完全正確
【舊五大訴求,只係君子協定】
五大訴求係乜嘢,大家都已經背得到出嚟,因為我哋唔想好似啲畀錢去撐警既藍絲咁,連自己要求係乜嘢都講到1999。
但係我諗無論大家同政府都應該要搞清楚,所謂《五大訴求》,係612警暴冇耐之後提出嚟嘅。兩個幾三個月之後嘅今日,唔怕老實講,原始版本既五大訴求,係好OUT。
好簡單,612 嘅警暴令到我哋覺得冇辦法接受,係因為我哋以雨傘時代作為標準。但係今時今日香港警察濫用暴力既嚴重性同埋頻繁程度,已經係以幾何級數倍增,爆缸聯針當平常,重要日日打暈一兩個, 簡直係去到無法無天嘅地步。暗角七警打完曾健超,個人都起碼仲識行識走;朱經緯都係打橫一棍掃過去,一棍就收手。而家睇返,我哋係咪應該頒返個最克制警員獎畀佢哋 ???
咁多令到示威者身體傷殘嘅警暴發生之後,而家仲講乜嘢獨立調查委員會,就簡直係笑話。如果林鄭而家出嚟話,會成立真正獨立調查委員會調查事件細節及起因(親,不一定只有關警暴哦!),大家係咪就收貨?
至少我唔會。
呢隊警察係呢三個月以來做嘅事情,大家睇得一清二楚。需要既唔係調查,而係需要懲處相關嘅警察!同埋逮捕並起訴一直以嚟參與暴力事件嘅黑社會同兇徒!
所以就算而家林鄭(終於)話撤回逃犯條例草案,sorry,too late。五大訴求,係有時限性。一早6月9號之前撤回,香港警察都仲係香港警察,亦都唔會有超過一千人被捕,好幾個年青人自殺斷送生命,更加唔好提眾多示威者受到內傷骨折爆眼等等嘅嚴重傷害。之前寧願講"the bill is dead" 都唔講撤回,而家一地鮮血,令香港嚴重分裂之後先至講撤回,然後諗住可以過骨?
呢個世界冇咁便宜嘅事。
我哋一直堅持五大訴求,不過係建基喺一個公平立場上嘅君子拹定。但呢個協定,係呢幾個月橫蠻無理嘅暴力同打壓之下,我哋冇必要繼續遵守。如果真係想個社會安定落嚟,我哋要重新諗過一系列令到大家滿意嘅訴求。施暴嘅警察係要被起訴,相關嘅官員都要問責落台,呢啲係必然。仲有其他,希望大家集思廣益,盡快定出新標準。
如果我哋而家接受撤回草案就好似贏咗咁,我哋已經死去嘅朋友係唔會原諒我哋嘅。 佢哋未行完嘅路我哋繼續行緊,而個終點係有排都未見到。
香港仍未光復,時代革命必須繼續。
SCMP Link:
https://www.scmp.com/news/hong-kong/politics/article/3025641/hong-kong-leader-carrie-lam-announce-formal-withdrawal?utm_content=article&utm_medium=Social&utm_source=Facebook&fbclid=IwAR3bLPMmkeLzHxbZ6FoV_ZpHv0-KHu1WPrOTs1kSxt29i3mKuSP5jlHPVG4#Echobox=1567577281
#五大訴求 #撤回 #反送中 #光復香港時代革命
#HongKong #antiELAB #HKprotests #TerrorAttacksbyHKPolice #freeHongKong #ChiNazi