［三國］其實蜀漢北伐有無可能成功🤔

每個人係唔同既狀態 心態都會轉變 係佢眼中 冇益州 就無抗衡曹操既本錢 佢唔稱王 佢係漢朝既官階就會作廢 何況佢既羽翼已豐 已經再唔需要好似以前咁 其實曹操 劉裕都一樣 初頭佢地應該都係心存漢室 晉室 但你要明白 天下係佢地打番黎 到佢地位極人臣時 點解要還番比劉姓 司馬姓？劉備既問題係 佢奪位手段太差 同埋佢急於稱王 除左係因為官階問題 最重要既係 佢已經想稱帝
當初劉備稱帝 居然係用襄樊之戰前關羽係漢水撈到個玉壐 受命於天為由稱帝 你可以睇得出 佢後期果堆藉口全部都係亂臣賊子會用 只不過佢姓劉 將所有野美名化而已

史書個個都識睇，個人能力一定係主要，無個人能力你姓咩都係假，唔明你引果d有咩意思，全部都係人地打出左名之後既例子，姓劉只係政治手段，政治口號呀

其實我唔在意三國究竟係以邊個為本位 但好多人會將劉備係正統 所以好多事合理化 美名化
若然用李克用 李存勗黎講 劉備果種野心就會完全暴露出黎 人地係唐室晉王 朱溫篡梁時 唐室遺臣勸李克用稱帝 李克用稱呢種係謀逆 係到李存勗完全打敗後梁 先話復建唐室 貶黜 殺害所有幫朱溫篡唐既臣屬 人地的確唔係流唐室既血 但人地係入族譜 由皇帝受封晉王
相比之下 劉備？唔好話滅魏 連舊都都未還 就稱王稱帝 當然呢種行為係軍閥就家常便飯 但唔好美名化 因為論歷史 佢連李克用都比唔上

史書個個都識睇？劉表為何會有讓與劉備打算？劉璋為何會讓劉備入蜀？唔明有咩意思？好似幾頁前你都冇回應 不如回應下呢兩點 再討論姓劉有冇用？

唉，呢個係後來人地成左名利用個人名望政治手段發生既事呀

你都癡線你話利用就利用到？你唔係姓劉睇下劉表劉璋邊個肯畀你利用
前面講過啦，單靠個人能力佢最盡咪做平原相囉，無之後架啦失徐州一役已經係佢能力極限

話時話如果劉備唔姓劉，孔明都撚事出山，明知你無可能接管荊益，寧願食住花生睇天下二分好過

其實只係一個好簡單既時代
門閥政治趨向巔峰
外族疲弱
中原王朝尚未至於崩潰

人物方面
內戰只有寥寥數人稱得上一代名將
出將入相名垂千古唯諸葛一人
以及曹操劉備算得上並世雙雄

論亂不及五代十國
論精彩不及春秋戰國
論傳奇不及秦末楚漢

只能話羅貫中一部三國演義
將呢個平平無奇既亂世昇華左三個境界

但劉備西征荊州
戰略上冇問題
但執行上黎好大問題
一流大將同軍師乜都冇
張飛同黃忠死左, 馬超o係漢中
軍師入面孔明o係成都, 士元同法正又死左
以致全軍覆沒
睇佢行軍佈陣就知
曹丕都睇得出佢個排陣有問題
陸遜點會唔知

唉又要重覆講 陶謙唔降曹操 係降左都有滅族危機 但劉表係冇唔降曹操既道理 同埋佢個仇家就係附近 點解要冒險傳比劉備 個人名望政治手段？
又唔見劉璋一早向孫權借人入益州腹地抗張魯？
個人名望？政治手段？關乎到自身一族安危用呢八個字帶過？究竟明唔明當時三國既價值觀係乜...
史書個個都識睇 睇都要分析同經邏輯判斷 如果一句個人名望政治手段就講到 咁三國志先主傳直接寫呢八個字就夠

孔明點都會出山o既
自比管樂
點會冇野心想輔助人統一
差在會幫邊個姐
曹操陣營咁多人才有咩理由仲走過去爭飯食
孫權就有周瑜魯肅
劉表又咁廢
都真係好難揀

一於學連登仔咁用張魯統一天下

打劉璋其實名正言順
劉焉造天子車乘 斷絕同朝廷往來 已經算半個亂臣賊子
所以劉備攻劉璋於公無錯 於私有虧而已

上面見到有人話唔知劉備本身係仆街仔定心態轉變
何必將佢二分？劉備有權謀（奪益州），但都有所為有所不為（未曾屠城），就算佢一生係扮野（搵命博救孔融、徐州，當陽不棄百姓）（黃權、麋竺），扮到咁，而且又無做咩同呢堆事有抵觸，同真既有咩分別？

劉備稱帝，你可以話劉備稱帝係暴露野心，但無必要用呢個大造文章，宜家仲有人唔知「先主之志，乘時而自王」咩？費詩、雍茂、王夫之反對甚至痛罵劉備稱帝，從來無質疑劉備可以/應該稱帝與否，只係劉備稱帝時機唔好，原因就同上面一位巴打講既類似，舊都未還，曹氏尚存就係益州稱帝，咁係「示人以不廣」

但亦有人支持劉備稱帝，習鑿齒就話稱帝係團結人心既方法。
而劉備點解有資格稱帝，就憑佢姓劉而已

咁張鐵林都幾乎演過晒滿清13個

劉備可以用呢個名義 不過佢冇用到 就算佢用 亦應該係一開始就用 而唔係宣佈係同宗兼入蜀地 所以呢方面其實劉備係好理虧 或者咁講 劉備亦無本事用 如果真係堂堂正正從荊州討伐劉璋 恐怕孫權亦唔會放過佢

