【互動故】追女仔﹝１９﹞

「咁我淨係講⋯我知嘅嘢渣。」王白蛋說。

終於⋯

「以前阿姐夫，成日會嚟我哋屋企食飯你都知喇。」王白蛋邊吃邊說：「咁有一次，家姐出一出咗街拎嘢，我就聽到我老豆⋯⋯同阿姐夫講咗啲嘢。」

「⋯」

「佢話，佢哋兩個身份差太多，有啲距離。」

「點解咁講，大家都係人類⋯⋯」

「姐夫佢中五冇讀啦，之後留喺屋企做木工，得閒會去跟裝修搵食。」王白蛋惋惜地說：「宜個世界，總係有啲人睇唔起勞動性工作嫁啦～」

「但佢，應該冇咁易放棄⋯」我指，炒飯佬。

「呢條係其中一條導火線啫，其實我睇得出老豆同佢講完之後⋯姐夫係有啲自卑嘅。」王白蛋大罵一句：「咩自由戀愛、戀愛萬歲假嘅！講到最尾，始終都會覺得自己唔夠人優秀，你諗下你未來老婆係你月入三、四倍，係好正，不過姐夫啲性格就⋯⋯佢好執著，佢對一件木雕藝術品係可以所全副心機落去，宜啲帶有少少藝術家性格嘅，好少會睇得咁開。」

王百蛋講野太正經好唔慣

「咁又係，啱啱速配嗰陣⋯⋯」阿文即刻說出個例子：「有個男仔一講自己學歷，都睇得出有啲尷尬，但其實明明⋯唔係好重要嘅指標。」

「高人一等嘅心態。當一班人同一個等級，你喺佢哋下一級，佢哋就會係正常，你就係廢物。」我無奈地說：「不過⋯都係心態問題，睇得開就可以。」

但愛情⋯

就是需要執著。

太看得開的愛情，就不再是愛情。

「大概係咁多囉，自卑⋯⋯其實係個好嚴重嘅弊病。」王白蛋說下去：「因為會令你好多疑。」

「自卑⋯」我望住自己的掌心。

「講完啦？到我講。」阿文以茶代酒。

「你又有？」

「我同阿澧住咗幾年宿舍，點會唔知佢嘅事⋯⋯」

「請講。」他們兩個，就像我用來攻略王嘉澧請來的賓客。

「唔好咁死要面子。」阿文又說出往事：「成日呢，見佢有時會翻睇前度嘅對話記錄、相，如果佢前度打過嚟真係講一聲，我諗就真係可以復合。」

「⋯我都係咁諗。」我口腔泛起一陣苦澀。

「但就係大家唔搵大家，越嚟越嬲對方，但又越嚟越忘記唔到對方⋯⋯最慘就係宜樣。」阿文很自信的，哼起一首歌：「如果記得是為了忘記～我寧願記不起～」

「你哋覺唔覺⋯⋯我哋三個坐埋一齊之後，啲言行舉止大膽、正常咗好多。」我暫時離一離題。

「又好似係喎⋯」他們異口同聲。

「唔通三件毒物聚埋一齊，真係會引發宜種化學反應⋯？」我無意想起，女僕咖啡店那三名舍友。

「Btw⋯⋯多謝你哋啲資訊先。」我先道謝。

「客咩氣，大家同是天涯淪落人⋯⋯」阿文苦笑。

「唉～」王白蛋靠到椅背。

「唉⋯」阿文舉頭喝茶。

「唉。」我則，陷入了沉思。

這餐由我結帳，燒肉我覺得挺好吃的。

【＄６６４０－＄５００（已用優惠卷）＝＄６１４０元】

肉吃飽，酒喝夠。

王白蛋和阿文不同路，該送誰回家？
－－－－－－－－－－－－－－－－－
A：送阿文回去
B：送王白蛋回去
C：自己回去
D：送飛行回去

１票

A

B 見啊澧！

屌live咗

A

d

d啦 想睇送飛行會點

D

Lm

D

D

A

D啦

人地一個女仔，唔好俾人一個返屋企咁危險

一定係送女

B

D

《樂糖》？
樂仔同糖仔要拍電影嗱

A

Lm

A
D 嘅話又出現唔合符主角期望嘅劇情
又會拖主線