上唯一承認嘅合法妻子，妾身唔理呢個老女人之前同雲海係咩關係，總之而家雲海只有唯一一個妻子，就係妾身呢個龍夫人！」

孖二姐立即插嘴，怒道：「你個臭西你嗡乜春呀，乜撚嘢老女人前老女人後得你咁鬼死難聽？你話你有同雲海喺啲乜春嘢註冊處註冊結婚好巴閉咩？我同雲海經『三書六禮』結婚嗰陣你個死𡃁妹都唔知死喺邊呀？照計你遲入門理應要跪低斟茶畀我叩個響頭叫我一聲姐姐，你個死臭西竟然叫我老女人？老你老味啦！」

孖二姐一怒不可收拾，稱呼任何女性做「老女人」果然是會即時釀成血案！

龍夫人提高聲線，反駁道：「你．．．．你呢個老女人真係不可理喻，妾身都唔知你嗰啲咩『三書』咩『六禮』係乜，總之妾身就係依足香港法例同雲海佢註冊結婚，有晒結婚証書，呢個係不爭嘅事實！」

孖二姐一枝箭的衝回雜物房，拿了那「三書」出來抛到枱面上，再指著龍夫人高聲喝道：「『三書』就放咗喺度啦，未見過就去揭下見識下啦，連『三書六禮』係乜都唔知就學人搶人老公，個人無知就唔該你讀多啲書，咪淨係識得谷大對波勾佬至得架，你估你真係龍夫人呀？你狐狸精嚟架咋！成晚都扮撚晒嘢叫自己做妾身懶尊貴咁，妾你就係妾，不過係賤妾個妾呀！臭西！」

「你．．．．你．．．．妾身費事同你講！」貴為「龍雀門」中「第一夫人」的龍夫人，一向受人尊敬，那有試過被人連珠炮地用粗言穢語辱罵，對手還是在佐敦這個九反之地打滾了幾十年的老舉孖二姐，導致現在完全沒有招架之力，只好找救兵，便轉個頭問岑學羚，道：「岑律師，你講番句公道說話，究竟邊個至係真正嘅龍夫人？」

岑學羚沒有即時回答，卻拿起枱上那「三書」仔細的檢查著。

看了一會，岑學羚才沉著嗓子，緩緩地道：「呢『三書』係七零年代之前立架喎。」

「咸豐年前咁耐嘅嘢，乜仲有法律效力架咩？借畀大台做道具拍古裝片就差唔多！哈哈。」中伯嘲笑的道。

「情況剛好相反，香港法例係承認 1971 年 10 月 7 日之前所締結嘅婚姻。」岑學羚道。

中伯再笑不出聲，而龍夫人的額角也冒出汗來。

岑學羚繼續道：「只要婚禮係按照當時社會所接受嘅中國傳統習俗舉行，就算舉行婚禮係喺香港以外嘅地方，例如中國內地，呢種舊式婚姻都會被承認。」岑學羚走到孖二姐的旁邊，再道：「如果呢位龍夫人入稟法院申領龍先生嘅遺產，而法官信納申請人呈上嘅結婚証據同見証人嘅供詞，呢位龍夫人就可以用尚存配偶嘅身分，分得龍先生遺產應有嘅部分。」

岑學羚已稱呼孖二姐為「呢位龍夫人」，似乎公証人也認為眼前的証據也具有不容忽視的法律效力。

龍夫人一臉惘然，忙道：「咁．．．．咁即係最後都要睇法院嘅裁決啫．．．．你．．．．你估一定贏梗架？」

「哈哈，我可以叫晒我鄉下成條村落嚟同我做証都得呀，到時咪睇下個官點判囉。」孖二姐放聲笑道。

阿綠和阿彤的臉上開始展露出得意的神色。

這時，白老頭卻踏前一步，朗聲道：「呢位女士會唔會入稟法院，或者個官之後會點判，呢啲所有都係後話，而事實上，龍雲海原來唔係得一個妻子，所以遺書上面寫話將『雀魁』個位傳畀佢唯一嘅妻子，呢句說話係有根本性嘅矛盾，如果大家各位無反對嘅話，白某建議將呢封遺書作廢！」

在場所有人你眼望我眼，然後點點頭表示同意。

白老頭再道：「既然而家無遺書，我哋就唯有用無遺書嘅方法推舉下一任『雀魁』，就係邊個人擁有我哋『龍雀門』嘅兩大聖物，『一百四十四章經』同埋『玄鐵起莊』，邊個就係我哋『雀魁』嘅繼承人！」

