我係一個驅魔師，專幫人驅散妖魔鬼怪

「咁嗰隻貓依家……」

「佢喺度。」

喺我凳底下，一隻只有一條尾巴嘅黑貓好得戚咁行出嚟。

「就算你咁得戚都無用，我唔會當你係主子咁養。」

「喵！」

黑貓怒喵一聲，皮褸又有兩條新嘅爪痕。

既唔可以將佢置之不理，又唔可以交佢畀其他人養，所以暫時由我托管住呢隻黑貓。

黑貓喺café四圍跑動，但跑跑下忽然停低落嚟，眼神惶恐望住前面。

「小凌，點解小黑好似好驚我咁？」喺我隔籬唔知幾時出現嘅若兒講。

「唔知，可能你太面目可憎掛。」

「凌仔，你啱啱講咩話？」穆姑娘不解咁望住我。

「無嘢，我自言自語。」

「係喇，我要趕住去探張伯。」穆姑娘匆忙拎起手袋，向我鞠躬，「我走先喇！同埋，多謝你救返張伯！」

我望住穆姑娘漸漸遠去嘅身影。

每當完成一個委託，就會得到來自委託人嘅一個答謝——

但對我嚟講，只不過係一種折磨。

究竟幾時，先可以停止呢種無止境嘅折磨？

人的確唔係得一面

阿醒

為咗要復活條女，係咪

吳紀德

你地講緊乜

我地係另一個故嘅其中一角

中出路飛巴打嘅異能系列，個世界觀好大好吸引
仲可以隨時入故做其中一角，異能都可以揀埋

舞巴有冇興趣睇下

幾好睇，會唔會有蛇妖？

你想要青蛇定白蛇

感覺有d 無心法師

有機會睇下

遲啲會再寫其他類型嘅妖
不過講起蛇妖就諗起白素貞

現代版無心法師

新讀者 support

白蛇吧，有人睇過我嘅高我係白蛇精

都係，我都覺得我有時有D似佢.好想睇一位痴情嘅蛇精故

巴打好似有啲經歷

唔係有幾多經歷呀，不過突然度到條橋：好耐以前蛇妖愛上咗一個人類女仔，不顧人妖殊途兩人照結為夫婦，但上面嘅神仙好快發現，想殺咗蛇妖時個女仔為佢擋咗最致命嘅攻擊而死，神仙睇在女仔份上留下蛇妖一命，但下咗禁令佢絕對唔能夠再喺轉世嘅佢面前出現。蛇妖休養生息等咗幾百年先等到佢轉世為人，暗地為佢遮風擋雨，令佢逢凶化吉，邊個傷害個女仔就害返邊個，但其實唔多唔少個女仔感應到，佢亦終於喺佢面前現身，兩個相認......睇吓你能唔能夠俾凌先生出場打蛇妖

好似幾有趣 多謝你條橋 我會好好考慮 睇下邊到可以放呢個章節落去

正評留名

會等，其實都算係由我個經歷再加鹽加醋度出來

好好睇 pish

愛情故達人