【互動故】追女仔﹝19﹞

949 回覆
750 Like 4 Dislike
2019-02-15 03:37:03
之前又話早上出,而家又變翻夜晩出文
2019-02-15 03:40:59
「借我個副你帶住先。」

「咁點得啊⋯度數都唔啱啦⋯喂⋯喂!」阿文反抗無效,已給我戴上沾滿鼻油的眼鏡。

「又幾清⋯⋯」阿文一回復視力,抵抗力馬上消失。

「你用完再還俾我囉。」我準備返回座位。

「喂⋯我⋯」阿文手足無措。

「咩事⋯」我望望周圍:「你唔係覺得太多人⋯⋯唔敢行返去自己個位啊?」

「唔係,而係⋯⋯」

「唔!?」

「我參加咗Speed⋯dating!」阿文合上雙手,合上眼睛。

「嗰啲情侶速配!?」

「係啊⋯⋯」

「你⋯估唔到你啊⋯」

「但我唔太敢行返去,我啱啱同成班人一句嘢都無講過,又冇咩交流、答人問題好生硬⋯」
-------------------
A:「咁嚟我個檯食囉,反正我暫時自己一個。」
B:「我過去陪你去睇下咩情況?」
C:「你自己喺到好好諗下。」

3票
2019-02-15 03:42:36
A
2019-02-15 03:45:00
B
2019-02-15 03:45:07
轉番2票  夜晚冇咩人
2019-02-15 03:45:24
B
2019-02-15 03:45:33
B
2019-02-15 03:45:42
B
2019-02-15 03:46:00
A
2019-02-15 04:00:18
「我過去陪你睇下咩情況?」

「認真⋯?」

「得⋯」

「喔⋯」

於是,我跟阿文去到廂房。

原來飛行所說的那一戶派對,就是這裡。

一入去,大家就對阿文點頭,不分男女,看來大家還未混得很熟。

「宜位係⋯?」一位較主動的男生,問。
--------------------
A:哥哥
B:朋友
C:青梅竹馬
D:父親

2票
2019-02-15 04:01:48
B
2019-02-15 04:02:33
c
2019-02-15 04:13:27
墨巴唔好理連登毒撚,好好溝女吧!
2019-02-15 04:14:28
A
2019-02-15 04:15:30
「佢青梅竹馬啊。」我答。

