(親情/社會)我個仔被老屈藏有炸藥

440 回覆
170 Like 26 Dislike
2019-07-30 21:40:07


「又係班人搞搞震!」我響屋企一路食晚飯,一路望住某大台無○播住新聞,見到一班年輕人響立法會附近度同警察對峙,我忍唔住出聲鬧:「好心就返屋企好好地讀書喇,響度搞亂香港。」

「…」我個寶貝仔阿禮坐響我旁邊,好似對電視上面既畫面冇乜反應。

都唔奇既,我呢個寶貝仔都唔理政治既,同電視上面果班後生仔完全唔同!

佢好叻仔呀,考入左港大法律系,好快就可以同我一樣做律師架喇!

「唉,真係搞亂晒香港,收埋美國佬啲錢搞搞震!」我一路食一路鬧:「凸手都話今次既示威係有外國勢力滲透,呢班後生仔真係讀屎片!咁易受人煽動,又收美國佬錢!」

我越鬧越起勁,完全冇為意阿禮響我旁邊食飯揸緊筷子隻手都響度震緊。

呢個時候,電視影住一班防暴警察慢慢向住示威者推進,班年輕人手無寸鐵,竟然諗住用遮擋就算?真係冇腦。

「禮,你話班人係咪冇腦架?」我忍唔住嘲笑佢地:「拎住班遮,帶住安全帽同眼罩就想同警察鬥?真係打死你地呀!」

我冇留意到既係,阿禮除左手震之外,連個身都響度震緊。

「唉,真係阻住我地發達…」我嘆口氣:「明明我地已經入左收成期,真係阻住我地賺錢…」

我係一間小型律師樓既老闆,雖然只係細firm,但係都搵得ok,其實有閒錢可以供埋阿仔去外國讀書,不過佢話唔想喎。

「我唔會走。」果陣阿禮好堅定咁同我講:「香港呢度係我屋企,我會好好守護住呢度,即使我只係個學生。」

都幾感動架。

我呀,真係以呢個仔為榮架。

呢個時候,電視畫面入面既防暴警察突然間成班衝前,好多示威者走避唔切,比班防暴警察用警棍一棍又一棍咁打落去。

後面仲有另一班防暴警察用胡椒水狂噴班示威者。另外見到班防暴好似準備射埋催淚彈。

「好!打得好!邊個叫你地收美國佬錢響度搞搞震!你地唔想中國強大起黎咋嘛!」我越睇越起勁。

呢個時候畫面影住有個十幾歲既妹妹,走避唔切跌左落地,幾個有盾有警棍既防暴警察見機不可失,即刻衝埋去亂棍咁打。

「哈哈!抵死喇!妳啲同伴都唔要妳喇!」我嘲笑電視入面既妹妹。

啪!

突然間好大既拍枱聲響我旁邊響起。

同一時間,電視入面妹妹既同伴真係回頭想救佢,但係比防暴警察打埋一份。

我轉過頭望住拍枱聲既來源。

阿禮成身震晒咁企直左個人,用一種我未見過既眼神望住我…

而電視畫面上面幾個年輕人已經被打到頭破血流。

「爸爸,其實我忍到今日已經忍左好耐。你夠膽既再講多一次?」阿仔用堅定既語氣望住我。

「吓?禮,你講乜野話?」我個寶貝仔未試過用呢種語氣同我講野…

此時,播住幾個年輕人比警察狂打既畫面突然慌慌忙忙咁中斷左,轉左去另一個畫面…

有個無○既記者企左響一堆塼同鐵棍隔離報導指指點點,話示威者預備左一堆武器。而附近企左一大班警察。

「你見到一班手無寸鐵既市民咁樣比人打,你唔覺得有問題既咩?」阿仔好似變左另一個人咁質問我。

「佢地…佢地搞亂香港!」我一時間反應唔切:「係喇,佢地自己走去推警察先,所以警察先還手咋!」

「佢地搞亂香港?咁當權者既暴政叫乜野?好,退一萬步咁講,我當佢地真係衝先,佢地用乜野衝?遮?水樽?」阿仔咄咄逼人。

「乜野呀!佢地會掟磚頭,仲有,你睇下啲鐵通!佢地用黎打差人架!」我指住無○新聞播緊既電視畫面。

「哦?」阿仔直視住我:「你有見到有示威者拎住鐵通定磚頭攻擊警察既畫面?」

「…」我默然無語:「總之,佢地衝就一定係唔啱。」

「就算佢地係衝唔啱,你唔覺得警察用緊過份武力?」阿仔指住電視:「啱啱個女仔已經跌左響度,冇晒攻擊力,要幾個防暴警察亂棍咁打佢?要射催淚彈?」

彷彿好似要遮掩自己既無理,我越講越激動:「打得啱架!佢地收左美國佬錢要搞亂香港!打得好!」

「我比十萬蚊你,你同我企響防暴警察面前食棍食胡椒食催淚彈,好唔好?」阿仔咄咄逼人地反問。

啪!

