A
「隊長叫到,我一定會去。」
阿威只點了點頭,然後把我帶到小遙的房間去,卻見小遙房間空無一人。
「平時小遙離開基地前都會交帶落,但係今日一大清早就唔見左人,我搵哂全個基地都唔見佢......」落寞的阿威完全失去了昨天勇敢退敵的精神,又聽他問:「你望下間房,同尋日有咩分別?」
我環顧一看,只見那壁報板上的照片都被移除了。
「唔通小遙一個人出左去搵佢男朋友?」
「唉,尋日佢係睡夢中不斷叫佢男朋友牙俊個名,可想而知小遙幾掛住佢。其實牙俊係佢青梅竹馬既朋友,大中小學都係讀同一間。到大學佢地終於一齊,但唔夠一個月就爆發左喪屍病毒,牙俊亦同時失蹤左。雖然牙俊生存既機會好渺茫,但係小遙就係唔肯接受呢個事實,成日話要出去搵牙俊。到尋日發燒發夢,醒返終於忍唔住要出去搵佢......」說到此時,阿威終於流下男兒淚。
「所以你想我出去救小遙返黎?」
「岩一半,係我同你兩個一齊出去救小遙返黎。我唔想驚動基地其他人,令佢地日夜擔心。我知道你係最佳人選,因為你同我一樣咁愛小遙。」
我拍拍阿威的膊頭道:「我地一定會合作救返小遙返黎。」
此時我應該?
A.回房間拿裝備
B.到資源區拿資源
C.直接和阿威出發