睇完開始對古人既思想好有興趣
[古典文學入門（一）]你所不知道的陶淵明
戈登探長
447 回覆
195 Like
1 Dislike
巴打真係好有心機
睇完開始對古人既思想好有興趣
睇完開始對古人既思想好有興趣
老子莊子唐傳奇現代文學雜談
呢幾個都好有趣
竟然無人對咸濕野有興趣
幾想睇豔故
品花寶鑑
簡介基本古典文學概念：遊戲筆墨
兼談陶淵明止酒詩
中國古典詩有一個非常重要同獨特嘅地方
就係中國古代，由周至清，詩並非如現代人想像：脫離俗世嘅純藝術品
孔子講「不學詩，無以言」係一針見血，因為詩係一種日常應酬、交友、擦鞋嘅重要工具
同題競寫，各逞才情
睇返好多有名詩人嘅全集，呢種作品多數佔左一半以上，數量驚人
我地會稱呢種作品為「遊戲筆墨」，並唔係為左咩嚴肅嘅抒情言志而寫
但我地而家睇文學史、選集，都成日忽視左呢批作品，係件可惜嘅事
所以為左以正視聽，今次特別介紹陶淵明一首玩嘢之作，止酒
止酒，即係陶淵明呢一個咁鍾意飲酒嘅人，竟然話自己要停止飲酒，呢到已經夠幽默啦
廢話唔多講，即刻黎講吓首詩先：
止酒：
居止次城邑，逍遙自閒止。
坐止高蔭下，步止蓽門裡。
好味止園葵，大懽止稚子。
睇呢幾句，相信大家都會發現一個趣怪之處
就係每一句都有一個「止」字，呢個正正係陶淵明玩嘢嘅地方
佢創造左一個新嘅形式去寫詩，強制限定左自己每句都加個止，去配合返自己止酒嘅主題
止：有停止、居留之意，同時都係語助詞
蓽門：柴門
呢幾句都係講陶淵明嘅日常生活，鍾意食自己種嘅菜，鍾意同自己個仔玩
呢到亦都可以留意，古詩係成日忽略主詞嘅，所以唔明果陣可以加返主詞
平生不止酒，止酒情無喜。
暮止不安寢，晨止不能起。
日日欲止之，營衛止不理。
徒知止不樂，未知止利己。
始覺止為善，今朝真止矣。
呢幾句都幾好笑
都係形容自己飲左酒就訓唔著又起唔到身
營衛：中醫術語，指要保全自己嘅氣
唔飲酒，個心唔開心，飲左酒，身體唔開心
但都係唔飲酒先係好嘅，都係唔飲啦
呢到由不止到止，幾有一問一答嘅趣味
從此一止去，將止扶桑涘。
清顏止宿容，奚止千萬祀。
呢到嘅止，連結至桑涘
桑：扶桑，係山海經神話入面嘅樹名
連埋上面嘅善同神仙世界
止酒就有修仙、長生不老嘅意思
清顏，即係有仙氣啦，止左酒就可以一直有仙氣，直到千千萬萬年
呢到表達左陶淵明生活美學嘅理想，又有邊個唔想身體健健，開心生活呢
現實同理想當然有差距，陶淵明一生都無真正止酒
呢種詩文成日都反映左好多野，思想矛盾、時代問題等等
不全然遊戲筆墨，嘻笑怒罵皆成文章，先係真正嘅大文學家
再讀一次啦喂：
居止次城邑，逍遙自閒止。
坐止高蔭下，步止蓽門裡。
好味止園葵，大懽止稚子。
平生不止酒，止酒情無喜。
暮止不安寢，晨止不能起。
日日欲止之，營衛止不理。
徒知止不樂，未知止利己。
始覺止為善，今朝真止矣。
從此一止去，將止扶桑涘。
清顏止宿容，奚止千萬祀。
老子莊子唐傳奇現代文學雜談
呢幾個都好有趣
竟然無人對咸濕野有興趣
幾想睇豔故
古人隨時咸濕過你
咩交都有呀
巴打真係好有心機
睇完開始對古人既思想好有興趣
多謝巴打支持
一直睇落去一定會有得著
呢幾個都好有趣
竟然無人對咸濕野有興趣
幾想睇豔故
品花寶鑑
飲食男女，人之大欲存焉
禮記都咁講架
歷史有冇記載佢五個仔之後過成點
無點特別記錄呀
因為真係好平凡咁過左一世
陶淵明哩代已經開始家道中落
佢啲仔係咪窮到燶
歷史有冇記載佢五個仔之後過成點
無點特別記錄呀
因為真係好平凡咁過左一世
陶淵明哩代已經開始家道中落
佢啲仔係咪窮到燶
有地架嘛
返鄉下耕田咪幾好
又黎東坡和陶淵明止酒
和止酒