劉備稱帝某程度係合理過佢稱王 不過問題在於
又前關羽圍樊、襄陽，襄陽男子張嘉、王休獻玉璽，璽潛漢水，伏於淵泉，暉景燭燿，靈光徹天。夫漢者，高祖本所起定天下之國號也，大王襲先帝軌迹，亦興於漢中也。今天子玉璽神光先見，璽出襄陽，漢水之末，明大王承其下流，授與大王以天子之位，瑞命符應，非人力所致。昔周有烏魚之瑞，咸曰休哉。
係呢一度 計番時間劉備只係漢中王 私藏玉壐係死罪 佢稱帝已經急到連搵藉口都亂咁黎 所以我先話 佢打後其實做既只不過係一般軍閥做既事 問題係 佢既手段真係好拙劣 所以巴打講得岩 劉備稱帝係唔需要質疑 問題係佢既時機 以及佢既手法 未免太差

出將入相你當陸伯言冇到？

歷史上堪稱出將入相既全才之中

管仲吳起
諸葛亮慕容恪王猛

唔係做過，就係有咁既實力

陸伯言同到邊個比？

伯言係有啲料嘅
但好難同孔明比

ok，赤壁之戰，打荊州4郡，益州之戰，漢中之戰都只係因為佢姓劉先贏到

已經唔係話佢有冇能力打，係如果佢唔係姓劉既話連參戰既機會都冇

赤壁之戰呢度 其實劉備劉琦當時係投靠孫權定係獨立勢力 史書不明確 因為無論先主傳 定係吳主傳 都係話佢地進住夏口 而果時咁岩孫權已滅黃祖 咁夏口究竟係孫權手中 定係仲係劉琦手中 係一個迷 而且當年主力係孫權

荊南四郡加埋既人口資源戰略地位都唔及一個南郡 仲要周瑜係北邊打緊曹仁 呢樣就真係唔好講

至於益州之戰 當然係以劉備個人能力去贏 不過佢贏得好難睇咁解 首先佢某部份係用劉璋借既兵馬 其次 劉備主要唔係贏在戰略 係劉璋愛民
法正傳度 劉璋臣下鄭度曾建議劉璋堅壁清野 深溝高疊 堅守勿戰 百日內 劉備必敗 劉璋不從 之後當年成都仲有幾萬精兵 係鄭度呢件事睇得出劉璋出降係真係愛民 同劉禪果時有兵都降係兩回事 當時 劉備的確係奪得益州

到漢中之戰 之前既下辨之戰 劉備大敗 打後其實劉備亦攻唔入曹魏防線 係輸在夏侯淵既個人性格 當然 劉備係贏得漢中 呢個係事實

但係點解要詳細講出呢四戰 係因為係呢度可以反映出 除左赤壁之外 劉備軍多數既大型戰事 都唔太關戰術勝利 咁會有咩下場

猇亭之戰 佢係將整個蜀漢基本盤徹底摧毀 蜀漢益州軍隊幾乎全軍覆沒
後期放棄水陸兩路 夏天於林木駐兵 連營七百里 任犯一條都係死路 佢全部都犯 上面出將入相講得岩 三國第一人 諸葛亮 無諸葛亮 蜀漢早就消失 劉備當年託孤唔係做戲亦唔係真係信諸葛亮 係果時既險境 唔靠諸葛亮 係一定亡國 所以當呢個題目問蜀漢北伐有冇可能成功根本係哂氣 劉備將蜀地既人力物力全數用盡 諸葛亮仲可以起死回生咁樣以戰養戰已經係奇蹟 仲諗住發夢成功?

如果你指佢既能力係用人 那是可以 但論外交 治理士族 甚至軍事才能 恐怕佢連孫權都不如 更莫論曹操

當然 呢度除左入蜀外 就唔太關姓劉既事 可以話係劉備既能力

佢個人係認為 劉備完全係靠自己 姓劉不過係打後既口號
但佢師承盧植 仲可以同公孫瓚呢類公子哥兒交友 你話你冇家世可以大到呢種事 都幾奇怪 同埋佢一直想強調劉備係平民出身打天下 係靠個人 我只能講 連劉邦都唔太算係 何況劉備 係歷史上公認真係由平民到立國 得劉裕 朱元璋幾個 如果真係要講平民發跡史倒不如講南北朝

佢無能力姓劉都無用，d諸侯唔會理一個無能力既人，除非果個人係人才

另一方面同樣可以話佢有能力唔係姓劉都無用，根本佢姓劉呢點已經係入場卷，至少佢幾有能力都好，如果唔係姓劉既話幾人才都好，點可能「表病篤，託國於備」，劉璋又點會「遣法正連好先主」，咁都唔係因為同宗係單靠個人能力?

或者簡單d，連三國志一開波都講左佢有乜著數
先主祖雄，父弘，世仕州郡。雄舉孝廉，官至東郡範令。
與同宗劉德然、遼西公孫瓚俱事故九江太守同郡盧植。德然父元起常資給先主
好交結豪俠，年少爭附之。中山大商張世平、蘇雙等貲累千金，販馬周旋於涿郡，見而異之，乃多與之金財。先主由是得用合徒眾
唔係姓劉佢跟到盧植讀書?
一路都冇話劉備廢，但係姓劉呢下已經係張入場卷