175 Like
26 Dislike
葉開葉開
2019-08-29 21:32:21
二十
正當Jason講完等黑警回答之際…
「何大律師,請你留意你既用字,唔好再用呢啲咁過份既用字。」鍾官突然插口。
…
我真係完全睇唔出邊一粒字過份?
最多係突然用一個比較重既語氣去同證人講野啫?但打官司用呢種做法盤問證人好常見呀。
「唔好意思,法官閣下。」Jason處變不驚地微笑道,然後轉個頭再對住黑警警長追問:「咁警長先生,你同唔同意我啱啱所講既事呢?」
得到法官既暗示撐腰,黑警登時自信滿滿咁道:「我唔同意,當時既情況真係好危急!」
「如果係咁既話,」Jason慢條斯理咁繼續進逼:「麻煩你睇下呢幾幅相。」
Jason將幾幅相交左比法庭既書記,再由書記分別再遞比鍾官同黑警警長,應該係幾幅現場既相黎,上面係響現場拍攝既照片,上面有好多唔同食物散落一地既相。
「呢幾幅係你地警方響現場拍攝既。警長,你同唔同意現場有好多小食、下午茶餐、有啤酒、有紅酒、仲有其他飲品?」Jason問。
黑警警長望住啲相,點一點頭。
有相為証,冇得唔認。
「嗱,呢啲相係你地警方無意中拍埋啲食物落去,咁冇得作假啦?」Jason又問:「你同唔同意,響相入面,根據啲食物既分佈位置,同埋啲枱枱凳凳既擺法,班被告人似係開緊Party多過策劃恐怖襲擊?」
黑警警長張開口未答之際,Jason加多左句:「你諗清楚先好講,你睇第四幅相上面個豬扒包仲有個牙印響上面。」
鍾官又突然皺住眉頭咁同Jason講:「何大律師,請唔好中斷證人發言。」
黑警根本就未開始講野,何來中斷證人發言呢?
「係既,係既。」Jason再笑道:「唔好意思,法官閣下。」
「er…就算佢地開緊Party,都唔代表佢地唔會開完Party之後就開始行動架?」黑警沉住氣反駁。
「但係警長,你記唔記得你自己啱啱講過乜野?」
「乜野?」
「係你自己話,當時你地一入到去既時候,全部被告人已經準備好,拎晒所有裝備去禮賓府。」Jason自信地微笑道:「定係你口中既裝備,係一杯珍珠奶茶?」
旁聽席響起一陣細小既笑聲。
「肅靜!」鍾官喝令旁聽席既小市民。
旁聽席即時靜左落黎。
「警長,定係你地警方係每次行動之前,都會一樣又煙又酒又開大食會、全身配備珍珠奶茶咁,所以你地已經認定佢地可以隨時出發?」Jason再質問黑警警長。
「…唔係。」黑警猶豫左一陣,又道:「我地警方好專業。」
「咁你同唔同意,其實佢地根本只係響度開緊Party,並冇任何危險既舉動?」
「唔同意。」
「我向你指出,你地警方由頭到尾都知道上述地址既學生只係響度集中埋一齊聚會,根本冇咩計劃要夾埋一齊整炸彈,更加唔好提恐怖襲擊。」Jason有力地道:「根據我個客人指示,呢個聚會純粹係因為佢前一晚離家出走而突然舉行既聚會,所以你地收到消息之後根本冇合理懷疑去法庭申請搜查令,亦都冇時間去申請搜查令,所以先突然集合警力,夾硬爆門入去捉班學生,目的係搵佢地祭旗,幫近日既示威降溫。你同唔同意?」
「唔同意!」黑警警長怒道:「佢地有收埋爆炸品響間工業大廈單位入面架!」
Jason搖搖頭,道:「警長,不如你睇下你地警方既報告先?啲所謂炸彈、炸藥,上面係冇提過有任何人既手指模響上面。」
「…」
「冇野講啦嘛?」
「佢地整炸彈既時候可以全部帶晒手套架嘛!」黑警警長怒道:「而且我地份報告冇提呢樣野唔代表冇!可能係唔記得寫落去啫!」
「如果你地冇寫到落份報告入面,係你地既失職,亦都係一個疑點。」Jason淡然地道:「基於疑點利益歸於被告呢個法律原則,你地根本證明唔到我當事人有整過炸彈甚至乎有掂過果啲炸藥。」
「何大律師。」鍾官突然插口,用一副嚴肅既口吻道:「本席覺得警方點做野有佢地既自由,佢唔鍾意寫落去又點?你作為一個局外人,唔應該諸多意見。」
乜話!?
