［三國］其實蜀漢北伐有無可能成功🤔

其實滿寵定位係咩 打機多數係文官
但史實成日去打仗

真有周倉呢個人咩

文武雙全

不如博一鋪打吳國，控制南方再以南統北

吳有長江天險，水師實唔夠東吳抽，魏國都話夠資源造船養水師，蜀國無咩可能有咁既資源，寧願打陸戰算，再講，吳國將領謀士都比蜀國多/勁，而且打防守戰的東吳同北伐係兩班波來，連魏國都成日輸，更唔洗講蜀國

呢段野放係魏同蜀都差唔多

明仔自己都有不足，只是無人填補到佢的不足

唔好講龐統法正可以活到北伐時期，就算只是得其中一個，都不至於次次柒住走

大耳賊咁on9點會肯同阿瞞坐低傾丫，不過實情是兩強對戰大耳賊都無勝算

樓主講既三國係三國演義定三國志

本來諗緊演義入面，「多智近妖」既諸葛亮一定可以成功
但諗真Ｄ，司馬懿響上方谷有天命加持
就好似陳壽所講：「蓋天命有歸分，不可以智力爭。」

幾個月唔落雨就係嗰日先落
真係激撚死

兩強決戰？劉備政治資本就係源於反曹復漢 就算佢想都做唔出亦唔可以做 而且當時淮南幾乎都已經係曹操手 再同曹操平分江東 連江東六郡都收唔齊 又冇襄樊 國力又比曹魏差 等被滅而已

孫策亦無可能 當年佢消化完袁術既江東勢力後 淮南已落曹操手 北上之路被封死 就算係孫策 亦只會承襲魯肅榻上策 不過會比較容易實現
至於孫權 其實佢係一定會背刺劉備 但前提係要關羽離荊 孫權只係想以最低既損失去拎荊州 而且要係全境 關羽保守一點既話佢都唔會郁手 憎關羽係一回事 但絕不會同曹操平分南荊州
同埋孫權仲有個誘因令佢一定會打關羽 係劉備入蜀期間 曹操數征江東而且次次都係大規模 一早打到孫權怕 與其話孫權貪心 不如話曹操真係太強

你回我下一段吧啦

曹操係丞相
孫權 同 劉備係反賊

孫權不嬲都想幫曹操挽鞋
曹操太強同孫權貪心係無衝突

孫權想唔想幫曹操挽鞋 唔敢講 不過佢見到劉琮得番個虛位 恐怕唔會甘心 佢既勢力同位置又不可能好似公孫度咁割據 至於孫權批士族 都要睇邊批 江東自身果批 經過孫策洗禮 就百分百想降 但徐州走落黎果批 都係意見不一

至於孫權貪婪 不如話孫權割據之心已決 合肥打咁多次都打唔到 自知絕唔會係曹操對手 倒不如係劉備身上搶塊地番黎稱王稱帝好過 同埋劉備多年外交拙劣 一時投靠曹操曹丕拎個王位黎響 總好過乜都冇

我講多次
貪心同其他因素係無衝突

我一直都係講緊
大家太過於打機嘅統一天下/三國演義恢復漢室
孫權本身就無呢兩個想法
佢比曹操更加想打荊州殺關羽
呢個係大前題
建安廿二年 孫權就同曹操投降
密謀打鳩關羽

認清咗現實之後
就知 劉備同孫權 無可能「合作」
好多人覺得孫權狗西反骨
但其實 演義嘅孫劉同盟 於現實根本唔係同一回事

其實孫劉係湘水之盟之前已經劍拔弩張，如果曹操冇打到漢中，孫劉可能已經打起上黎。

關羽一向都有防孫權，如果唔係呂蒙扮重病就死，關羽都唔會調走南郡守軍支援自己，麋芳、士仁可能根本就冇兵可守而只好投降。

上面果堆的確係好著重統一天下/漢室
我既意思係 孫權吞荊州 係遲早既事 但要睇番孫權自赤壁到建安廿二年 點解由淮南不斷同曹操交鋒 演變成奪荊州

我係支持劉孫兩家無可能合作 因為佢地雙方利益存在根本性衝突 但劉備既外交手段迫使孫權更早與劉備反目 呢個先係根本 若然關羽無貪勝不知輸兼錯判形勢 孫權點同曹操密謀都好 斷唔會吞荊州 唔係因為孫劉關係 係因為孫權最終採納既 其實係呂蒙既方案 以襄陽 白帝 南郡建立防線 若然唔係劉曹雙方兩敗俱傷情況下 根本無可能做到 結果？

就係好似史實咁 既無襄陽 條國境線難守好多 都城初頭都搬埋去武昌去養荊州頂曹魏 又搶唔到白帝 所以 曹孫點密謀都好 都必須建立係關羽調走荊州兵既關鍵點上 所以孫劉唔係無可能合作 但關鍵在於 荊州必須維持現狀

至於孫權點解咁想殺關羽 反而唔洗諗得太深入 點都反目 而且佢亦唔會降 當然殺之 至於孫權送羽首級比曹操 與其話嫁禍 不如話係想表明曹孫已聯合嚇唬劉備 當然無咩作用 我諗孫權自己亦唔信 純粹有幾多做幾多

同埋上面d人話如果關羽保得住荊州 蜀漢兩路北伐就會有機會 其實完全無睇明諸葛亮既隆中對既關鍵點 天下有變

其實諸葛亮心裡好清楚荊州只係用黎增加地盤同土地資源 如果要北伐 係天下不變既情況下 永遠都只會係漢中北伐 當然 情況會好少少 起碼巴東既壓力變左荊州黎頂 資源可以抽更多出黎

稍為諗下就明 曹操當年經營北方已久 良臣名將一大堆 糧草兵馬不計其數 就算比劉備奪盡整個荊益之力北伐 益州雖大且富 但荊州最精華既南陽部盡歸曹操 此消彼長下 不過兩個州 正常情況下最多就打到漢中之戰咁險勝 同埋諸葛亮之所以咁著重天下有變 除左係咁先能以弱勝強外 最重要係吸引到孫權北伐 係天下不變既情況下會發生咩事 歷史講哂

孫權唔一定係因為貪心打荊州，江東一有機會一定會打荊州先，因為戰略位置上荊州係江東上游，順水而下打江東會有利，所以江東一直都覺得荊州係條刺，其實早係劉表時期已經想打荊州，不過可惜當時未有陸遜，又搞唔掂黃祖，劉表