龍夫人聽到白老頭的說話後，狂喜地高舉手中的聖物，嚷道：「哈哈，而家兩大聖物就係喺妾身手上，妾身敢問三大長老，妾身能夠成為繼承人嘛？」

起初白老頭帶頭建議將遺書作廢，我還以為他是在主持公道，怎料他兜了一大個圈，完全是為了給龍夫人找出另一條登上「雀魁」寶座之出路。

白老頭亦提醒了龍夫人，在法庭沒有裁決之前，她仍是龍雲海的唯一合法妻子。

孖二姐卻忽然問道：「蝦，岑律師，我想問你點為之『入屋老爆』？刑罰又係點架？」

岑學羚答：「『入屋老爆』可以理解為『入屋犯法罪』，根據《盜竊罪條例》第 11 條，凡侵入者進入任何建築物或其部分後，偷竊或企圖偷竊在該建築物或其部分內嘅任何東西，都係干犯『入屋犯法罪』，定罪後最高刑罰可被判監禁 14 年。」

孖二姐再走到龍夫人的面前，指著她叫道：「咁啱啦，我要告呢條臭西『入屋老爆』！在場各位都要幫我做人証！」

龍夫人怒道：「你講咩呀，妾身唔理你同雲海有咩關係，個官一日未判妾身一日都係雲海嘅合法妻子，喺呢一刻，妾身係有權承繼雲海名下嘅所有嘢，包括呢個單位、呢個夾萬同夾萬入面嘅所有嘢！所以，妾身係合法地擁有『龍雀門』嘅兩大聖物！」

孖二姐沒有理會龍夫人，卻竟然從近乎赤裸的身上抽了一張身分証出來，然後遞了給岑學羚，道：「岑律師，麻煩你上一上土地註冊處，查下呢個單位嘅業主究竟係邊個嘅？」

岑律師接過孖二姐的身分証，再拿出 iPad 登入網上土地查冊的網站，按了好一會，才道：「大家身處呢個叫『龍氏宗親會』嘅單位，業主的而且確係呢位龍夫人，換句話說，呢個單位入面嘅所有嘢，包括個夾萬同夾萬入面嘅聖物，都係屬於佢架。」

在場的所有人無一不嘩然。

龍夫人連忙撲向岑學羚那邊把她手上的 iPad 搶過來，要自己親眼看一遍才能相信。

「擘大你個屎眼望清望楚啦，呢度個業主係我呀，雲海一早將呢個單位送咗畀我仲轉埋我個名添呀，乜雲海無話畀你聽咩？你試下郁親呢度任何一條毛我都可以即卡告鳩你呀！」孖二姐洋洋得意地道：「唔好話我做大嘅唔畀機會你啦，而家我再問你，嗰兩大聖物仲係咪你擁有呀？」

龍夫人面無表情，嘴唇微微震動卻沒有回答孖二姐的問題，顯然是萬料不到事情會這樣發展，一個近乎完美的計劃，一下子被我帶來的孖二姐完全地摧毁了，雙腿突然發軟退了幾步，跌在後面的椅子坐下來，手中的聖物則掉到地上。

孖二姐執起了那兩大聖物，放回在枱上，再對著白老頭，喝道：「喂，老嘢，你哋嗰啲乜叉嘢聖物原來喺我度喎，咁而家點先？」

（待續）

真係好高質，日日追
樓主加油💪🏻

笑到仆街😂

突然覺得冇甜好睇d不過幾時先有甜

推

孖二姐好地道，好正🤣

點解班長老咁鬼..

因為晚晚三穴多p

爛尾？

回錯，自膠

啲劇情可以拎嚟拍劇
不過啲甜位

第七十六話：龍雀門的新主人



白老頭的氣勢也消失得無影無踪，低聲答道：「咁白某講過邊個人擁有聖物邊個就係繼承人在先，既然擁有聖物嘅人係你，咁自然你就係我哋『龍雀門』嘅『雀魁』繼承人啦．．．．」隔了半晌，白老頭又面向群雄，道：「咁我哋三長老推舉呢位．．．．呀孖．．．．孖二姐成為我哋下一任『雀魁』，唔知在場有無人反對呢？」

除了「雀魁」之外，白老頭在「龍雀門」之中算是最德高望重，他說的話還有誰會有異議？

但，竟然還有一人舉手。

這個還是孖二姐本人！

「我反對！」孖二姐道。

白老頭臉色一沉，急急叫道：「你又玩咩呀？彩你都攞晒啦，我哋成個『龍雀門』都畀你玩到陀陀擰，你仲想點呀？」。

「唔係玩呀，我為你哋著想架咋，因為我生平最憎就係賭錢，加上如果唔係個賭字，雲海都唔會死得咁慘，所以我係唔鍾意、亦都唔識打牌嘅，試問一個唔識打牌嘅人又點做你哋『雀魁』呢？」孖二姐笑道。