丁丑歲，余謫海南，子由亦貶雷州。五月十一日相遇於藤，同行至雷。六月十一日，相別渡海。余時病痔呻吟，子由亦終夕不寐。因誦淵明詩，勸余止酒。乃和原韻，因以贈別，庶幾真止矣。
時來與物逝，路窮非我止。與子各意行，同落百蠻裏。蕭然兩別駕，各攜一稚子。子室有孟光，我室惟法喜。相逢山谷間，一月同臥起。茫茫海南北，粗亦足生理。勸我師淵明，力薄且為己。微痾坐杯酌，止酒則瘳矣。望道雖未濟，隱約見津涘。從今東坡室，不立杜康祀。
一齊吹水話自己唔飲酒
又黎東坡和陶淵明止酒
和止酒
丁丑歲，余謫海南，子由亦貶雷州。五月十一日相遇於藤，同行至雷。六月十一日，相別渡海。余時病痔呻吟，子由亦終夕不寐。因誦淵明詩，勸余止酒。乃和原韻，因以贈別，庶幾真止矣。
時來與物逝，路窮非我止。與子各意行，同落百蠻裏。蕭然兩別駕，各攜一稚子。子室有孟光，我室惟法喜。相逢山谷間，一月同臥起。茫茫海南北，粗亦足生理。勸我師淵明，力薄且為己。微痾坐杯酌，止酒則瘳矣。望道雖未濟，隱約見津涘。從今東坡室，不立杜康祀。
一齊吹水話自己唔飲酒
補充一句：
子由係東坡細佬
勸東坡唔好飲酒
東坡因此和止酒送比子由
留名學野 記得巴打之前係高登開過文學post
期待現代文學
另外古典文學會唔會講埋紅學？
期待現代文學
另外古典文學會唔會講埋紅學？
留名學野 記得巴打之前係高登開過文學post
期待現代文學
另外古典文學會唔會講埋紅學？
估唔到巴打記得我呀紅學要講可能要講成年
暫時應該唔會講
多謝巴打提議
樓主中文系？入中文系面試問唔問依啲嘢？
果個年代興唔興諷刺時弊既古詩？？
樓主中文系？入中文系面試問唔問依啲嘢？
間間都唔同
不過講真都係好吹水式嘅
中文系九成唔會故意刁難人地
你本身鍾意睇書已足夠
當然睇埋呢個post就十拿九穩
果個年代興唔興諷刺時弊既古詩？？
美善刺惡，本身就係詩經傳落黎嘅中國詩歌傳統
詩既然係社會交流嘅重要工具
當然係充滿社會性
基本上無一個朝代係唔興諷刺詩
古人也要擬古？
從陶淵明擬古九首其一讀起
好多人都講文學係一種創造嘅藝術
但文學嘅創造，其實都唔係原創，只係取法世間現象嘅再創造
古人一早深明民個道理，所以古人成日都係崇古嘅，因為沒有過去，就沒有未來
魏晉時期嘅陶淵明，係佢創作之前，已經對前人之作有許多研讀同學習，先會寫得出咁好嘅詩文
亦都係咁，陶淵明先會寫出擬古九首
擬，模擬、學習，係一個藝術家向前人致敬嘅方法
退一步去諗，其實藝術係離唔開模仿、致敬嘅，例如現代電影就好常見
雖然陶淵明並無表明所致敬嘅係咩作品，但從整體而論，可以推測佢係向古詩十九首致敬
擬古有兩個明顯嘅特色：
1.風格、語言相似（如質樸）
2.體式相似（如五言體）
擬古九首其一：
榮榮窗下蘭，密密堂前柳。
初與君別時，不謂行當久。
呢到係中國詩歌傳統嘅敘述手法
先景後情，借物起興
前面寫景，稱作興句
後面起情，稱作應句
呢種手法係從詩經、古詩十九首開始嘅，影響左後世無數詩人，幾乎係一定會用到嘅
興呢種手法多數係開頭，但唐代亦會穿插其中
蘭花，係古代比喻人格高尚之植物
柳，係詩歌傳統中係離別，古人折柳送別，係一種離情
最初離別之時，無諗過我地會分別咁耐
一興一應，使情感更具張力，先有具體嘅感覺
出門萬里客，中道逢嘉友。
未言心未醉，不在接杯酒。
呢到繼續講故事
估唔到你去左萬里之外，識左第二個朋友
陶呢到好基咁FF
你地唔需要講野都知道哂對方心意，唔飲酒但都已經好似醉左咁開心
蘭枯柳亦衰，遂令此言負。
變節易心，相約之言早負
呢到精彩嘅地方係連結返蘭同柳
大家不妨細細品味
前面嘅FF，稱做假擬，即係幻想嘅人事
呢種假擬要寫得好，通常係要表達到某種世間嘅普遍存在
呢到表達左嘅唔係基情，而係相約至失約，人世間變節易心嘅悲傷
