[開心速遞]熊若水龔燁 供水線集中討論區（38）

[member]其實大家都仲好支持佢
講咁多都係想佢唔好dup返落去
話晒佢都係娛樂圈咁多年
今次真係多謝網民支持同龔燁依個角色令佢彈起
如果真係因為一時衝動 應付唔到
而比人插到跌返落去
大家都會心痛 亦唔想見到咁既情況［/member]

冇上來一排, 點知見到啲咁唔開心嘅消息

龔水CP對我黎講真係好大意義。三個月前係我人生最痛苦嘅時刻, 個陣唯一令我可以暫時抽離下嘅就係睇下龔燁同熊若水。可能大家覺得好誇張, 但如果唔係有開心速遞龔水, 蟹/stanley嘅live, 仲有呢度嘅巴絲, 我可能支持唔到咁耐。因為龔水, 因為蟹/stanley, 比我好大動力去改變, 令我可以慢慢行返出來。

坦白講, 我會咁鍾意龔水, 唔只係因為佢地劇入面做得好真摰好sweet/劇外佢地又有好多互動福利, 仲有嘅係蟹嘅正面樂觀同stanley嘅謙卑誠懇, 呢樣野好感動到我。今日見到佢地咁做, 推翻晒我之前相信嘅一切, 一時之間我真係唔知點說服自己先可以冇咁傷。

一直以來, 無論劇情是苦是甜, 都有呢度嘅巴絲陪我一齊討論, 其實係好warm嘅一件事。或者龔水紅得太快, 快到令兩位主演嘅生活帶來好多副作用, 而呢啲副作用慢慢累積, 終於大到一個點令佢地兩個都招架唔住, 或者佢地都需要啲時間慢慢消化, 磨合同成長。同時, 我地都要好好說服自己將focus放返係套劇入面, 畢竟除左兩位主演, 仲有編劇同一班幕後嘅crew都好值得欣賞支持。我知大家熱情可能都因為呢件事淡左好多, 但依然好想見到各位細心嘅分析同cap圖, 希望可以等到龔水重回正軌嘅一日。戲外嘅意見我地判斷唔到太多, 唯有將心思放返係劇情上, 或者先係對龔水/龔水黨最好。

sorry for 長篇大論