「你父母呢?」我上前慰問,學習做一個暖男。
「佢哋唔肯入嚟。」小女孩說。
「唔肯入嚟?即係你自己走入嚟?」JoJo笑問。
「係!佢哋都唔肯買玩具,又唔肯俾我喺到玩‧‧‧‧‧‧」小女孩越說越想哭:「我嬲嬲哋‧‧‧就自己跑咗嚟宜到。」
「你父母應該搵緊你。」我牽住她的小手:「嚟~帶你去保安室。」
「我未玩夠啊!唔要‧‧‧!!」小女孩想逃跑。
「咁姐姐帶住你!好無!?」JoJo牽住她另一隻手。
「好!」小女孩很樂意。
「咁哥哥都帶住你玩好無!?」我學JoJo,說些暖心的話。
「唔好!」小女孩有些驚恐。
「吓!」
「唔似宋仲基大尉、又唔係金秀賢外星人有超能力、睇落去又無李敏鎬咁型。」小女孩年紀少少,已說出一堆韓星名字。
「咁我似咩啊‧‧‧‧‧‧」我全身震顫,不竟我已經很努力改頭換面,居然還未到韓星級數。
「你只係似姜gary!」小女孩指出。
「但我好有學識喎!」我說。
「細路女點會睇宜啲嘢。」JoJo牽她手,行出去:「肚唔肚餓啊你?哈哈。」
「餓!」小女孩答。
「咁我哋去食嘢囉。」JoJo牽住小女孩的背影,就像是被陽光照耀一樣溫暖的畫面。