[古典文學入門（一）]你所不知道的陶淵明

留名學野，巴打好有學識
有無諗過講蘇軾?? 個人認為佢啲詩好振奮人心

下次打算講邊個？

未決定
暫時收到嘅意見
比較熱門嘅係
李商隱
蘇東坡
艷情小說
呢三個我都覺得好特別

餓撚最愛蘇東坡

On9 一問
其實夸父追日既動機係乜？點解崇拜太陽就要追住佢？佢想奔向太陽？神話無一致解釋？

呢個問題好好
根據學術界嚴肅嘅吹水
多數都係把神話視為先人對自然萬物變化嘅解釋
又或者先人對某事物嘅崇拜或恐懼
夸父追日，有人話夸父係一個部落
有人話夸父追日表現左中國農民對太陽嘅崇拜
追太陽點解係崇拜？呢個都係好吹水
無太陽就無農作物？日出而作嘅穩定？太陽太勁會整死人？
都有人話夸父追日飲哂河水係對旱災嘅恐懼
神話之所以係神話，即我地係無一個完全正確嘅解釋
除非我地能夠通靈，否則所謂嘅學術定論，其實都係吹水多

留名學野，巴打好有學識
有無諗過講蘇軾?? 個人認為佢啲詩好振奮人心

蘇東坡係全才型嘅文人
差唔多咩野都識
我之後一定會講到佢

下次打算講邊個？

未決定
暫時收到嘅意見
比較熱門嘅係
李商隱
蘇東坡
艷情小說
呢三個我都覺得好特別

餓撚最愛蘇東坡

收到

On9 一問
其實夸父追日既動機係乜？點解崇拜太陽就要追住佢？佢想奔向太陽？神話無一致解釋？

我都想知，其實以我角度睇，佢追日係不切實際，追求不存在可能性嘅結果。不過可能現實中每個人都同佢一樣

不過陶淵明睇到欣賞佢嘅地方真係好值得我地學習。
特別係佢個句功竟左身後，我睇到真係嘩嘩聲。個種看透世事，深明真理嘅感覺。

因為功竟在身後呢句其實背後帶出嘅道現好多而且有種真理嘅感覺，特別係加埋夸父前面嘅故事。

巴打講得好精彩
山海經其他十一首都好值得睇
大家有心可以搵埋黎睇
不過我特別鍾意呢一首

留名

多謝樓主開呢D post! 開野,樓主文學係咪好叻?

多謝樓主開呢D post! 開野,樓主文學係咪好叻?

學野

多謝樓主開呢D post! 開野,樓主文學係咪好叻?

學野

讀得比較多少少
比唔起好多真正勁人
但做入門嘅導讀都勉勉應付到
多謝巴打支持

明日會出新文

明日會出新文

沒有講精衛嗎？

沒有講精衛嗎？

絲打識貨
其實好多首都值得講
但個大主題上面都有提及
作為入門已夠，有興趣嘅巴絲會搵埋黎睇

從廟堂歸返田園的自主抉擇
讀陶淵明歸去來辭並序

有人話過，魏晉時代嘅散文大家只得一個，唯一一個
呢個就係陶淵明啦，佢寫嘅散文，除左王羲之嘅蘭亭集序，就再無其他文比得上佢
無錯，陶淵明除左五言、四言詩，連散文都寫得好出色嘅，例如提過嘅五柳先生傳、自祭文
今次我地黎細讀一次，陶淵明好出名，大家教科書都讀過嘅：歸去來辭並序

序：

余家貧，耕植不足以自給。幼稚盈室，缾無儲粟。生生所資，未見其術。親故多勸余為長吏，脫然有懷，求之靡途。會有四方之事，諸侯以惠愛為德；家叔以余貧苦，遂見用於小邑。於時風波未靜，心憚遠役。彭澤去家百里，公田之利，足以為酒，故便求之。及少日，眷然有歸與之情。何則？質性自然，非矯厲所得；饑凍雖切，違己交病。嘗從人事，皆口腹自役。於是悵然慷慨，深愧平生之志。猶望一稔，當斂裳宵逝。尋程氏妹喪於武昌，情在駿奔，自免去職。仲秋至冬，在官八十餘日。因事順心，命篇曰〈歸去來兮〉。乙巳歲十一月也。

