從夸父追日談神話之多向詮譯
兼談陶淵明讀山海經其九
神話同文學有咩分別呢？
有唔少文學史會包埋神話，視神話亦都係文學嘅一種
呢種講法係無錯嘅，但我地要理解到神話同文學係創作方面有好大分別
神話：集體創作 口耳相傳 源於先民嘅幻想
文學：個人創作 著書定冊 源於作者嘅情思
我地前面提過，閱讀文學係多向嘅詮釋，唔好太妄求作者本意
係神話閱讀，我地更加理解到多向詮釋嘅重要，因為神話嘅作者係多人，更可能唔係同一時代
所以我地每一個人閱讀神話，都係一種再創造，由新嘅讀者發現神話新嘅意義
呢樣亦都係神話迷人嘅地方，吸引左千古至今好多人埋首古籍
陶淵明讀左夸父追日嘅神話，寫左讀山海經十三首其九：
夸父誕宏志，乃與日競走。
《山海經·海外北經》載：「夸父與日逐走，入日。渴欲得飲，飲於河、渭。河、渭不足，北飲大澤。未至，道渴而死。棄其杖，化為鄧林。」
夸父追日，有學者話係代表中國先民農耕對太陽嘅崇拜，亦有話係因為乾旱對水嘅渴求
但呢種研究係屬於學術嘅，我地當佢係文學閱讀，會更加有趣味
陶淵明對夸父係欣賞嘅，視佢追日之志為宏大嘅志願，係對理想嘅追求
俱至虞淵下，似若無勝負。
神力既殊妙，傾河焉足有？
《山海經·大荒北經》載：「夸父不量力，欲追日景，逮之於禺谷。將飲河而不足也，將走大澤，未至，死於此。」
夸父係有趣嘅，因為係山海經入面，對佢嘅講法有時係唔同章節入面，係互相矛盾，集體創作嘅特色
呢到對夸父有不自量力嘅詮釋，但陶淵明嘅評價係正面，正呈現左再創造嘅魅力
虞淵：即禺谷，傳說中的日落之處。
夸父到呢邊仲係好似無勝負，依然未輸比太陽
殊妙：佛家語，即玄妙無窮
傾河：飲哂成條河嘅水
餘迹寄鄧林，功竟在身後。
《山海經·海外北經》載：「棄其杖，化為鄧林。」
呢到係陶淵明捕捉到嘅一個文學中極美嘅意象
夸父追日，死前拋開手杖，手杖化作一片樹林，名叫鄧林
生前對追求理想嘅堅持，死後嘅精神依然不滅，由抽象嘅概念，變成具體嘅事物，餘蔭萬世
陶淵明果然係一個詩人，詩人嘅目光，看出夸父神話最動人嘅地方，賦予左佢一種美麗嘅解讀