多謝諸少年，相知不忠厚。
意氣傾人命，離隔復何有？
人之相知，貴相知心
變節易心係件不忠厚嘅事，古人視友係非常重要嘅
同聲相應，同氣相投，為朋友係可以捨命
離隔即分別之意，復即怎樣
如果真係朋友，分隔又點會影響到關係？
呢到除左可以睇得出陶淵明嘅友情觀
亦都可以睇得出文學價值
往往在於能夠係個別嘅人事中昇華出人世普遍嘅存在
正正因為有呢種人情翻覆是波瀾嘅常見現象
先至會有讀之與我心有側側焉之感概
呢到再讀一次：
榮榮窗下蘭，密密堂前柳。
初與君別時，不謂行當久。
出門萬里客，中道逢嘉友。
未言心未醉，不在接杯酒。
蘭枯柳亦衰，遂令此言負。
多謝諸少年，相知不忠厚。
意氣傾人命，離隔復何有？
多謝巴打支持
古人也要擬古？
從陶淵明擬古九首其一讀起
好多人都講文學係一種創造嘅藝術
但文學嘅創造，其實都唔係原創，只係取法世間現象嘅再創造
古人一早深明呢個道理，所以古人成日都係崇古嘅，因為沒有過去，就沒有未來
魏晉時期嘅陶淵明，係佢創作之前，已經對前人之作有許多研讀同學習，先會寫得出咁好嘅詩文
亦都係咁，陶淵明先會寫出擬古九首
擬，模擬、學習，係一個藝術家向前人致敬嘅方法
退一步去諗，其實藝術係離唔開模仿、致敬嘅，例如現代電影就好常見
雖然陶淵明並無表明所致敬嘅係咩作品，但從整體而論，可以推測佢係向古詩十九首致敬
擬古有兩個明顯嘅特色：
1.風格、語言相似（如質樸）
2.體式相似（如五言體）
擬古九首其一：
榮榮窗下蘭，密密堂前柳。
初與君別時，不謂行當久。
呢到係中國詩歌傳統嘅敘述手法
先景後情，借物起興
前面寫景，稱作興句
後面起情，稱作應句
呢種手法係從詩經、古詩十九首開始嘅，影響左後世無數詩人，幾乎係一定會用到嘅
興呢種手法多數係開頭，但唐代亦會穿插其中
蘭花，係古代比喻人格高尚之植物
柳，係詩歌傳統中係離別，古人折柳送別，係一種離情
最初離別之時，無諗過我地會分別咁耐
一興一應，使情感更具張力，先有具體嘅感覺
出門萬里客，中道逢嘉友。
未言心未醉，不在接杯酒。
呢到繼續講故事
估唔到你去左萬里之外，識左第二個朋友
陶呢到好基咁FF
你地唔需要講野都知道哂對方心意，唔飲酒但都已經好似醉左咁開心
蘭枯柳亦衰，遂令此言負。
變節易心，相約之言早負
呢到精彩嘅地方係連結返蘭同柳
大家不妨細細品味
前面嘅FF，稱做假擬，即係幻想嘅人事
呢種假擬要寫得好，通常係要表達到某種世間嘅普遍存在
呢到表達左嘅唔係基情，而係相約至失約，人世間變節易心嘅悲傷
多謝諸少年，相知不忠厚。
意氣傾人命，離隔復何有？
人之相知，貴相知心
變節易心係件不忠厚嘅事，古人視友係非常重要嘅
同聲相應，同氣相投，為朋友係可以捨命
離隔即分別之意，復即怎樣
如果真係朋友，分隔又點會影響到關係？
呢到除左可以睇得出陶淵明嘅友情觀
亦都可以睇得出文學價值
往往在於能夠係個別嘅人事中昇華出人世普遍嘅存在
正正因為有呢種人情翻覆是波瀾嘅常見現象
先至會有讀之與我心有側側焉之感概
呢到再讀一次：
榮榮窗下蘭，密密堂前柳。
初與君別時，不謂行當久。
出門萬里客，中道逢嘉友。
未言心未醉，不在接杯酒。
蘭枯柳亦衰，遂令此言負。
多謝諸少年，相知不忠厚。
意氣傾人命，離隔復何有？
正呀
我返嚟了
好似咁樣開post講易講啲
我返嚟了
好似咁樣開post講易講啲正呀
我返嚟了
量力而為
慢慢黎又唔急嘅
D古文每一句都睇唔明
D古文每一句都睇唔明
試試攞左個大概意思再讀要明白嘅係佢除左係古文
亦都係詩
本身詩就係比較難明
可以先取其大要
再慢慢品嚐某幾句特別鍾意嘅
真係睇唔明就跳左先
有時需要慢慢累積先借睇得明