正如我地反覆咁提過，古典文學入面嘅序係非常重要
相對而言，現代文學嘅序就比較不受重視
命題：定向閱讀，比我地睇全文嘅方向
序：可以視作係獨立嘅文學作品，同時又係全文閱讀嘅定向
尋程氏妹喪於武昌，情在駿奔，自免去職
陶淵明妹妹死左，係令佢辭職嘅關鍵，可以幻想，佢係咪因生死而有一種不如為自己而活嘅覺悟呢？

陶淵明人生做過五次官，呢次做彭澤呢個縣令已經係佢出仕嘅高位啦
但正如佢自己講，只係做左八十幾日，就決定辭職啦
根據《晉書》記載：
郡遣督郵至縣，吏白應束帶見之，潛嘆曰：「吾不能為五斗米折腰，拳拳事鄉里小人邪！」義熙二年，解印去縣，乃賦《歸去來》。


後人成日話不為五斗米而折腰，就係出自呢到啦
金庸（無錯係寫小說果位）考證，五斗米唔係數字，而係比喻正常一個月嘅人工
所以唔好話陶淵明因為五斗米人工太少先走佬啦

生生所資：謀生之法
會有四方之事，諸侯以惠愛為德：各地起兵，咁諸侯就要請人
心憚遠役：好驚唔想去太遠

名句，成日比人提：
質性自然，非矯厲所得；饑凍雖切，違己交病
本質性格係好pure,好true，唔係勉強改到；就算好凍好餓，但比唔上違心嘅病咁苦



歸去來兮，田園將蕪胡不歸？既自以心為形役，奚惆悵而獨悲？悟已往之不諫，知來者之可追；實迷途其未遠，覺今是而昨非。舟遙遙以輕颺，風飄飄而吹衣。問征夫以前路，恨晨光之熹微。

只係睇第一段，就知道一定要讀埋出黎，好文章成日比到人呢種感受
古典文學自有一種音律之美，有人話讀之五內翻騰，好有Feel，大家可以讀讀
呢到主要係講，返去啦，塊田就荒蕪啦，仲唔返？如果認同心靈比形體控制，又點會成日唔開心呢？

金句欣賞：
悟已往之不諫，知來者之可追；實迷途其未遠，覺今是而昨非。
過去嘅錯係不可改，但未來可以改；有呢種覺悟已經有得救，知道而家係正確過去係錯。
好少人會講埋後面四句，但我覺得後面四句係好重要
舟遙遙以輕颺，風飄飄而吹衣。問征夫以前路，恨晨光之熹微。
前面係一種理性嘅覺悟，後面四句係行為嘅實踐，係一種出走
颺：飄揚
征夫：出門在外嘅人

本身係陶淵明之前：
廟堂（出仕）＞深山（隱居）
但陶之出走，開左另一條路：
廟堂（出仕）＞田園（隱居，而不隔絕世界，過自己生活）＞深山（隱居，隔絕世界）
出仕同隱居，其實好多都係一種政治抉擇，隱居係一種反抗
陶淵明雖然都有呢個方向，但比到我地睇其他諗法，原來隱居，都可以咁開心
原來隱居，可以有自主嘅可能，可以係實踐自我嘅方向，呢一樣係陶比後世無數文人嘅晨光



乃瞻衡宇，載欣載奔。僮僕歡迎，稚子候門。三徑就荒，松菊猶存。攜幼入室，有酒盈罇。引壺觴以自酌，眄庭柯以怡顏。倚南窗以寄傲，審容膝之易安。園日涉以成趣，門雖設而常關。策扶老以流憩，時矯首而遐觀。雲無心以出岫，鳥倦飛而知還。景翳翳以將入，撫孤松而盤桓。