局外人?
佢係代表緊其中一個被告人架!
點會係局外人呀!?
Jason先係呆左一呆,再微笑道:「法官閣下,我係希望向陪審團帶出一個訊息,就係警方既證供存在明顯漏洞…」
Jason都未講完,鍾官就打斷佢既發言:「本席唔覺得呢個係啲乜野證供漏洞,亦唔覺得呢個係啲乜野疑點。本席覺得警察點做野唔駛你教。」
有冇搞錯,鍾官究竟知唔知自己講緊乜野!?
只見鍾官意猶未儘,轉頭向陪審團道:「本席需要比一比法律指引各位陪審員。剛才何大律師講既野,正如本席所言,並非疑點或者漏洞,只係警方做事既另一種方式,所以各位陪審團並唔需要將剛才何大律師既說話作任何考慮。你地當佢冇講過既野就得架嘞。」
我眼中如噴出火來。
Jason面上儘量保持住冷靜,但我見到佢緊握住雙拳,心入面應該都係同我一樣充滿不憤!
而黑警警長就露出一副勝利既笑容…
可惡!
可惡呀!!
鍾官響審訊既咁早階段已經偏幫到出面!
之後既審訊…仲可以點?
(待續)
最獨苦人參
2019-08-29 22:00:36
推
葉開葉開
2019-08-29 22:27:07
多謝苦人巴
死神柯南
2019-08-30 01:51:58
前兩作已經開始追
但近兩個月差唔多晩晚mon post
見到出新文都唔得閒睇
今晚先一次過追到live
光復香港 時代革命
大肥雞髀
2019-08-30 02:03:13
推
我想移民
2019-08-30 03:02:48
睇鍾官講野睇到我咬牙切齒
寫得好到肉 晚晚入黎睇
最獨苦人參
2019-08-30 03:19:30
推
葉開葉開
2019-08-30 09:00:42
多謝支持呀!
好明白呢種感覺…
呢兩個月真係晚晚訓唔安樂…
有時會連打文既動力都冇埋
總之
光復香港 時代革命!
五大訴求 缺一不可!
天佑義士
葉開葉開
2019-08-30 09:01:03
多謝雞髀巴
葉開葉開
2019-08-30 09:02:04
我其實有啲悲觀,我相信而家既司法體制下面充斥住唔少呢啲官,尤其是裁判法院
葉開葉開
2019-08-30 09:08:30
多謝苦人巴
WfcwhoIAm
2019-08-30 10:06:45
新讀者留名
葉開葉開
2019-08-30 13:11:23
多謝WFC巴!
呢鋪大檸樂
2019-08-31 11:35:19
葉開葉開
2019-08-31 13:19:42
大檸樂巴
葉開葉開
2019-08-31 13:21:16
咦,今日有演唱會聽喎
//
Tommy - 阮民安
琴日同左幾個唔同嘅傳媒做訪問,做到好夜,之後睇電話,發現有九個手足因為莫明奇妙嘅理由俾人拉左!感覺無奈又憤怒!
今日起身又發現上唔到連登,咁啱今日又無野做,好悶,咁不如出嚟唱歌啦~
好,我喺度正式宣佈---[沒有國泰,還有民安] 港島區流動演唱會,喺下午三,四點左右銅鑼灣隨時開始。
如果順利,一路同您地唱到去金鐘,中環,好唔好?想聽我唱歌嘅您地,唔使諗啦,快D出嚟啦!想聽咩歌,喺留言話我知啦🤗
今日只係一個好普通嘅一個星期六,無咩特别,人生流流長,有排都未完,有排都未endgame,香港人行街睇戲食飯係好基本,總之所有手足,齊上齊落,幾多人出去,幾多人返屋企,OK?