「⋯果然係幾「青梅竹馬」。」一位人兄,說。

「都得嘅,多個人熱鬧啲。」接著,大家繼續酒肉交流。

阿文入來只被注意了兩、三秒,就回到邊緣人狀態。

「你做咩突然參加宜啲速配,覺醒啊⋯⋯?」我偷問。

「就嚟情人節⋯」她低聲對我,說。

「明白⋯」情人節每年,有些人都會格外孤獨:「咁你想我點幫你⋯⋯?」

「識個男仔⋯。」阿文說。

「你好掂啊,隔離啲女仔粉底咁厚,你咁天然,你主動啲實得,有人會欣賞。」

「好⋯」阿文鼓起勇氣,夾起一塊神戶牛柳給坐對面的男生:「啱啱⋯燒好,趁熱食⋯⋯」

「唔係叫你做阿四啊⋯⋯」我低聲道。
2019-02-15 04:21:28
「你叫阿文?」但是,她得到對方的回應。

「係⋯!」阿文謙卑地點頭。

她根本⋯

是我的男生版。

「其實我宜家做緊地產,最近聽過有個樓盤⋯⋯」

「得,食多件。」我夾多一塊神戶牛到她碗裡,讓他閉嘴。

「阿文小姐,飲杯?」此時,一旁的男生又想跟他乾杯。

「喔⋯」阿文手忙腳亂地捧起酒杯,跟對方一碰。

看阿文喝酒的樣子,她好難受呢⋯⋯

「我平時興趣係行山同攝影!」對方大灌一口酒後,說。

香港的男生興趣是否只有行山和攝影⋯⋯

「我最鐘意⋯⋯係睇B⋯」阿文將要說出之際,我急忙掩住她嘴巴。

「B⋯」

「啊⋯」那男生呆住。

「佢最鐘意睇BB啊!」我代她答。
2019-02-15 04:30:33
「B⋯B⋯」無法吐出「L」字的阿文,彷彿想流淚。

終於,阿文放棄說出「L」字了。

「鐘意細路嘅女仔,通常都好有愛心。」對方微笑、認同。

「都係嘅⋯」

「最近有套愛情電影,叫《樂糖》幾好睇,個導演啲運鏡一流⋯⋯」對方續說下去:「講開又講,我平時寫嘢都好叻,你上網搵下我個名,會出現一啲資料嫁⋯見唔見到啊⋯⋯幾多正評⋯」

對方不斷在讚揚、炫耀自己,而阿文只是單方面地讚賞,用很假很配合的笑容去讚賞。

經過這種直線式交流後,阿文又撐不住,要出房抖抖氣。

「嗄⋯嗄⋯」阿文好像很辛苦似的:「要唔做自己⋯真係好辛苦⋯⋯」

「嗯?」我跟了出去。

「我幾想Stop條友,喺咁講自己啲嘢⋯⋯」阿文說。
2019-02-15 04:37:21
「嗯⋯」

「但係我又要扮到好想聽佢講落去,覺得佢好勁咁⋯⋯」阿文嘆氣,脫下眼鏡還我:「⋯我真係,唔適合同人類交流。」

「速配邊搵到真愛啊~」我靠在另一邊牆壁,望著她:「好多嘢睇緣份,但你肯試,證明你都想拍拖啦?」

「有時見人咁甜蜜一對對,你估冇人想咩⋯」阿文向我吐露心跡。

「哼~」我雙手插住衣袋,說:「行啦。」

「做咩?」

「嚟我個檯,同嗰班友食你都享受唔到食物嫁喇?」

返回座位,阿文坐在我的對面:「咦⋯你叫定兩杯酒?」
----------------
A:「飲啦,唔洗客氣。」
B:「唔好飲,我留俾朋友。」
C:「我幫點多杯,宜杯有人。」
D:「飲咩酒啊~你飲烏龍茶喇,每次見到你都一定拎住枝茶。」

1票
2019-02-15 04:39:13
d
2019-02-15 04:46:29
「飲咩酒啊~你飲烏龍茶喇,每次見到你都一定拎住枝茶。」我按下侍應鈴鐘。

「你又記得⋯」阿文望住我。

「成本IT書我都記得,你少少嘢我會唔記得?」

「請問要啲咩?」飛行再三過來。

「一罐烏龍茶。」

「好嘅。」

「餓唔餓啊?」我問阿文。

「餓嘅⋯」她點一點頭。

「食囉。」我開始燒黑毛豬,並說:「件五花腩⋯⋯就留返俾我一陣嚟嘅Fd。」

「留成件?你都幾好人⋯」阿文會心微笑。
2019-02-15 04:49:17
各位早晨
2019-02-15 04:50:49
不一會,全身皆汗的王白蛋到來。

我招招手,他就走過來坐下:「老師⋯⋯我完成啦⋯」

「知你做英文辛苦,留咗成條五花腩俾你,食得開心啲。」我表揚王白蛋的付出。

「⋯」王白蛋和阿文互相尷尬地,望住對方。

「宜位我同學,宜位係王嘉澧細路。」我跟兩人介紹。

【成就:三毒客】

「幸會⋯幸會⋯」、「你好你好⋯」

他們兩個,都毒得各有特色。

「話說呢,老師你係咪想知道我家姐啲嘢。」王白蛋一邊燒五花腩,一邊問。

「係啊!等咗你成晚,差啲唔記得就係為宜件事⋯⋯」我拍一拍掌。
2019-02-15 04:54:01
墨巴都係鍾意半夜更新
2019-02-15 04:58:11
而家只係中午咋
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