268 Like
12 Dislike
老味狗
2018-12-16 04:11:08
陳伯
睇到眼濕濕
夏舞
2018-12-16 09:53:54
Sor唔小心訓著咗 一陣補數
夏舞
2018-12-16 13:02:43
特別採訪—2
「又到夜晚十點半,我係係神秘台靈異專輯主持人夏舞啊!今晚再度邀請到凌先生上嚟同我哋講驅魔事跡,喺佢身邊仲有隻聽講係黑貓嘅貓妖添!」
「喵喵喵!(傲慢嘅人類,同我跪低!)」
「嗚哇!巧打意呀,凌先生介唔介意抱上嚟畀大家睇下?」
「我唔想掂呢隻衰貓,你自己抱佢啦。」
「喔喔……嗚哇!毛茸茸嘅皮膚,軟綿綿嘅肉感,真係好可愛呀!」
「……(佢好似已經唔記得咗自己本來要做啲咩……)」
「喵喵喵喵喵……(見你摸我我咁舒服,就放過你喇……)」
「咳咳……我哋講返正題先,凌先生話呢隻黑貓係貓妖,咁其實妖究竟係啲咩呢?」
「妖其實係基因比一般動物更加進化嘅生物,可以係更聰明,更強壯,更奇異嘅生物,概括咁講就係動物百科無記載嘅生物。」
「咁呢隻黑貓係屬於邊個類型嘅呢?」
「佢係屬於識得使用法術嘅類型,本體同普通嘅貓無異,但佢哋識得進行俗稱『修煉』嘅能量調和,涉取周圍能量同埋加強自身能量,令自己變得更強大。我哋認知中最熟悉嘅妖怪,包括封神演義同西遊記,其實都係屬於呢種妖。」
「喵!(就係本小姐!)」
「咦?點解佢會唔見咗!」
「呢個就係佢最擅長嘅隱身術,利用能量改變周圍光線折射達到隱身效果。」
「喵喵,喵喵喵喵!(知驚未,呢個係本小姐最拿手法術!)」
「依家又憑空出現返……真係好神奇,原來呢啲睇落咁奇幻嘅法術原來都可以用科學解釋!啱啱聽你咁講,係咪即係有唔會用法術嘅妖?」
「無錯,就好似西方嘅吸血鬼同狼人,佢哋唔識用法術,但身體結構比一般生物更加強大,甚至擁有一啲非常特異嘅能力。」
「哦……原來吸血鬼同狼人都屬於妖。」
「因為吸血鬼同狼人嘅terms係來自西方,同東方概念嘅妖好似格格不入,但實際上佢哋其實存在喺世界各地,喺東亞吸血鬼又被稱為魃,有興趣可以google下。」
「喵喵喵,喵喵喵喵喵!(我要摸摸,死人頭快啲摸我!)」
「凌先生同黑貓感情真係好,唔知你哋平時會唔會玩開人獸呢?」
「……」
「……」
「唔好打我唔好搲我!我知錯喇!一係唔好講妖,不如我哋講下鬼呀,唔知凌先生知唔知最近發生嘅廢校靈異事件?」
「知。」
「聽講入面有隻好可怕嘅吊頸鬼,凌先生可唔可以講解下鬼嘅原理呀?」
「鬼係生物死後嘅殘餘能量體,佢哋依據殘留記憶抱留慾望而行動,當中又分為兩類——亡魂同怨靈。」
「兩者又有咩唔同呢?」
「亡魂只會搞下惡作劇,本身無咩危險性,基本上隨處可見。怨靈係對生前執念過於強烈,加上吸收一定能量而演化成嘅強大靈體,但因為對執念嘅慾望太強烈,失去理性,甚至會做出危害人類嘅行為。」
「就好似我哋平時睇鬼片啲鬼啊……貞子之類咁?」
「無錯,不過講到貞子其實係另一種更特殊嘅存在,但呢個題外話。」
「咁鬼會唔會死㗎?」
「會,佢哋會自然消失,亦可以透過物理手段消滅佢哋。」
「兩者有咩唔同?」
「前者係自然現象,構成鬼嘅能量體會根據熱力學第二定律而漸漸消散,就好似擺喺溫室嘅冰會溶化一樣,另外如果滿足到鬼魂嘅願望,鬼魂亦會自然消散,而後者就係對付某啲強頑怨靈而作出嘅手段。」
「咁佢哋死咗會去邊㗎?」
「萬物歸一,化為虛無。」
「吓!即係……人死咗唔會好似佛家咁佛你老母……唔係,係進入輪迴?」
「當然會輪迥,作為構成萬物內在嘅靈魂。」
「喔喔(一頭霧水,唔明佢講乜)……」
「(如果向夏舞小姐呢啲媒體講出真相,會唔會可以幫陳伯平反到……但始終無證無據,而且媒體力量有限,最重要係警察……)」
「時間都差唔多,咁我問埋最後一條問題喇……凌先生唔玩人獸,咁會唔會玩人鬼情未了?」
「小黑,呢度有隻妖要驅。」
「喵!(收到!)」
「凌先生冷靜啲,有事愎慢講,唔好拎刀出嚟……今晚時間又到,下星期同樣時間我哋……沙沙……再見……沙沙……」(享年22歲)
唔L記得咗
2018-12-16 19:03:10
黑貓同凌仔咁好感情嘅
仲會合作一齊捉妖㗎喇?