我嘅性格就係咁,你越唔俾我唱,我就要唱得越大聲,咁多位手足,一陣,街上見!
今日,我地一齊唱,一齊笑,一齊喊!香港人加大油!!!我會在❤
//
唔明人地點諗
2019-09-01 12:07:31
葉開葉開
2019-09-01 21:52:37
對唔住,咁多位讀者,樓主唔知自己呢排仲可唔可以keep到每日一更,呢兩日發生既事真係令到我個人好撚嬲,同時又好撚灰
我應承大家,呢個故絕對唔會爛尾,但樓主想響度請幾日假先,幾日之後一定會繼續寫落去,只係我而家真係乜野都寫唔出…大家休息完之後一齊繼續上路,記住同路人大家要互相扶持
光復香港 時代革命
皇天擊殺 香港警賊
五大訴求 缺一不可
葉開葉開
2019-09-01 21:53:10
香港人加油
我地係唔會輸架
Dimlyeung
2019-09-01 22:05:09
樓主 we are with you!!!
一定一定要寫埋落去
等幾耐都等
葉開葉開
2019-09-01 22:06:10
一定!
大家響逆境都千其唔可以放棄!
We stand together !
大肥雞髀
2019-09-02 20:08:43
加油啊葉開巴
葉開葉開
2019-09-02 22:49:38
大家都要加油!
比起前線同黑警搏命既義士同記者,我只係好渺小!
葉開葉開
2019-09-02 22:57:12
一個廢中的自白
望住床上面既Jenny沉沉睡去,我都由床上面起返身,緩緩咁落返床。
望住Jenny疲倦既樣,再望住佢微微隆起既腹部,我心入面真係忍唔住痛愛既感覺,輕輕咁錫左佢塊面一啖。
「老婆,辛苦妳喇,陀住BB都同我企出黎行。」我望住Jenny喃喃地道。
Jenny依舊都係咁善解人意,而且知道最近就算係和平既遊行,響班黑警出黎之後都會一遍混亂,又催淚彈又乜又柒,但佢擔心我危險,所以就算粗身大細都堅持要陪我一齊行。
好慚愧,我唔撚夠膽搏命。
我好撚好彩,讀中學讀大學果陣淨係可以掛住踢波、搞外遇,果陣就算係政治問題,都只係年年七一遊行,好次晨運咁,之後就拍下比啲掌聲自己。
港豬就係咁鍊成的。
我慢慢咁、靜靜咁行返出廳,開著N○W新聞台,再次見到無數既手足響奮戰下被黑警殘暴咁捉走…
我好撚心痛,係好撚痛!眼淚不停咁流落黎!
好慚愧,我冇撚用,自問只係和理非,做唔到前線手足做既野。真係做到既,只係和理非可以做既野,同埋捐錢比星火同盟。
兩個幾月喇…
我最接近戰場果次,都只係響戰鬥初期同幾個素未謀面既手足幫下手搬下物資…
果陣好撚深刻既係,有個應該係唔知頭唔知路既人影相,有幾位前線手足突然怒喝佢,唔比佢影。
果條友應該真係唔小心個鏡頭對準佢地,佢即刻解鎖手機比幾位手足check,手足check完之後同佢道歉,話因為佢地之前都比人影過大頭,所以先至會咁大反應…
我響旁邊目睹呢一切,果度已經完全唔係前線,班手足都咁大壓力,真係衝鋒陷陣果班手足面對既心理壓力可想而知…
而我而家望住新聞,望住一班痴撚線既黑警無差別咁鳩打市民,再諗起果班素未謀面既手足…
我唔敢再諗落去…
當日同我同場既果一班大家都唔識大家、但會互相幫忙既手足,你地安好嗎?
願大家都平安呀。
記住,當打贏場仗既時候,我地會有響煲底除口罩相認既一日。
到時,你再話我知,原來果日就係你同我呢條柒頭搬野架喇。
…
我望一望個鐘。
十點。
我打開窗。
「光復香港!」
「時代革命!」
(我和一個o camp女女的故事 廢中自白篇 完)
頹摺毒廢鳩
2019-09-02 23:02:19
Push