我想問有冇人試過係曼官網/香港球迷會買飛
球迷會係咪真係大機會買到?
事緣係一家三口想睇四月四對愛華頓個場波
我老豆忠實曼迷 一定要買到飛呀
但諗緊除左上網買黃牛 呢兩隻方法邊個會穩陣啲
上年 9 月去英國
我都係當日去到奧脫福先買黃牛 ( 9月24 主場對李斯特城)
因為見佢要做會員 先買到飛 , 好似又俾佢鑿多筆咁
23 號我就 去左參觀球場啦, join tour
果日就未見到有黃牛黨出現嘅 , 但我唔擔心
到到24號果日, 我同條女兩個 朝早十一點零再去到奧脫福
佢幫我瘋狂影相啦 , 咁我就舉起塊一早準備好嘅牌
上面寫住
" we are from hong kong , and we need 2 tickets pls ! "
#comeonyoureds #mufc #manchesterisred
只係等左大約 3-4 分鐘, 已經有個男仔行埋黎,
佢大約廿零歲, 個樣有 d 似 查域克, 面帶笑容
鳩吹左幾句, 佢問我係咪想要兩張飛 ,
咁作為死忠. 就點都想坐晌 Stretford End 西看台啦
佢又居然真係有晌手喎 , 咁我梗係想即刻 deal 啦 ,
正當想開口嘅時候 , 無錯 我條女 以 零至100 4秒嘅速度衝埋嚟 ,
同我講話 唔好俾佢覺得你好想買 , 佢一定劏你
果然 , 女人係心水清, 一言驚醒步驚雲
我即刻收起我極度喜劇嘅心情, 擺出一副 扭扭擰擰嘅態度,
結果係成功嘅,
因為我其實都知知地價, 呢個查域克 開我 55 鎊一張
( 正價 好似 40 鎊 ) , 正當我晌度又扭又擰之際
有另外一個 身高 7 尺嘅 黑柴行埋黎 Yo 我,
咁我都條件反射地 比左個 5 佢 ,
廢話少說, 一黎佢就話 50 鎊一張 , 仲有最後兩張連位
我都幾乎想俾錢 , 但我條女 離遠啤一啤我,
我就知 我仲有討價還價嘅餘地,
拉鋸嘅詳情就唔講, 個結果係
我用 94 鎊買左兩張 西看台嘅飛, 半場嘅時候
仲有人送咗兩隻熱狗 同埋 兩杯咖啡俾我
當然啦, 最重要係現場睇曼聯, 七萬幾人一齊睇波
一堆唔識嘅人 晌度一齊打氣, 吶喊, 唱歌
此刻無價 !
知你有女啦