我唔知點解忍唔住,一把打左落阿仔塊面上。

「我咁辛苦供書教學供到你讀大學,一個人父兼母職湊大你,你咁同爸爸講野?」我既語氣好嬲。

阿仔企定定咁望住我,毫不示弱:「媽媽望到而家既你一定會好失望。」

我衝動地再打多佢一巴。

阿仔毫無懼色:「比起班義士,拎自己既前途同性命黎相博,你呢幾巴根本唔算啲乜野。」

「你比美國佬洗左腦!」我嘗試平心靜氣去說服佢:「佢地唔想中國強大咋。你唔係都有去參加呢啲遊行示威下嘛?」

阿仔冇答。佢望住我,再搖搖頭:「呢啲外國勢力論我聽夠喇。」佢拎起個袋,慢慢走向屋企門口著起鞋:「爸爸,你講得啱,你湊大我養我好辛苦,我好多謝你,所以我忍到今日我先至出聲。」

然後佢推開家門:「但係讀左咁多書我先會知道乜野係啱同錯。你都係律師黎,你諗下你啱啱究竟講左啲乜野?」

「喂,你咁夜要去邊?」我大叫。

「宿舍,同同學傾present。」

我知唔係。

佢係唔想對住我呢個爸爸。

「你唔好去遊行示威呀!」我急道:「有用架咩?政府會聽你講架咩?佢地對國家負責架咋,你唔好浪費自己時間!」

「高牆同雞蛋,我永遠企響雞蛋果面。」阿禮背住我企左響度。

「雞蛋打落牆咪爛囉,會死架!」

「錯。」阿禮終於擰轉頭望住我:「高牆只係冇生命既死物,而雞蛋總有一日會孵化為雞仔,即使幾艱難都好,都會用佢地既腳一步步咁跨過高牆。」

嘭!

門關上了,剩低我一個默默咁對住度門…

「…暴徒好有可能就係想用呢啲遮做武器,攻擊警方,所以我地逼不得已先要開橡膠子彈自衛…」電視播出某位督察既聲音響大廳中回響。

響屋企中回響。

而我都估唔到,呢一次會係響發生「果件事」之前,最後一次見到阿仔。

(待續)
2019-07-30 21:49:32
大家好,幾個月冇寫故了,希望大家唔好唔記得樓主。

本身已經開始落筆寫緊阿熙故,但由6月開始,我根本冇一日可以安心咁寫。

我成日響度諗,除左出去之外仲有乜可以做?

逆權大狀係一套啟發左好多既電影,以此為契機,我想寫一部類似既小說,希望可以帶到啲野比大家。

呢部垃圾絕對唔敢自比逆權大狀,但作為一個寂寂無名既網絡作家,只要有一個人都好,覺得因為呢部垃圾而改變,我已經覺值得。

我都明白呢類題材,絕對係好難寫得,吃力不討好,但我想寫,希望大家唔好嫌棄。

最後,天佑義士、天佑我城,皇天擊殺狗隻。

ig: leafopen3
fb: leafopenleafopen
2019-07-30 22:08:36
唔好意思,補充多小小更新時間。

同之前一樣,逢星期一至四每日更新,星期五至日至少一更,但今次真唔敢講會唔會甩期,有陣夢遊又好睇新聞又好,真係會用左好多時間,同埋個人會冇晒心機。

但我會儘量唔甩期既。

多謝大家
2019-07-30 22:16:21
push
2019-07-30 22:30:49
睇到雞蛋同高牆,我想喊
2019-07-30 22:43:22
多謝巴打,共勉之
2019-07-30 22:44:27
雞蛋永遠令人感動
呢幾個月有無數咁多隻雞蛋冚落高牆度,無畏無懼,令人動容
2019-07-30 22:45:28
而家有狗響葵涌開槍…作為一個市民,真係心碎…
點啲只係普通市民,唔係葉繼歡呀…
2019-07-31 04:06:11
香港加油 葉開威加油
2019-07-31 09:05:41
手足們加油,最緊要各位平安
2019-07-31 09:27:20
大家要唔好再對班狗有任何人性嘅幻想 佢地最想一出嚟就打死人 就算唔係槍 係棍都一樣 大家出去真係要部署好先 唔好鳩嚟
2019-07-31 11:00:37
請繼續
2019-07-31 17:25:56
2019-07-31 17:34:55
我老豆 望住電視新聞畫面中 一個巴打戴住單車頭盔比人清場拘捕

“哇你睇下 幾好玩呀 又頭盔又盛 成個鐵甲威龍咁 好似打War game咁呀哈哈”

呢一刻 我理智線已經斷了
2019-07-31 17:49:39
Push
2019-07-31 17:55:33
以為你講緊佢,人地屋企已經好徬徨費心呢個政府真係好撚仆街
2019-07-31 19:04:56
一早已經冇…
佢地連最基本既人性都冇
其實一個有良心既人,點會落得到手?
2019-07-31 19:05:06
今晚會,多謝支持
2019-07-31 19:05:20
thx大檸樂巴打
2019-07-31 19:07:06
卡比巴真人真事?
我慶幸自己屋企人唔係咁,但可惜我老闆係,嘗試過一兩次同佢講道理,最後覺得溝通唔到,最後我而家選擇無視佢既嘲笑
2019-07-31 19:07:20
thx bro
2019-07-31 19:09:14
sorry…
但呢個故部分情節係有參考過時事
主要係蠔涌案同荃灣工廈案
而由始至終我都相信所有既被告人都係比政府或者狗隻做
2019-07-31 19:09:54
Push
2019-07-31 21:29:01
thx巴打
2019-07-31 21:33:30
人物示意圖

(頭盔:純9up,真人同個故仔角色冇關)

劉卓仁



阿禮 - 劉學禮



本故事純屬虛構,如有雷同,實屬不幸
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