在場的叔伯兄弟又開始議論紛紛，有些人更嚷著：「白長老，唔妥喎，點可以畀一個唔識打牌嘅人做我哋『雀魁』架？」

孖二姐這刻在想甚麼真的無人猜得到，我只知道本應已明朗化的「雀魁」之寶座，現在又充滿了變數。

突然，孖二姐走了過來，悄悄在我耳邊問道：「喂，𡃁仔，你識唔識打牌架？」

我點一點頭，反問：「做乜呀？」

孖二姐沒有回答我，卻對著在場的所有人，道：「各位，因為我係兩大聖物嘅擁有人，所以我就成為咗『雀魁』繼承人，之不過我又唔識打牌喎，恕我無辦法履行『雀魁』嘅職務．．．．」

孖二姐然後指著我，再高聲地道：「喺咁嘅情況下，我唯有根據你哋個門規第乜乜章乜乜節，我將『雀魁』個位交畀呢個𡃁仔！」

這回，輪到我被孖二姐嚇得跳了起來！

沉寂了一段時間的龍夫人，這刻聽見孖二姐要傳位給我，也即時生氣得彈了起身，失聲叫道：「吓，你搶個位嚟畀呢個𡃁仔做？你哋有路架？」

龍夫人的說話聽來很諷刺，因為真正跟我「有路」的人是她。

「嘿嘿，咁我係雞嚟嘛，我一直都係靠同人有路維生架啦，咁我要同人有路有幾奇呀？之不過，我同呢個𡃁仔咩關係都無喎。」孖二收起笑容，再正色的道：「其實今次全靠佢，我至可以為雲海做返啲嘢，阻止到佢一手打造嘅基業被你呢個賤妾毁於一旦，今日係我一生人入面，除咗嫁畀雲海嗰日，過得最開心、最有尊嚴嘅一日，所以我專登用『雀魁』個位嚟報答佢！」

我聽到孖二姐的說話，心情也變得激動起來，不是因為我可以成為「雀魁」，而是我的出現竟然令一個本應過著糜爛生活的老舉，能夠把守著自己深愛的人之心血，亦可以挺著胸膛尋回自己久違了的快樂和尊嚴。

但是，雖然有孖二姐這個「雀魁」繼承人的推薦，眾叔伯兄弟仍對我投來懷疑的目光，紛紛說著：「吓，畀呢個𡃁仔做？佢掂唔掂架？」

這刻，「寧波紫霞」的阿紫站了出來，朗聲道：「如果由佢做『雀魁』，我哋『寧波紫霞』心悅誠服！」

眾人聽到阿紫的說話，便立即安靜下來。

阿紫繼續道：「我哋『寧波紫霞』出道咁耐，曾經同無數一等一嘅高手對賽都未嘗一敗，之不過，我哋前晚，就輸咗喺佢手上。」

阿霞又道：「我同師姐都未見過啲咁厲害嘅對手，我哋『零敗』嘅不敗神話畀佢打破咗啦！」

聽到「寧波紫霞」這樣說，在場所有人都「嘩」了一聲，顯然不能夠相信眼前的我這個「𡃁仔」，竟然曾擊敗「龍雀門」中最頂尖之高手。

但他們不知道我之所以能夠打敗「寧波紫霞」，完全是因為有福伯的暗中幫助。

「哈哈，好，非常好！」阿綠哈哈大笑，拍著手道：「我呢兩個徒弟就係打牌打得太叻，一直都未逢敵手，外界仲竟然封咗一個『零敗紫霞』嘅稱號畀佢哋，搞到佢哋更加目中無人，今次真係估唔到佢哋終於都嘗試到失敗嘅滋味，既然連我呢兩個咁高傲嘅徒弟都甘心拜服你，由你做『雀魁』就一定無錯架啦！」

阿彤笑道：「連綠師姐都咁講，我阿彤都撐你做我哋『雀魁』！」

「吓？不過我唔知做唔做得嚟喎！」我受寵若驚地道。

雖說之前有幻想過可以分得龍雲海的麻雀館，到現在竟真的有機會當上「龍雀門」的掌門人，我卻感到有千斤壓力。

要知道我之前只是升了 VP，在公司裡已變成眾矢之的，如今竟一下子就要當一個門派之首，這個必然是「三煞位」，將要面對裡裡外外的明爭暗鬥便肯定有過之而無不及。

「小朋友，你唔好再玩嘢啦，『雀魁』個位喺『龍雀門』入便係至高無上，豈容你哋一而再、再而三咁推嚟推去，既然孖二姐揀得你，佢哋嗰幾個高手都話你掂，你就掂架啦！」白老頭再面向眾人，高聲說道：「各位，我哋新任嘅『雀魁』終於都誕生咗啦！」