夏舞
2018-12-16 19:50:14
下篇就知
夏舞
2018-12-16 19:50:24
朗哥
夏舞
2018-12-16 20:41:57
今晚出街 夜少少出文 會開新篇
星塵散落
2018-12-17 01:51:07
冇入幾日草埋一次過睇 真係好正 點解可以咁好睇
我要做個好人
2018-12-17 02:00:30
推
夏舞
2018-12-17 02:10:16
趕唔切打 聽日先繼續更
夏舞
2018-12-17 02:10:45
多謝星塵絲
日暮
2018-12-17 05:57:05
Pishhhhhh
唔L記得咗
2018-12-17 07:52:02
拖更?
加你double吖拿
夏舞
2018-12-17 11:47:51
今日回復返正常
靚女唔痾屎
2018-12-17 15:29:52
夏舞
2018-12-17 15:42:28
自陳伯件事已經一個月。
嗰日我暈咗之後,Shelly佢哋送咗我入院,第二朝醒返之後就已經安然無恙。
失蹤男女嘅屍體已經被搵返,事情俾警方掩蓋,以「意外」為由處理告終,實情係點我都唔清楚。
不過即使被掩蓋,唔完整嘅真相依然喺大學間揚開,成為下個鬧鬼事件。
我同陳伯之間有過約定,會幫佢主持公道,不過而家無證無據,暫時無辦法揭發呢單案件。
總有一日,我會還陳伯一個真相。
「喵——」小黑忽然過嚟我面前撒嬌。
「做乜?貓糧咪倒咗喺個狗兜囉。」
「喵喵喵!」
「將就下食住先啦,你又唔知啲貓糧有幾貴,你條仆街真係食飯唔知米貴。」
「喵喵喵喵喵喵喵喵喵!」
電光石火,我件皮褸又多咗幾條貓爪痕。
「唉……呢隻臭貓好撚難搞……」
「做咩咁煩惱呀?」若兒忽然竄咗出嚟。
「呢隻臭貓囉……養佢又要錢,又要周圍亂咁痾屎,嘥咗我唔知幾多廁紙,唉……」
「其實小黑都幾可愛啊,只要你畀個心出嚟去同佢溝通,佢就會乖乖對你。」若兒大愛模式上身,「唔信你睇!」
若兒飄到小黑面前,但唔知點解小黑一見到若兒就會好乖咁坐定,而且仲好似流露出恐懼嘅眼神。
唔知咩原理,大概一物治一物掛。
夏舞
2018-12-17 15:42:48
近排生活如常,無咩大委託接,就算有都係一啲好雞毛蒜皮嘅事,例如幫人屋企擺下法陣,趕走下街邊亡魂咁。
除咗某樣嘢——
「哇!小凌原來係驅魔師嚟㗎!」
「小凌好勁……黐張紙就趕走咗隻鬼……」
「原來真係有鬼呢樣嘢……話說小凌,驅魔師平時係會做啲咩,係念聖經灑聖水,定係念佛經灑符水?」
「你哋認錯人,呢度無人係驅魔師。」
「嗰日我明明見住唔知點樣將個校工阿伯消滅,你仲想扮咩嘢……」浩然皺起眉頭,「諗起嗰日就有種蛋痛嘅感覺……」
「踢你睪丸嗰個係阿瞳唔係我。」
「平時見小凌咁cool,原來收埋咁多嘢……」Shelly搭住我膊頭奸笑,「不過呢次之後,總算見到小凌不為人知嘅一面!」
「你好煩人。」
「唔好咁講啦,你講過我哋係『朋友』嚟㗎嘛。」
自此之後,多咗三個人知道我嘅秘密。
唔係,我仲計漏咗一個。
話說嗰日之後,就無見過嗰個傻婆道士。
你,最近還好嗎?尚愛看少女漫畫嗎?最近,近乎沒露面,你有新對象嗎?
