昨日有師兄話佢老母親好記得03年個廣告播放時,無線又咁岩播緊張衛健嘅孫悟空
又真係符合坊間盛傳02年尾到03年頭。
老老實實,03年同今次嘅設計都好明顯係for 年尾年頭嘅節慶setting。要傳暗號未必一定同要做嗰件大事時間相近,有關人士用得signal收得暗號,自然自己識做有曬默契。所以有時候根本不用理用咩歌咩字眼,就好似警察用行動暗號都冇厘頭啦。日本仔偷襲珍珠港,暗號係虎虎虎;美國佬徹出越南,暗號係白色聖誕首歌,有尐set得有關,有尐未必有關,今次都係。
當然,若然不是行動暗號,而是有心嘅知情人士要對大衆發放警示,咁聲音畫面便有拆解嘅意義。之但係要解得通今次嗰個,似乎要借助03年嗰個,換言之,某人造03年廣告時可能已經預左之後可能會有延續或重用嘅一日。若果03年真的與當年發生嘅災難有關,咁成件事都真係好心寒……