白老頭此話一出，在場的叔伯兄弟即時恭恭敬敬向我鞠了一個九十度的躬。

這簡直就像做夢一樣！

白老頭將兩大聖物交到我手上，又道：「白某而家將『龍雀門』兩大聖物交畀你，而由前『雀魁』龍雲海保管嘅 30%『龍雀門』股權亦都將會轉到你名下，由呢一刻起，『龍雀門』就由你帶領！」

龍夫人見到這情景，便不屑的「哼」了一聲，再將面拎轉另一邊。

孖二姐卻走到龍夫人的身邊，拍一拍她的肩膞，道：「你個胸就夠晒大喇，不過胸襟就細咗啲喎，乜你無聽過『唔係你財、唔入你袋』架咩？加上份『婚前協議書』都畀你毁滅咗咯，你都可以繼承雲海私人名下嘅財產啦，之不過如果我入稟法院同你爭嘅話，你就可能得返一半架咋，枉你呢個後生女陪個老嘢咁耐，到頭來只係分得雞碎咁多，真陰公！」

龍夫人怒道：「你想點呀？」

「無，我想同你做單交易啫，如果你肯交雲海嘅骨灰畀我，我可以放棄同你爭雲海嘅遺產，咁著數你無理由唔應承啫？」孖二姐笑道。

「好，妾身應承你！」龍夫人爽快答道，再對岑學羚說：「岑律師，你即卡幫我哋打份合同。」

孖二姐雖然只是一介風塵女子，但氣節之高尚實在令人景仰，為了將心愛的人之骨灰帶回鄉下安葬，竟主動放棄可能數以億計的遺產。

反而名醫楊禮韜生於上流社會，卻為了利益陷害自己的親哥哥。

事件總算是告一段落，阿綠見人群散得七七八八，便伸一伸懶腰，走到我身邊，笑道：「好，呢個結局都算係 Happy Ending 啦，以後『龍雀門』就靠晒你啦！」說罷，便跟阿彤一起轉身離開。

「師父、師叔，你哋去邊呀？」阿霞急急問道。

「近排發生太多事啦，我同綠師姐會周遊列國，搵唔同嘅麻雀高手較量，順扁散下心。」阿彤答。

「你哋唔等埋聽日師公出殯先？」阿紫追問著：「仲有，師父你走咗，咁『當家』個位點呀？」

「師父個人都死咗咯，佢唔想『龍雀門』畀外人吞侵嘅心願我哋都做好，出殯呢啲形式上嘅嘢有新『雀魁』喺度咪得囉。」阿綠拍一拍阿紫的肩，道：「之於『當家』個位，就由身為大師姐嘅阿紫你做啦，以你而家嘅斤兩，呢個位一早勝任有餘啦。你同阿霞兩姊妹記得要一條心好好輔助『雀魁』搞好『龍雀門』呀！」

說罷，阿綠正準備踏出門口之際，忽然又走到我面前，道：「係呀，唔好話我唔提醒你，你要小心啲嗰塊『玄鐵起莊』呀，玄鐵導熱特別快，有次『玄鐵起莊』畀麻雀枱燈照咗一陣，師父一唔留神將手臂壓上去就即卡辣燶咗，仲搞到有笪三角形疤痕添呀。」

哦！原來龍雲海手臂上的三角形黑影，不是胎記，也不是紋身，而是「玄鐵起莊」的烙印！

一直以來的疑團終於都解開了。

阿綠又望了「寧波紫霞」一眼，再對我道：「仲有一件事，我希望『雀魁』你可以答應我。」

「唔知係咩呢？」我問。

「我希望你可以對『當家』有啲表示，話晒阿紫佢頭先都係第一個企出嚟當住眾人面前撐你做『雀魁』。」阿綠頓了一頓，又道：「因為到而家為止，我只係見到『當家』單方面撐『雀魁』，我哋又只係啱啱識你唔知你為人，所以好想知道你呢個『雀魁』對『當家』係點？如果『雀魁』同『當家』建立唔到一個雙向而有互動嘅良好關係，『龍雀門』無可能會搞得好，而我哋亦都走得唔放心。」

我點一點頭表示認同，再向著阿紫，衷心地說：「頭先真係唔該晒，我哋以後就一齊搞好『龍雀門』啦！」

「吓，就咁講句唔該行貨咗啲喎，起碼都要咀返啖啦，嘿嘿！」阿彤插嘴笑道。

阿紫的臉蛋即時脹紅一片，道：「彤師叔呀．．．．」

我想外表洋化的阿彤思想可能比較熱情開放，而親臉亦屬外國基本禮儀並無傷大雅，便順應她的意思，在阿紫的臉頰上輕吻了一下。

「哈哈，咁就差唔多！」阿彤高聲笑道，再跟阿綠說：「師姐，時候唔早啦，我哋走啦。」

就是這樣，我跟「寧波紫霞」便目送「北海綠，南京彤」離開了。

而我就糊裡糊塗成為了「龍雀門」的新主人。

（待續）