就奇。
我唔在意佢跌落屎坑定去街市買蔥,但佢差我一筆委託嘅錢。
早知嗰日拎佢電話號碼,就唔使而家俾人差咗筆數。
好彩上個禮拜我問返穆姑娘拎多次支票,總算未淪落到要去街頭執紙皮。
我邊食住煙,邊悠悠閒閒咁行去café。正當我行到café門口,打算入去買杯咖啡時,我透過玻璃望到café裡面有個唔應該會出現喺呢度嘅人存在。
夏舞
2018-12-17 15:43:15
我捽一捽眼,睇下係咪自己眼花。
但係無,奇裝生物再次出現喺呢頭。
「你做咩會喺度?」我行到白寧面前。
佢見到我之後好雀躍咁用成間café都聽到嘅音量大叫:「凌先生!」
「太大聲!」我怒睥住佢。
「呃……一時太興奮,唔小心大聲過頭。」
「你喺呢度做咩……唔係,等等,你差我錢,上次陳伯單嘢你要畀返執酬我。」
「但係……」白寧打開佢銀包,「我好辛苦先夠錢買鋒味漢堡……」
「仆你個街我都估到係咁!」我反咗下白眼,「算啦,我怕咗你。」
之後,我收咗從業驅魔師以嚟最平嘅一次報酬——一杯咖啡。
好彩今次多咗錢,可以買杯貴啲嘅咖啡。
我坐落佢對面,烹受住熱騰騰嘅咖啡,但發現白寧眼甘甘咁望住我傻笑。
「點解你咁鍾意望住我傻笑?」我忍唔住放低咖啡問佢。
「你係咪好鍾意飲咖啡㗎?」白寧一臉非常好奇嘅表情。
「都幾鍾意。」
「我可唔可以試一啖?」
我不解反問:「你無飲過咖啡咩?」
白寧愣然咁向我搖頭。
我猶疑咗下,但見佢一臉扮晒可憐嘅眼神,所以就畀咗杯咖啡佢。
佢拎起杯咖啡,如同小貓輕嚐一口。
「唔!好苦!」佢即刻遞返杯咖啡畀我。
「咖啡本來就係苦㗎啦。」
「咩呀,咖啡唔係甜嘅咩?」
「太甜就會破壞咖啡本身嘅味道。」
白寧一頭霧水望住我,不過我唔奢求佢會理解,因為我一早知佢係個白癡。
夏舞
2018-12-17 15:43:26
只不過,佢啱啱係用我飲嗰個位飲杯咖啡……
我望住咖啡杯邊,都係轉去另一邊先繼續飲杯咖啡。
「你失咗蹤成個月,我以為你真係想走數。」
「我……只係最近有啲嘢做……」
「咁你嚟搵我做咩?」
「你點知我嚟搵你㗎……啊!」白寧講完先撳住嘴,但已經太遲。
「你唔係搵我點會無啦啦喺度出現,我估你都嚟咗呢間café幾次。」
「呢件事……唔係咁好意思開口……」
「咁我走。」
「等等!我……」
白寧臉頰泛紅垂低頭,好似有嘢想講,但又愈講愈細聲。
「我呢……俾師兄逐出咗師門……」
唔L記得咗
2018-12-17 16:57:31
哥布林殺手咁款
唔L記得咗
2018-12-17 16:58:06
白寧想同若兒爭仔
唔L記得咗
2018-12-17 17:01:37
今次唔驅魔,要驅女
唔是教我打機呀嘛
2018-12-17 19:21:50
題材提供:
日本興萬物都有神
而好多時係怕咗佢地搗亂先稱乎呢D野做「神」
供奉佢地 求佢地唔好搞事
如果0仔對抗呢D妖魔化濕鳩神仙會點