呢到講佢返去嘅情況，同佢之後生活
瞻：望
眄：斜視
審容膝之易安：呢間屋好細，但令人好安心

金句欣賞：
園日涉以成趣，門雖設而常關。
自成一個世界，係園中已經好開心
有門，代表不拒絕外界，常關，係一種不需要主動尋找外界嘅自主抉擇
雲無心以出岫，鳥倦飛而知還。
雲之飄出山谷，係順應自然，唔係故意嘅
正如鳥群倦飛知還，都係順勢自己嘅諗法

歸去來兮，請息交以絕遊。世與我而相違，復駕言兮焉求？悅親戚之情話，樂琴書以消憂。農人告余以春及，將有事乎西疇。或命巾車，或棹孤舟。既窈窕以尋壑，亦崎嶇而經丘。木欣欣以向榮，泉涓涓而始流。羨萬物之得時，感吾生之行休。

呢到係陶淵明對兩個世界嘅對比：
世俗 名利 偽裝 應酬聚會
田園 個人 自然 真心交友

農人告余以春及，將有事乎西疇：
呢到講有事要去西疇，陶淵明見到萬物都係順應自然而盛放
從而感到自己一生將抉擇咁樣生活落去
順應自然，係道家思想，比起其他思想，更加講求順性、自主

簡單化黎講：
儒家 著重現世、入世、理想主義、講求內在德性和禮儀
道家 著重個人的自由發展、順性、講求自我生命的解放
法家 著重現世、入世、現實主義、講求外在法規的應用
墨家 著重兼愛、節制自我欲求、反對禮儀及多餘的形式
基本而言，儒道是主流，墨家沒落，法家在官場上非常發達

已矣乎！寓形宇內復幾時？曷不委心任去留？胡為乎遑遑欲何之？富貴非吾願，帝鄉不可期。懷良辰以孤往，或植杖而耘耔。登東皋以舒嘯，臨清流而賦詩。聊乘化以歸盡，樂夫天命復奚疑？

寓形宇內復幾時？曷不委心任去留？胡為乎遑遑欲何之？
我地反覆講過，陶係現世主義者，呢到陶正強調：
形體係天地生存係短暫，點解唔隨心所欲，任性而行？
富貴非吾願，帝鄉不可期
權貴名利，神仙長生，都係說服唔到一個現世主義者

懷良辰以孤往，或植杖而耘耔。登東皋以舒嘯，臨清流而賦詩。
呢四句又係生命之實踐，靚到不得了
耘耔：除草、種植
皋：高地
聊乘化以歸盡，樂夫天命復奚疑？
乘天地之大化，一定係有死期架啦
既然知道有死期，點解仲唔順心而活？



陶淵明寫左呢篇咁出色嘅散文，正表現左佢深受道家思想之下嘅自主抉擇
散文比起詩詞，往往更能夠綜合睇出作者嘅內心思想變化
呢篇散文既有理趣嘅思考，又有生活實踐嘅美好，互相映照，如一片美玉
陶淵明似乎係田園呼叫緊千古至今嘅人，點解唔順心而活，點解唔自主抉擇？
睇吓我悟已往之不諫，知來者之可追，過得鬼咁開心！

開左咁多 過一兩日慢慢睇

開左咁多 過一兩日慢慢睇

好呀慢慢黎
因為原文本身長所以寫長左
下一次就係完結篇
之後會再寫埋後記同大家分享吓自己嘅感受

最近台灣出左呢本
都幾得意
香港相對黎講仲係好保守

最近台灣出左呢本
都幾得意
香港相對黎講仲係好保守

呢本咩嚟

最近台灣出左呢本
都幾得意
香港相對黎講仲係好保守

呢本咩嚟

好似係教科書黎

Lm

Lm