(親情/社會)我個仔被老屈藏有炸藥

440 回覆
170 Like 26 Dislike
2019-09-19 16:13:49
知唔知邊到有得睇逆權大狀 想睇
2019-09-19 17:33:09
新讀者lm
第一次睇故睇到眼濕濕
2019-09-19 17:38:39
真⋯
2019-09-19 21:27:40
係…甚至乎現實比故事更恐怖
2019-09-19 21:30:06
免費既我都唔知,不過上YouTube有好多相關影片睇…但強烈建議睇左電影先

我好多次淨係睇影評都睇到眼濕濕…我心目中最好既電影
2019-09-19 21:30:26
多謝美欺巴
2019-09-19 21:30:43
2019-09-19 21:36:20
二十八

響Jason既帶領下,我地好快就去到手術室門口。

「你又會咁熟路既?」我好奇之下問。

「哦,我有一排成日都過黎搵啱啱幫我手果個好朋友,有時佢未收工我又悶悶地,咪響醫院入面周圍行囉!」Jason大言不慚咁講。

其實…

佢果陣響醫院咁行黎行去會唔會阻住啲醫生做野架…

而且…

「世侄,其實你有冇諗過要正正經經咁搵個固定既女朋友呢?」我終於忍唔住問。

當然,其實佢唔係我個仔,我係唔應該加把口去過問佢私生活。

大家都係成年人喇,係咪?

但我可能個人守舊小小,又唔想Jason呢個後輩既生活咁唔檢點,所以先用呢個方式間接提下佢。

「我有女朋友架喇。」Jason終於自信咁笑返。

當下我真係難以置信…有女朋友就唔應該周圍撩女仔!

正當我想追問既時候,Jason率先開聲:「到喇。」

我地到左響手術室既門口稍遠既位置,企左響度。

始終我地唔係保安哥哥既家人,無謂行到咁近打擾佢地。

不過我左望右望,淨係見到一個衣衫襤褸既老婆婆坐左響手術室張長凳外面,一副憂心忡忡、不知所措既樣。

我再抬頭望一望手術室,盞紅燈仲著緊,即係入面既病人仲係搶救中。

「過去坐下喇。」我向Jason提議:「唔知要等到幾時。」

Jason雙目既眼光注視住果位老婆婆,聽到我說話之後微微點頭,同我慢慢咁行去另一面既長凳。

我地兩個靜靜咁坐左響度,不發一言。然後唔知過左幾耐…大約都有兩個幾鐘,手術室既紅燈終於熄左,大門亦都隨之打開。

幾位醫護人員推住張病床出黎,上面訓住既係包紮晒既保安哥哥,而後面出黎既,係幾位著住手術袍既醫生。

一見到咁多人出黎,果位衣衫襤褸既老婆婆突然快速咁企起身,近乎係衝埋咁行埋幾位醫生度,個樣已經係喊晒出黎,係咁流眼淚。

「醫生!醫生!」老婆婆不由自住咁捉住醫生既衣領係咁搖:「良仔…良仔佢點呀!你地一定要救返佢呀!我得良仔一粒仔架咋!」

聽到呢到我心中一酸,諗起自己都係得一粒仔,同樣都係身陷險境。

但至少冇生命危險。

「婆婆…婆婆…」醫生比老婆婆搖到頭都暈:「妳唔好搖…好辛苦…抖唔到…氣…」

老婆婆聽到之後停低雙手,再用右手抹一抹眼淚:「對唔住…但係…醫生…你要救返佢…」

「婆婆…」醫生終於抖返順條氣:「我地已經儘晒力…」

醫生都未講完,老婆婆即刻又衝上前再捉住醫生既衣領:「唔會架!醫生!你地一定可以救得返佢架!良仔唔會死架!佢仲未娶老婆架!佢話會結婚之後會生幾個孫仔比我湊架…嗚…嗚…」

真係…見者傷心…聞者流淚…

我自己都同時諗返起老婆走左既時候既情形,一時觸景傷情,忍唔住都流左幾滴眼淚出黎…

醫生不斷比老婆婆瘋狂咁搖,最後忍唔住用力推開老婆婆,而且好快手咁除左口罩。

佢除口罩做乜呢?

