樓主B感言:
咁樣就完咗了,成個過程最想講嘅係唔好意思,開完個故又成日唔得閒作,見到大家一直不離不棄仲咁多人支持其實真係好開心,咁多位會係我大學生涯入面其中一個最重要嘅收穫。
見到有人話睇完我地個故會覺得好開心,又或者唔開心嗰陣有我地個故陪住,我真心覺得好滿足,好似做到樣好成功嘅事。我覺得生活上邊有好多好困難好唔開心嘅事,我地未必可以好好咁解決佢,但最少我地可以苦中作樂嘛,如果我地個故可以陪到你過難關,又或者令你無端端笑多一兩下,咁就太好了。
之後如果仲有機會嘅話會繼續出故,應該都係以短篇為主,題材嗰啲就到時再睇下有冇靈感。關於依個故,最後嘅結尾我都唔知收得好唔好,我都係憑感覺去寫,希望大家鍾意,大家有咩意見可以留低。
最後希望大家可以搵到屬於自己嘅幸福,未出Pool嘅就快啲搵到另一半,出咗Pool嘅自己執生啦。
![](https://cdn.lihkg.com/assets/faces/lm2/touch.gif)