［三國］其實蜀漢北伐有無可能成功🤔

所以上面都講左 關羽錯係錯在冇真真正正認清荊州係整個三國格局既地位 有人怪國舅背叛 關羽先死 但就算國舅冇背叛 關羽都一定要係打敗于禁後回防
退一萬步講 就算孫權咁好心唔偷襲 徐晃戰敗 關羽吞襄樊 孫權係呢刻都一定會背盟 唔理咩原因都會 因為蜀漢已完全控制漢水長江上游 孫權係唔可能比呢件事發生 所以關羽只要進兵 就註定兵敗身死

佢係錯在太自大，太睇小孫權江東

still wrong dumbass

因為同左東吳聯手

國舅唔搞事
比二哥返到入城嘅話
又未必守唔掂喎
大家都知東吳啲進攻能力㗎啦

個城美周郎打左好耐先攞到, 之後關羽又強化左,一定唔係易打既城

其實三弟果陣中做緊咩
佢駐鋃中 ，應該最近關羽

佢唔係關羽既州總帥/都督位,唔可以自己出去

蜀地剛平, 中央都唔方會比佢行開, 再講去荊都唔係近

而且本身係小區域攻防戰, 進可攻退可守, 唔會真係打到上中原, 無諗過事變得咁快

睇時間 係于禁前番黎 會趕得切入城 但若然戰完徐晃再番黎 恐怕就算南郡唔降 呂蒙只會截擊關羽 以關羽果時既作戰能力加上係呂蒙帶兵 恐怕不敵 唔係守唔掂 係冇機會比佢守
諷刺既係 打後南郡被曹魏攻 都係靠先前關羽強化既城防 所以每次都頂得住曹魏

因為張飛冇假節 而且荊益其實相距好遠 就算係巴東恐怕都趕唔切去救 上庸都係同一情況 所以關羽先把心一橫想奪襄樊 威脅許都係其次 最重要係用漢水將漢中上庸襄陽連成一氣 將兩方集團軍連接 咁既話既可以加強北拒曹操時既實力 亦可以暗中擴建水軍直搗東吳 呢個大慨就係令關羽遲遲唔肯退兵 最後兵敗身死既主因

呢條橋其實好好
如果實行嘅係孔明/士元
係起可以行到擴建水軍呢步

唔洗發夢 冇可能實現 都係果句 東吳係絕無可能比蜀漢咁做

吳狗打仗咁廢，有法正同老六邊有可能會輸

有個聰明人喺到嘅話
就算呂蒙打唔入荊州走去截關羽
荊州嗰邊應該都可以同二哥夾擊呂蒙
起碼可以拖到張飛魏廷佢地過嚟幫拖

吳打仗咁廢，但幾場大戰又打得贏

吳狗想打勝仗有兩個條件
一係擺好陣守你 一係水戰
出兵打人...合肥有版你睇

咁蜀漢咪一樣

首先歷史唔係打機 關羽連荊州名士潘濬都唔放在眼內 咩聰唔聰明既人都係無意義 國舅都係靠身份 所以就算關羽有假節都唔斬佢 而且劉備對住孫權既外交本來就只係一種拖得就拖 根本毫無配合度 諸葛亮係度都尚且如此 何況其他
其次 孫權帶兵差係一回事 其戰略目的又是另一回事 佢之後果堆合肥之戰 完全係打了跑 一見魏軍就走 根本冇好似諸葛恪喧興兵數十萬攻合肥新城 因為孫權自知 比佢打到合肥 打唔到徐州彭城 以吳國國力一樣頂唔住 就算比佢打到徐州彭城 一樣都係消耗戰 唔好忘記其實所謂吳國都不過是揚 荊 交三州 仲要荊揚精華地區比曹操拎哂
至於呂蒙的確係東吳良將 睇皖城 建濡須塢同奪荊州就知 同埋關羽一見呂蒙稱病就放心 可想而知關羽本身就忌憚呂蒙 就係因為佢知呂蒙有才

漢中場仗點贏㗎？

整左個合肥戰神出黎

漢中當時敗係敗在主將夏侯淵被斬 係夏侯淵自己性格問題 唔係蜀軍戰略得宜 當時論當守護邊彊其實張郃會比較適合 連劉備當時都話斬淵有咩用 斬郃先有用 但事實上斬淵係果場係好有用 講番張郃 張郃身為降將 能夠做夏侯淵既副手已經係好高既提拔 而夏侯淵本身就係一名攻擊型將領 守彊其實唔岩佢 只係曹操將夏侯惇 曹仁呢類都調哂出去 冇咩人可用 唯有用夏侯淵
夏侯淵果次就係分兵救張郃兼親自修補鹿角 比黃忠有機可乘斬殺 魏軍一時大亂所以蜀漢先贏 係先前下辨之戰蜀軍係大敗 之後大家都只係五五波 而且蜀軍係傾國之力 又比曹操將漢中武都所有人帶走哂 將所有田都燒哂 所以呢場只係險勝 而且曹操退出漢中 但依然駐守長安 對劉備始終係一大威脅 劉備果時亦損兵好多 所以諸葛亮點恢復蜀漢都好 都難以番番去最初期 因為自漢中 猇亭之戰 早就將蜀漢掏空

夏侯淵個死法真係

堂堂總大將親自補鹿角

要計既呂蒙打贏左關羽，陸抗都贏過羊祜

再講漢中之戰兩軍互有勝負。劉備都係慘勝，當然贏就係贏既。
建安二十二年劉備對漢中展開攻勢，係夏侯淵的防線部署下劉備軍初戰失利。馬超、張飛無功而返，吳蘭戰死。之後劉備進攻漢中，結果張郃曾擊退過劉備，而徐晃也擊破陳式。

劉備知道漢中重要性，叫諸葛亮提供更多的支援，去到”方今之事，男子當戰，女子當運，發兵何疑” 既地步。曹操親駐長安，但因為後方不穩，冇去到漢中前線。

夏侯淵與劉備已經對峙一年，劉備突襲擊殺左夏侯淵，曹軍大亂，自此劉備軍獲得左優勢。曹操係夏侯淵死後，就親自率軍去漢中，劉備有地利，守係險地，唔同曹軍交戰，又派黃忠打擊曹操的糧道，趙雲空城計都由此而來。

最後曹操強攻劉備無攻而還，曹軍士氣低落，最終撤退，並將附近人口遷出。

結果對於曹操黎講當然不利，失去左夏侯淵，又在中原地區引起不同叛亂，關羽乘機進攻，一時要考慮撤出許都。

對於劉備來說，戰勝左曹操奪取漢中同上庸，益州安全有左保障，係佢軍事生涯高峰。不過比曹操前後遷走左幾十萬人，使漢中短時間沒法成為軍事後勤基地。再加上劉備的一系列戰爭讓軍隊十分疲憊，無法追擊曹操，乘機北上雍涼。對於關羽的北伐，劉備未必唔係唔想提供支援，而係無法短時間再動員提供援助。

佢同關羽都係犯同樣既錯 佢地個性格導致佢地唔明白佢地身處果個地方既重要性 不過無辦法 本來要絕對忠誠兼守護一州仲要可以統率大規模部隊既人 其實即係要好有能耐既皇族本來就好難 佢兩個就算性格有缺陷 一樣都要推出黎