正當我諗緊呢樣既時候,只見醫生一除左口罩即刻擰轉面嘔左出黎,仲要嘔到成地都係。

老婆婆比呢個場景嚇到呆左,一時之間反應唔切,呆左咁望住醫生。

遠處幾個清潔阿姐見狀即刻過黎抹地。

嘔順條氣之後,個醫生好勞氣咁同老婆婆講:「婆婆,我知妳好擔心妳個仔!但妳可唔可以聽完我講晒成句先呀!」

老婆婆繼續呆左咁望住醫生。

醫生變得有啲唔耐煩咁講:「我都未講完妳就衝上黎搖我,好辛苦架嘛!」

老婆婆有啲口窒窒:「良仔…良仔…佢…」

「我啱啱正想同婆婆妳講,我地已經儘晒力去做妳個良仔既手術,所以手術好成功!病人已經脫離左危險期,冇生命危險!」



醫生哥哥…咁你個開場白…又好難唔令人誤會架喎…

我擰轉頭望一望Jason,只見佢個表情都鬆左一口氣,冇再好似今朝咁崩緊。

「該煨囉~你係就講好啲喇,嚇死阿婆咩…」老婆婆破涕而笑住咁道:「啋!啋!啋!」

老婆婆…雖然醫生講得唔清唔楚,但妳其實都應該多謝下醫生救返妳個仔…

醫生見老婆婆笑返,把聲都冷靜返落黎,再道:「不過雖然病人已經冇生命危險,但係都未知佢會幾時醒得返…呢個要睇佢自己既意志力同鬥志。」

老婆婆聽到之後,面上又再次顯出擔憂既神色,然後又再捉起醫生既衣領係咁搖:「良仔係咪會醒唔返架…醫生,你要救下佢呀!佢仲未娶老婆架!佢話會結婚之後會生幾個孫仔比我湊架…嗚…嗚… 」

可憐既醫生…

「得!得!」醫生大聲慘叫:「唔好再搖!」

老婆婆聽到醫生既慘叫先識得停落黎,然後又定睛咁望住佢。

「呢個世界冇野係100%,不過病人會醒返既機會都好大,只係唔知要幾耐時間啫。」醫生一路講一路退後。

睇黎佢真係好驚老婆婆。

老婆婆仲想上前問野,估唔到旁邊既Jason一支箭咁行左埋去拉一拉老婆婆。

老婆婆有啲愕然咁回頭望Jason,醫生都趁機一溜煙咁走甩左。

(待續)
2019-09-19 23:46:59
老婆婆呢段笑左lol
2019-09-20 00:08:14
好好睇
個故事好逼真 逼真到令人心酸
2019-09-20 00:09:12
2019-09-20 05:27:02
有乜撚問題
2019-09-20 09:35:06
Lm
2019-09-20 11:59:00
其實呢個時候更加要多d 創作 因為呢堆文化產物都係我地香港人之間嘅連結 先可以凝聚大家繼續行落去
願榮光歸香港定係呢個故都係我地香港人先明講咩
2019-09-20 12:01:27


致連登仔既親朋戚友:
求下你地幫個手簽個名
一傳十 十傳百 百傳易幻易!



土共你今日還錢味啊?無錢還就還香港出黎啦!

https://petitions.whitehouse.gov/petition/request-communist-china-government-redeem-imperial-dynasty-s-bond

記得Check verify email

[url]廣傳出去 廣傳出去 廣傳出去 廣傳出去[/url]
2019-09-20 13:38:56
為崩緊既劇情輕鬆一下吧~
2019-09-20 13:40:01
多謝美欺巴
香港變得越黎越痴線,半年之前如果睇呢個故完全唔會信香港會發生呢啲事…
2019-09-20 13:40:18
多謝
2019-09-20 13:42:33
冇錯,呢個就係我作呢個故既原因。
同電影一樣,我覺得文字有同等威力

當然我唔會亦唔敢自比係啲乜野大作家,但既然我之前都有寫開故又有人睇既,呢個故可以話係我其中一樣可以做得到既野…
2019-09-20 14:09:16
冇錯,呢度唔係剩係得政治始終有一班作家喺度我諗都可以比大家有一刻嘅放鬆
2019-09-21 09:17:55

希望香港同個故都要有個好好嘅結局
2019-09-21 11:10:40


致連登仔既親朋戚友:
求下你地幫個手簽個名
一傳十 十傳百 百傳衣幻胡!



土共你今日還錢味啊?無錢還就還香港出黎啦!

https://petitions.whitehouse.gov/petition/request-communist-china-government-redeem-imperial-dynasty-s-bond

記得Check verify email

[url]廣傳出去 廣傳出去 廣傳出去 廣傳出去[/url]
2019-09-21 11:14:24
[謙卑冷靜]上帝要其滅亡,必先使其瘋狂
http://lih.kg/maMMQzX
#751 回覆 - 分享自 LIHKG 討論區
2019-09-21 11:19:02
push
2019-09-21 17:25:08
要預備個結局要捱好多年
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