[開心速遞]熊若水龔燁 供水線集中討論區 (22)

佢地當然知水水同阿龔有路啦，因為上次崔auntie 爆咗出來呀

今晚首片尾又幾好聽
唔知算唔算係龔水嘅歌
不過照舊分享下
歌名係Vocoder Love- JC Lemay
暫時搵到spotify有

留名
未追晒PO但見大家好似對阿龔唔記得送花有啲不滿
我覺得阿龔對自己有種坐定粒六feel，覺得媽呢空無辦法飛出佢手指罅，所以先無諗到要送花。之後花店都係想送只係有事做唔記得咗留以為自己有留 (有時忙起上嚟漏咗啲重要嘢無做以為做咗都真係唔出奇)，起碼佢有努力補救做咗個小學勞作花籃出嚟 呢套係開心速遞所以既然係要玩呢籃花就一定會玩盡佢 (如果係830930情人節拉鐘意嘅人入自己房送花仲唔即刻XXXX咩 不過我唔想睇呢啲囉 )
而且今集睇到媽呢空對賤精係多咗期待，換著以前我估阿水會去第二間花店買咗花保障自己先，而家把口雖然仲係鬧隻賤精但心入面個態度已經唔同咗
始終今集太多嘢又唔只龔水要講無辦法好詳細交代 (連let it go都無埋 )
如果下星期一都未表住咁希望到3月14就表啦
不過開心速遞成日咁出奇不意或者最估唔到嘅狗龔522係表白都得

仲要可以咁遠望過去一秒認到水水

係，仲要搵啱人，但插錯花

其實今集擺明玩大包圍，全體總動員喪玩。
一路都冇話過龔水係主線，只係編劇愛錫龔水線先俾咁重戲份佢地。

有時會好擔心龔水黨放得自己太大，眼入面只得龔水而忽視當集嘅其他演員同劇情，好擔心咁樣會令其他觀眾覺得龔水迷好霸道，繼而討厭呢條線。

突然有感而發，唔啱聽唔好打頭

利申：我真係好鍾意龔水線，所以唔想有人被傷害

日掛夜掛嘅人梗搵到啦 ，
其實搵阿叔前都搞錯咗個。
花呢啲嘢，第一次diy，係論盡啲架啦

我覺得龔燁對表白呢個行為
依家係想謹慎啲，唔想下巴輕輕又令水水失望
所以未有一個適合嘅時機
都未會表白住
坐等嚟緊主線嘅發展

編劇如果你有見到呢度嘅post
個啱嘅時機可唔可以唔好太遲
吊引吊太耐唔係咁好
感謝

我見到有人係Stanley ig下面留意話編劇，我係編劇同演員睇到真係會唔開心囉 ，一套sitcom黎講，gimmic位最重要，22分鐘內要做到令觀眾印象深刻幾咁難，編劇係情人節大包圍呢集將龔水放係咁重位於，talking point完全係曬呢條線到，我唔明白有咩好屌囉

站係演員角度我仲幾為佢地開心，劇情同搞笑都可以顧及。

唔敢係大廳講，希望編劇同偽巴打睇到，大部分人都撐你哋嘅用心架

可能佢係遠視，唔係近視

我今日要番工去唔到大本型 。各位去到就影多D靚相來開心share 下，令去唔到的龔水黨有D慰藉。

唔會啦，臨尾佢戴眼鏡睇茄子，
肯肯定係近視，除非近視加老花啦

Agger

以非主線集數嚟講，今次龔水佔嘅篇幅真心唔少，而且見唔到虐位。吵鬧位其實見甜，只要有比較過佢哋一直相處方式就明。講真，唔吵鬧唔作死就唔係龔水啦，本身性格係咁架喎 ，雖然呢pair偶像劇style，但如果求死甜嘅話，實會失望，因為呢個相處模式根本唔係龔水



再者，其他cp都有虐位，就算表面sweet，但我唔係fans都覺虐，龔水相比已經好好啦

麻雀王嗰陣講過係400幾近視

有理由相信為咗貪靚同戴mask所以袋眼鏡算

其實作為一個有400度近視嘅人
我無眼鏡嘅情況下，人多兩米距離連自己阿媽都認唔到
但琴日喺cafe阿龔一兩秒甩面具都認到水水，呢啲咪就係愛囉

係囉

+1
同樣400另加散光嘅表示，
只睇到淺藍色面目模糊嘅人影

一定係愛嘅力量

我見到那些所謂簡體人士留言
我知呢度有好多那些人士𥄫實
一句，唔撚知個game rule 就返上去偉大嘅強國睇洗腦劇
本土Sit com 嘅game rule 都唔知，仲懶係好有條理留言

我覺得一窩蜂去演員嘅social media到留言投訴演員本身，甚至係編劇/其他劇組人員，呢種行為會好令佢地困擾，呢個係佢地個邊嘅風格都係咁話。

上次463佢地出盡心力氹返啲FANS，不斷解話，但又唔可以得失劇組，我已經覺得佢地好難做.......

你話啲好少用social media 同fans溝通嘅藝人就話姐，但明顯stanley同阿蟹都係比較留意comments嘅，好心fans留言個時就慎言啦

去演員IG度留Comments狂鬧真係好唔理智
人哋咁辛苦演出嚟俾你哋睇，你哋一個唔滿意就去鬧人，可以想像到Stanley同阿蟹係有幾心灰

嗯嗯，我覺得stanley同阿蟹真係好有心
會成日開live開畫，又會同我地有交流
雖然劇情真係會忟忟地，但演員都係跟劇本做，所呈現都係角色嘅表現，人身攻擊就好唔啱喇

強國式水軍攻擊，迫人屈服
老老實實，唔啱睇咪唔好睇囉
無人揸住枝槍迫你睇愛回家