八爺
2019-02-08 22:07:31
「唯有係咁。」
快快影完一張,快快離開火星。
「我要影相。」我跟陳志慧直說。
「吓‧‧‧唔好影啦。」她顯得無奈。
「我要影相。」
「最多宜餐我請你食啊‧‧‧‧‧‧」她又說。
「我要影相。」
「加多杯咖啡俾你啊‧‧‧‧‧‧」
「我要影相。」
「嗚‧‧‧」她很不情願地,收下我的一百元拍攝服務。
什麼!?跟個MK妹影相要一百元!?
【$6790元-$100元=$6690元】
我們一同站在牆壁前,生硬地微笑。
「咔嚓──」
【獲得:與陳志慧的合照】
「影完相,你大個睇番就會覺得好感足嫁喇。」三位同學拍膊,說:「至少你可以呃下人,話相入面嗰個係你女朋友啊。」
「吓,呃到嫁咩?」
「緊係得啦,我貼喺銀包到,年中俾幾人誤會佢係我條女,連我阿媽阿爸都以為我識咗個女朋友添!」未來建築師沾沾自喜地說:「我同佢哋講,結婚太遠啦,將來先,我有穩定事業,俾到女朋友好嘅生活,先諗結婚。」
「哇‧‧‧‧‧‧你就好啦,阿爸阿媽都誤會咗,我已經間接Show張相俾佢哋睇,但佢哋好似仲未發現咁,以為我無拍拖呀!」未來法官說。
「咁你真係無啊嘛‧‧‧‧‧‧」我不禁吐出。
「咁我想佢哋以為我有啊嘛。」他說。
「吓!!?」
「你知唔知俾人以為有女朋友個種感覺係幾爽!?」未來法官嘆氣,搖頭苦笑:「算吧,你宜種未拍過誤會拖嘅人,係唔會明。」